بابكر سلك يكتب: قصتنا ورصتنا

القصة ما قصة مريخ وهلال
] القصة قصة منظومة واستراتيجيات
] نحن
] كلنا
] نحنا والهلالاب
] نحلم بالتتويج بالبطولات الافريقية
] نأمل في ذلك ولا نعمل لذلك
] نأمل ونحلم ونتمنى ونتوقع
] لكن بدون اي استراتيجية
] القمة عندنا تحلم بكل ذلك
] وتبحث عن راع
] تبحث عن رئيس مقتدر يستطيع الصرف على النادي
] ورغم كل ذلك نحلم بالبطولات
] رئيس مرطب
] يدفع لوحده ويدير لوحده
] ويغير المدربين علي كيفو
] فالفول فوله زرعه وحده وحصاده بالطبع له وحده
] رئيس بماله يشتري سبهللية النادي وعواطف الجمهور وما يعرض من الاعلام للبيع
] فتضيع القضية
] لنعاود الحلم بالاميرة الافريقية في موسم جديد
] القادم احلى
] ايها الناس
] كورتنا بتشبه لقمتنا بتشبه رغيفتنا بتشبه غنوتنا بتشبه فطرتنا بتشبه بيتانا القوى
] وعلة الرياضة تكمن في ادارة الرياضة عندنا
] على مستوى الدولة وعلى مستوى اللجنة الاولمبية وعلى مستوى الاتحادات العامة وعلى مستوى الاتحادات المحلية
] لا خطط ولا تخطيط ولا استراتيجيات ولا اهداف ولا غيرو
] دخلنا مع الاهلي في مجموعة واحدة
] ودخلنا مع صن داونز في مجموعة واحدة
] لو عندك سيارة اوروبية موديل السنة على الزيرو
] ومعاها سيارة اي كلام كلها اعطال
] وماشات بورتسودان مثلاً
] ممكن لحدي التفتيش او جياد يكونن ماشات مع بعض
] قول للمسعودية
] لكن بعد داك الشارع بفتح
] وبظهر فارق السرعات والجاهزية
] بتاع الكركعوبة لما يبرك في مدني
] التاني بكون وصل بورتسودان وفضل ليهو كورة السوبر بس
] ده حال كركعوباتنا اقصد انديتنا
] زحمة الادوار الاولى بتخلينا ماشين مع الفارهات ناس الاهلي وصن داونز والوداد
] ولكن بعد جياد
] هيهات هيهات
] لا جن ولا سحرة
] ايها الناس
] الاهلي الادانا تلاتة ده لا يبحث عن ملياردير ليرأسه
] ماااالي كيسو
] بقوانينو ولوايحو وسقف تسجيلاتو
] لذا ما عندو سقف طموح
] الاهلي الادانا تلاتة ده
] شايل كاس افريقيا تسع مرات ويسعى للعاشرة
] الاهلي الادانا تلاتة ده
] عندو تيم سلة افريقيا بطل
] وتيم طايرة زي الطايرة
] واعضاء يتسابقون لسداد عضويتهم مقدماً سنوياً مبلغ يخر الجبابرة له ساجدينا
] ونحنا عضويتنا خمسة جنيه
] كيس تسالي ما بتجيبو
] ولما يفكر زول يزيدها
] يواجه بالطعون والاعتراضات
] نحنا لسة ما بنشبه ديك
] خلونا في غيبوبتنا نحلم
] يا شفينا
] يا متنا سريرياً لما يفكوا الأجهزة تلقانا لربنا مشينا
] ايها الناس
] قبل سنين كتيرة كان عندنا كورة مع الاهلي ده ذاتو
] الطموحات والامنيات فل الفل
] كنت بتكلم مع الكابتن مأمون حاج حسين قسم السيد
] جناح المريخ الخطير في الخمسينات
] قال لي انا جاي من التمرين
] اولادنا ديل حايغلبوا الاهلي
] في اللحظة دي كان في فيلم مصري شغال في التلفزيون وهو متابعو .. الفيلم بتناول المشاكل الزوجية
] الزوجة نضمت نضم شديد خلاص
] (حأ) المرأة ومساحات المحبة (وحأ) الاطفال وواجبات الزوج
] جابو الزوج كمان رغي رغي
] كلام زي الموسيقى
] حتى الشافع
] بالغ بوليغ ..يا ماما افهموني
] انا كطفل من حقي انعم بالاستقرار والحب
] انت وبابا لو عندكم مشاكل بعيد عني
] ما تحسسونيش بالخوف والرهبة وعدم الامان
] يا ماما لازم توفروا الحب في البيت ده
] هنا مامون عاين لي وقال
] يا سلك نحنا الناس ديل ما بنغلبهم
] وقد كان
] خسرنا منهم بمازمبية
] مامون لما عرف اننا ما بنغلبهم ما شاف تمرينهم
] لكنو شاهد الفيلم البيظهر قدرة الناس ديل على التعبير
] وفهم مدى تملكهم لادواتهم
] حتى شافعهم بعرف يعبر عن نفسو
] ونحنا شافعنا كان رده نقول ليهو ما ترد اوعك ترد
] وكان ما رد نقول ليهو ما بترد مالك
] حيرنا الشافع ذاتو
] ايها الناس
] ان الله لا يغير ما بقوم حتى يغيروا ما بأنفسهم
] فلو دايرين نغير واقعنا الرياضي ده
] تعالوا نغير ما بأنديتنا واتحاداتنا ووزارات رياضتنا واستراتيجياتنا
] والا
] خلونا نحلم لنأمل في الموسم البعدو وهكذا
] ايها الناس
] ان تنصروا الله ينصركم
] اها
] نجي لي شمارات والي الخرتوم
] والينا
] قول لجبريل لو دايرنا بتعيينك نقول جد لينا
] النقل المكنيكي والاشغال يا اخينا
] فركشتهم كانت اولى خطوات الفساد فينا
سلك كهربا
ننساك كيف والكلب قال لما شفت التراب عامل ضباب امس في الخرطوم قربت انبح بالانجليزي…. عاصمة التراب يا عمك
والى لقاء
سلك

صحيفة الانتباهة