تيسير عووضة: نقطة قذرة إضافية وغير مستغربة من الدعامة

في قرية المعيلق بالجزيرة:
إذلال كبار السن والمدنيين العزل البتعمل فيهو قوات الدعم السريع/قوات ترتدي زي الدعم السريع/قوات تدّعي إنها دعم سريع نقطة قذرة إضافية وغير مستغربة من الدعامة
أما تشيير الفيديوهات دي بواسطة ناس المفروض إنهم مواطنين سودانيين لكن موالين ومؤيدين للدعم السريع والضحك والسخرية منها بتورينا حجم عدم الأخلاق وعدم المروءة وعدم الرجولة وعدم الإنسانية وعدم الهِمة ممكن يصل وين

شجاعة الإستقواء بالسلاح على الضعفاء العزل دي شفناها عندكم بس يا ‘أشاوس’ والمباهاة والتفاخر بيها سبقتوا فيها العلموكم ومسكوكم الدرب دا ..
ما فيكم أخلاق فرسان كما تدّعوا
ولا فيكم أخلاق البدو كما تدّعوا
كلو محفوظ

وستظلوا منبوذين وملفوظين من نفوس الجميع للأبد
دي الحاجة الما حتقدروا تغيروها لا بسلاح لا بقروش منهوبة لا بكلام سمح مليان سم نوع ضد الفيلول والكيزان وجايبين ليكم ديموغراطية

تيسير عووضة