فيديو.. ثوار منطقة صابرين: قحاتة كضابين جارين وراء التمكين، ثورة.. تسقط حكومة حمدوك

حريات بتنفع بشنو بعدما الشعب يموت بالجوع والمرض والانيميا يا طيرة انتا.
في عهد البشير كان الواحد بشبع من الرغيف والغاز راقد والكهرباء متوفرة يقوم من المكيف البارد العصر يركب المواصلات المتوفرة لساحة الاعتصام بعدما يملأ تنك عربيتو وقود من اقرب طلمبة، ولا دي ما حريات برضو!
اسي مع حكومة القحط والجوع كل الخدمات دي بقت حلم ورفاهية. ناس تشاد وأثيوبيا والصومال وارتريا وجنوب السودان بقوا يرثوا لحالنا بعدما كنا بنأكلهم من فضل وخير السودان، لانو ما عندهم صفوف زي دي ابدا ولاننا بقينا شعب اضحوكة ومسخرة في كل أفريقيا.

الزول القحاطي القاعد يهرج بكلام فطير باين عليه مرتاح عربيته مليانه بنزين و اموره متيسره لا عندوا أولاد زانقنوا و لا مشاكل رغيف و لا غاز يحس بينا كيف و وين الحريه البتقول عليها لو صحيح في حريه ما كان اتحكمة في مصيرنا قحط نعم الكيزان كانوا سيءين لكن قحط اسوء منهم