القوني قاعد يدفع كم كدا للجماعة البتجاروا من الكاميرات ديل؟
صادفني بوست حسّة بتكلّم عن إنّه جبريل ومناوي مرتزقة بقبضوا كل يوم مش عارف كم نظير خروجهم عن الحياد الخ الخ الخ؛
قال كلّ الدنيا عارفة كمان!
لست بصدد الدفاع عن جبريل ومناوي أو غيرهم؛
عندي بس بعض التساؤلات الما داير إجابة عليها، حاوب في سرّك!
١- الجماعة ديل كانوا مرتزقة من زمن كانوا في قحت ووقّعوا اتّفاق جوبا، وللا بقوا\اتعرفوا مرتزقة بعد داك؟
٢- جبريل\مناوي كان بياخد القروش دي لمن جا وزير ماليّة\حاكم دارفور، وللا كانوا موظّفين مساكين وكتها؟
٣- البدفع المبالغ دي منو؟ وبجيبها من وين؟
٤- سيبك من المرتزقة المساكين ديل، انت عارف إنّه حميدتي، رجل سلام قحت الدايرانا نتفاوض معاه دا، أكبر تاجر مرتزقة في الكوكب دا؟
٥- في مقابل ٣، حميدتي بجيب قروشه البحارب بيها دولة كاملة دي من وين؟ فيه زول في الكوكب ما عارف؟
٦- ما دام هم مرتزقة ومع البدفع، مالهم ما مشوا لحميدتي الـ”جزلانو كبير” على قول الفكي؟ وللا كرتي بدفع أكتر يعني؟!
ونختم بسؤال للإجابة، لو فيه زول عارف:
٧- القوني قاعد يدفع كم كدا للجماعة البتجاروا من الكاميرات ديل؟
Abdalla Gafar
إنضم لقناة النيلين على واتساب
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
