فيسبوك
داليا الياس: لو كان الحل الجذرى لكل مشاكل البلاد والعباد فى التطبيع مع إسرائيل فمرحباً به
لو كان الحل الجذرى لكل مشاكل البلاد والعباد فى التطبيع مع إسرائيل فمرحباً به.
القضية الفلسطينية والحنق المتوارث وإدعاءات النضال والقصص دى كلها ما أهم من الجوع والمرض والتردى الحاصل علينا .
وما فى داعى نكون (كاثوليكيين أكتر من البابا) ، الفلسطينين نفسهم كسروا الحنك…. والعالم الأول بكل رفاهيته وإمكانياتو عايش فى ظل التطبيع.
أى زول يهتف ضد المضى فى هذا الإتجاه يسأل نفسو عن السبب…ما حيلقى إجابة مقنعة.
وإذا كان على الدين والقيم والعادات والشعارات دى…فما لقيصر لقيصر…وما لله لله.
داليا الياس
يا داليا
ارتريا مطبعة مع اسرائيل ونحن بنهرب ليهم الطعمية والجوع مطلع عينم..
اثيوبيا مطبعة وشعبها جعان ومشرد..
جنوب السودان ابن اسرائيل المدلل فيه مجاعة..
تشاد مطبعة وما زالت فقيرة ومنتهية ..
مصر مطبعة من زمااان وشعبها جعان ومتسول..
فشنووو اي زول مفتكر الرزق عند اسرائيل ده زول راسو فاضي ودينو قرمة والرماد في خشمو.
كلامك عين العقل مصلحة بلادنا اولا ولن نفرط فى الدين والاخلاق السودانية السمحة
انظري حولك وورينا منو من الناس الحوالينا (المطبعين)اتحلت مشاكله بصورة جذرية بسبب التطبيع
تشاد مطبعة
ارتريا مطبعة
اثيوبيا مطبعة
جنوب السودان اكتر من مطبع
مصر مطبعة
هل انزل عليهم المن والسلوى ولا اصبحوا من العالم الاول؟؟؟
طريق التنازلات ولا ينتهي بأن يطلب من الديك ان يبيض وعندها سيتمنون ان قالوا لا من البداية
مسألة فلسطين ليست مسألة سياسية ولكنها مسألة عقدية دينية بحتة ومن تنازل لهم عن القدس اولى القبلتين اليوم فسيقدم الحرمين على طبق من ذهب لهم غدا
ما لقيصر لقيصر وما لله لله – هذه المقولة مقولة علمانيا – أيست من الإسلميين ناسك وقبتي 180 درجة – دا الدمار الحقيقي النتج عن حقبة الإنقاذ – ولو الدنيا كلها حرقة تطبيع مع إسرائل جريمة تاريخية – رضى من رضى وأبى من أبى –
دا تطبيع مجاني يا وهم
( وإذا كان على الدين والقيم والعادات والشعارات دى…فما لقيصر لقيصر…وما لله لله)
دين الله بقى شعارات ،،، نسأل الله ان يصلح البلاد والعباد