بابكر سلك يكتب: مكتوب في القزاز الورا

نعاني مع الكهرباء.
] معاناتنا ماجديدة.
] وليست وليدة عمايل الكيزان.
] معاناة قديمة من زمن شركة النور .
] في الوكت داك كان الوضع أفضل لأنو مستوى الحياة ومتطلباتها ماكانت بالمستوى ده .
] زير وضل ضحى وعنقريب هبابي قمة الطموح.
] الليلة كلو فرد عندو غرفة وأية غرفة باسبلتها .
] غير التلاجة الواقفة والتلاجة الراقدة والفرن والمايكرويف.
] ياخ شواحن موبايلات سااااي دايرين لينا أتنين سد مروي.
] وتعال شوف اللافتات.
] زمان واحدة فوق للأتنيه بتاعت الخطوط المصرية مقابلاها بتاعت سلوى بوتيك.
] تاني إلا الجي أم أتش.
] أسي بتاع الأقاشي عامل ليهو لافتة إلكترونية.
] ودكان المولد فيهو أربعة وتسعين كشافة.
] ده كلو استهلاك جديد.
] وتعال شوف الإمتدادات الجديدة وضعف الموية والموتورات.
] الخلق كترت على التوليد الكهربائي.
] والتوليد بتاع شركة النور إن لم يكن قد تدهور فهو لم يتطور .
] ولافتات الإعلان بتاعت الشركات.
] طبعاً كلها حاجة باردة وبطاريات عربات .
] ده كلو استهلاك.
] ونحنا من زمناً بدري نعاني من شح الإمداد.
] زمن نميري كنا بنهتف.
] الكهرباء جات أملوا الباغات أسي بتقطع ياجعفر.
] من زمن نميري لي أسي مرت ستة وتلتين سنة ونحنا يانا نحنا.
] يبقى العيب لافي نيل ولافي محطة حرارية ولافي طاقة شمسية.
] العيب في إرادة سودانية وإدارة تصفي النية.
] واليومين دي البقول ليك منور يكون غشاك.
] أهم مصادر الطاقة للإنتاج هي الكهرباء.
] ونحنا التخربنا ماعندنا.
] وننادي بالإنتاج.
] طالما ننتظر المنح الأجنبية (ومقابلها التدخل في شأننا الداخلي).
] عمرنا ماحاننتج .
] وطالما ما حاننتج يبقى ماحانبقى ناس.
] وفكونا من حنبنيهو وبرمجة القطوعات شيء عادي جداً.
] معقولة نصل لدرجة كهرباء تضربنا تكتلنا وتريحنا مانلقاها!.
] المهم .
] كلو زول في حياتو ياما تمر قصص.
] وتأثر على الزول القصة البتهبش الفؤاد .
] يقوم يعبر عنها بالكتابة على القزاز الورا .
] قد يكون التعبير بحكمة أو مثل أو بيت شعر أو كناية أو حتى اسم بطل القصة وفي الغالب بتكون بطلة القصة .
] حصاد الغربة على حافلة بتوريك قصة سيدها.
] سلمى على لوري سفنجة من ورا بتوريك أنو بسبب سلمى السواق ده داقش الخلا.
] أها.
] أمس قلت ليكم كنت نايم حلمت بالزول السألي الأسئلة ديك.
] تاني نمت قمت تاني حلمت.
] أشوف ليك زول كاتب في القزاز الورا التازي.
] سايق بمية وستين لاحق المطار.
] أها وصلتو (الباركنج) في نومتي ديك أشوفو ليك متحسر بعاين لطيارة التازي عاملة (تيك أوف).
] وفي قزازها الورا كاتبين الوالي.
] صحيت من الضحك.
] أيها الناس.
] إن تنصروا الله ينصركم .
] أها .
] نجي لي شمارات والي الخرتوم .
] الحق يا والينا.
] باقي الكرامة الفينا .
] أو فرتقوها يا والينا.
] ووزعونا على الدول الحوالينا .
سلك كهربا

ننساك كيف والكلب قال البشوفنا عاملين جمبات في أديس وساكنين ديم الأمهرا ماكضب.
وإلى لقاء.
سلك

صحيفة الانتباهة