ايمان الشريف فوق الشبهات

ايمان الشريف فوق الشبهات
بت من ضوء وناصعة ودربها أخضر وتربيتها تربية أُسر وبيوت محافظة ..
أنا شخصيًا بعتبر الزول الناجح هو من يُستهدف ويُمتحن بمعني لو ما إيمان دي زولة مؤثرة ما كان في زول جاب خبرها لكن طالما هي ناجحة وفايتة الناس مسافة يبقي دي فاتورة ح تدفعها علي طول . بس المطلوب منك يإيمان ما تعايني وراك وما تشتغلي بالفارغة وتلبي فوق النيران وأركزي للبجيبها الريح …

وأعرفي يوم ما الناس تبطل تطلع فيك إشاعات ويوم ما في زول بشتغل بيك ولا يجيب خبرك معناها إنتي أنتهيتي وأصبحتي زيرو وما مؤثرة في المجتمع ،،

مجتمعنا دا بكسر مجاديف الناجح أساسًا وبشتغل تأليف في الزول الناجح وظاهر ،،
لكن إنتي حاليًا طالما بدوأ يحفروا ليك إذًا إنتي ماشة صاااااااح ووواجعهم شديد أساليني أنا ..
اما في ما يخص أشباه الرجال الذي يتداولون ما يخص النساء من إشاعات بالنشر أو التعليق او المشاركة فهؤلاء في رأيي يستحقوا أن نجهز لهم الفركة والقرمسيس وإن أرادوا نبادلهم فزرة وسط النساء …

وطالما أستهدفوك الجنجويد وجناحهم السياسي عشان إنتي داعمة الجيش إذًا أبشري إنتي صاااااااااااااااااح ودربك أبيض ..
ديل ما ناس حبرتجية ساي مع شوية جنجا
كامل التضامن الحبيبة إيمان الشريف وكوني بخير
عمومًا أنا بحب السيدة القوية كوني قوية

أختك بت الماجدي