بكلمات مؤثرة .. شقيقة فقيد القوات المسلحة (الرائد أيمن) تنعي شقيقها الذي استشهد غرقاً بعد أن ودع زملاءه

كلمات مؤثرة، نعت شقيقة فقيد القوات المسلحة الرائد ايمن محمد إبراهيم، الذي استشهد غرقاً بعد أن ودع زملاءه، نتيجة انجراف سيارته بالسيول بمنطقة كتم شمالي دارفور.

جاء فيها:

احي ياود امي الشالنا رحم واحد ربنا يصبرك يا امي كنت مستنيا جيتو بي فارق الصبر ماعارفه تاني الصبر ح يوجب عليك ايمن كان جاي نهائي يوم الخميس من الفاشر مات يوم الاربعاء.

الطياره الكان جاي بيها جا فيها جنازه واااي من نارك يااخوي انا ماقايله الخوه حاره كده ماقايله يوم ببكيك وبشيل فيك الفاتحة.

انا جيت من بعيد مستقويه بيك اقول لي اي زول خلاص ايمن جاي تاني مابجيني شيء، ايمن ماكان اخ ايمن كان صاحب كان سند كان كبيرنا وقدوتنا وعمودنا …
ضهرنا اتكسر بعدك..
ماقصرت حي وماقصرت ميت اديتنا رتبه معاك انا بقيت اخت الشهيد..
انت فديت نفسك وانقذت 11 روح قلت امرقوا انتو انا مامشكلة، وروح واحدة تساوي امة محمد.

انت ماكنت ساهل وقفت جبل للسيل لكن
حكمة الله والرايدو ليك ..
ماكنت ساهل الجيش كلو شيعك اصدقاء واهل ودفعة وخلق شيعتك موكب مخيف زي يوم الحج انت عرفت الناس دي كلها وين ومتين يا ايمن..

والله والله والله ياايمن وشك كان مضوي منور بشع نور،، كنا بنتخافت لي شوفتك زي الحجر الاسود اي زول عايز يسلم عليك انت ولي من اولياء الله الصالحين انت نعيت نفسك وودعت وعافيت الناس انت الله اداك حسن الخاتمه انت احسن زول فينا ياشجره ضلنا وحبيب قسانا ربنا يعوض شبابك الجنه وينور قبرك ويجعله روضة من رياض الجنه .
دعواتكم ليهو
الخرطوم: (كوش نيوز)