سيد الطيب: صلاح مناع عضو لجنة إزالة التمكين مفتوح فيه بلاغ وحا يتم التحري معاه وقد يتم سجنه
شايف في حملة مدورة في لجنة إزالة التمكين لما تكون الحملة من الفلول مقبولة لكن من غير الفلول ما مبررة.
هل اعضاء لجنة إزالة التمكين فوق القانون؟
صلاح مناع عضو لجنة إزالة التمكين مفتوح فيه بلاغ وحا يتم التحري معاه وقد يتم سجنه لانو ما فوق القانون زي ما بحاول اصحاب الحملة تصوير الوضع.
هدم لجنة إزالة التمكين بعني النهاية الحقيقية لاي محاولة لتجفيف مصادر تمويل الكيزان
ولا لسه في زول فاكر الكيزان حا يستخدموا الاموال في اعمال خيريه؟
هل تعلم اي كوز تم فصله بصرف راتبه كامل من التنظيم؟
هل تعلم لما الحكومة الانتقالية زادت الرواتب برضو الكيزان المفصولين رواتهم زادت من التنظيم وبنفس الراتب الحكومي الجديد؟
هل تعلم كل كيزان الاتحادات والجمعيات والمنظمات التم حلها والشركات التم استردادها والمفصولين من الوزرات والمؤسسات الحكومية وكل الحا يتم فصلهم رواتبهم حا تكون ماشه زي ما هي وفق وعد التنظيم ليهم وكل المطلوب منهم يكونوا شغالين بي حسابات وهميه في وسائل التواصل الاجتماعي وللزحف عند الطلب.
كل اعضاء التنظيم يمارسون نشاط اعلامي مكثف لضرب الحكومة الانتقالية لدرجة اضطرتها للوقوف في نقطة الدفاع بدلا عن الهجوم واستمرار لجنة إزالة التمكين في تطهير فلولهم من مؤسسات الدولة واسترداد الاموال والعقارات والشركات.
هل تعلم انو المليارات التم استردادها ما بتساوي شي في جبل التمكين؟
هل سمعت بي عضو لجنة ازالة تمكين مشى اقتحم محل بدون ما يكون في صحبته النيابة والشرطة؟
هل سمعت بي عضو لجنة إزالة تمكين عندو بطاقة وبمارس بلطجة على المواطنين؟
نحن عندنا سياسيين وناشطين بفتكروا انهم انتصروا خلاص بسقوط المؤتمر الوطني والشعبي يوم 11/أبريل/2019 لكن ناسين انو الحركة الاسلامية تنظيم حكم السودان 30 سنة وعندو ارتباطات دولية ولن يسمح التنظيم الدولي للاخوان بفقدان السودان للابد خاصة في ظل صراع محاور وصل للتدخل العسكري المباشر والاشتباك بين المحورين في الجاره ليبيا.
عندنا سياسيين وناشطين ناسين العدو الرئيسي وخطورتو وشغالين تكسير في بعض وصراعات مؤسفة ومزايدات مخجلة وادعاءات رخيصة.
الثورة دي حا تصل لوجهتها في الحرية والسلام والعدالة بيك او براك فالافضل الناس تكبر وتكون قدرها وتترفع عن الصغائر وتعرف حجم التحدي والمسؤولية التاريخيه قبل فوات الاوان.
#ادعم_تفكيك_التمكين
#ادعم_السلام_والعداله
Said Eltayb
يا اخوي هوي لجنة التمكين لو شغلها كدا حتفرتق الدوله كلها بحسب القانون بتاعهم دا، واذا الدوله اتفرتقت يحصل انهيار. يا ناس مفترض نشيل الفاسدين فقط مش الاسلامين كلهم
اولا صلاح مناع لديه حصانة بموجب قانون التفكيك
ثانيا صلاح يتحدث من واقع ملفات تحت يده تم التحري فيها بواسطة نيابة الفساد.
ثالثا صلاح مناع تعمد ذكر هذا الفساد لكي يختبر الجيش هو موافق ان تحاسب شركاته على عمليات الفساد والنهب الذي ام لا.
شركة زادنا غول فساد ضخم اذا لم تطالها المحاسبة واسترداد ما نهبته كيف يتم محاسبة باقي الشركات
الجيش هو الذي في فتيل
انا ابن الجبش واكن له كل حب واحترام لذلك اتمنى ان يترك شركة زادنا تحاسب على ما اقترفته من فساد ونهب لاموال الشعب
صلاح مناع يختبر الجيش هههههههههه كدي قولها تاني؟ سمعني تالت عليك الله؟ ما سامع كويس، أرفع صوتك؟
خلي ليبيا والتهويم ده، ممكن تبقى ليببا في دقيقة وتنبلوا بل الجن البمبي ودي أسهل حاجة لكن احسن تكون محاسبة عادلة وتسوية شاملة أو الطوفان، لمصلحتكم.
إنت فصلتهم ورميتهم تاني مالك يصرف ليهم حزب وللا شيطان؟ كفاية كذب ومطاردة ساحرات وتضييع وقت الشعب السوداني بالخزعبلات والشعب بيموت قدام المستشفيات والغلاء يطحنه.
من هو صلاح مناع واي صفة يقبض ويسجن.لجنة التمكين فصلة قانون لنفسها وعلي مقاسها لجنة الاطباء فصلة قانون علي مقاسها والكل يشرعن له قانون علي مقاسه.
كل القونين خارج الدستور بعد تعطيله لا قانونية لها قحت عطلة الدستور وسنت قوانين خاصة بيها وضعت نائب عام وكلاء نيبات خاضعين لعا لتنفيذ القبض والسجن لم تراه معارض لعا حتي ترفض الضمان الشخصي لكل معتقل معارض لها .
لكن نفس الوضع سوف يلاقيهم بكره سوف يستل لهم سيف العدالة وكما تدين تدان.
بكره قانون الغاب سوف يسطر علي المشهد كل واحد او مجموعة اوقبيلة تفصل قانون لها والحشاش يملاء شبكتوا
يعني مناع هو لجنة التمكين ؟ كلامك غير مرتب وينقصه الكثير من الحكمة كل عضو في لجنة التمكين يمثل نفسه كمواطن اما الصفة الاعتبارية للجنة فده شي اخر اذا ذهب مناع ياتي غيره لا مجال للخلط بين الشخص وافعاله والجهة التي ينتمي لها اي كانت تلك الجهة
ده النوع البياكل راس المغفلين بالكيزان ويضرب بالعملة الصعبة ويعين ود خالتو مدير عام.