رأي ومقالاتمدارات

الشعب السوداني سلم رقبته لأراذل الناس ..هل سيخرج الناس في 21 اكتوبر لاسقاط قحت أم (..)؟

2019/10/05
22
القيادة 1

فدوى عبدالرحمن رفضت تدخل السيادي الا لو دخلو معاها التعايشي .. بناءآ على علاقة قديمة .. والليلة فدوى عينتها بنت أختها انتصار صغيرون مديرة لجامعة الخرطوم ..

ومدني عباس مدني أصر أنو يبقى وزير رغم وعود أعلنها هو وقحت بأن المفاوضين لن يشغلوا أي مناصب .. ورغم شبهات الفساد الحامت حولو أيام الترشيح ..

الأتفاق مع الثائرين كان حكومة كفاءات .. فجاءت حكومة محاصصات حزبية ومناطقية .. اعلن حمدوك ذلك بكل البجاحة الموجودة في الكوكب ..

الأتفاق مع الثائرين كان خطة أسعاف أقتصادي سريعة .. والحكومة الأن تقترب من أكمال شهرها الثاني وليس هنالك ملامح أي خطة “أسعافية” ..

الأتفاق مع الثائرين كان مجلس تشريعي في مدة أقصاها 3 أشهر .. وواقع الحال أن قحت والمجلس تقاسما سلطات التشريع ..

الأتفاق مع الثائرين كان على لجنة تحقيق مستقلة ونزيهة .. وتفاجأنا بلجنة تحقيق هزيلة ضعيفة لن تكفل حق الشعب السوداني في معرفة من قتل أبنائه في 3 يونيو 2019 ..

دعك من التصريحات المتخبطة والكاذبة .. دعك من وزير الأوقاف ووزير التربية والتغفيل .. دعك من وزيرة الخارجية التي تحرص على التوثيق لحقيبتها في كل الصور ولا تعرف شيئآ عن البروتكول ولا الخارج .. دعك من أكاذيب ال 64 مليار ورفع العقوبات واعفاء الديون ..

هل سيخرج الناس في 21 اكتوبر لاسقاط قحت أم للتمادى في الأستحمار والأستغباء ؟

عبد الرحمن عمسيب
عبد الرحمن عمسيب

إنضم لقناة النيلين على واتساب


مواضيع مهمة

ركوب الخيل لا يناسب الجميع؟     أيهما أصعب تربية الأولاد أم البنات؟      جسر الأسنان

هل تعقيم اليدين مفيد؟              الكركم والالتهابات             أفضل زيوت ترطيب البشرة

2019/10/05
22

‫22 تعليقات

  2. الخروج علي الحاكم حرام يا كيزان النيلين يا منتفعين يا عديمي الوطن و الوطنية ما بتهمكم الا مصالحكم الشخصية
    اكان رجال و فيكم عمار انشرو تعليقي دا

  5. الكلام مظبوط وحقيقي البزعل الناس شنو يااخوانا ماتملسوا لقحت عشان مايجونا بنفس حركات الكيزان فى اخطاء دى حقيقة ولكن يجب ان يعلمو اهل قحط بانهم غير معصومون لانهم فعلا بعملوا فى اشياء غريبة بالله معقول دي كفاءات السودان والله فضحتونا وشرطو عينا رغم انو فى بعض الوزراء مالين مركزهم ولكن هناك وزارات ووزارات مهمة فعلا عليها من لا يغنى ولا يثمن من جوع كلكم عارفين ليه نسكت يعنى هل النقد خطا والله كيف والله هم مابشر ومابغلطو لازم البغلط نديه فى راسه لو عاوزين البلد تمشي لكن المليس والطبطبه دى مابتنفع
    الناس المعترضين ديل اكيد هم من احزاب قحط ليس الا وهذا واضح جدا
    والحكومة دى كلها محاصصات دى حقيقة فعلا وعلى لسان حمدوك نفسة يعنى بنتقدو نفسهم بنفسهم

    1. وانت اكيييد كوز. قاعدين ٣٠ سنة عملتو شنو ؟ فضحتونا وشرطو عينا بوزراءكم، استحو علي دمكم اذا لسه عندكم قطرة دم. انتقاد شنو الراجنو منكم هههههه. الله حيرتونا

  6. ثار الشعب على فساد كيزان عمره ثلاثون عاما اضف اليه فترة فساد كيزانيه ايام حكومة نميرى وهذا يعنى أن من دمر السودان هم الكيزان بامتياز لكنه عدم الحياء كان القلم بأيديكم فكتبتم فاحش القول وسيئ الحديث يوم ان اغتصبتم السلطة بسلاح الغدر والخيانة التى هى شيمتكم واقسم بالله صادقا مهما فعلت قحت بالسودان فهى فى الثريا لأنها وضعتكم فى مكانكم الطبيعى وهو مزبلة التاريخ فقبرتكم تحت الثرى لتموتوا بغيظكم أيها الأوغاد فانتم تستحقون التنكيل بكم بأبشع أنواع التنكيل فجرائمكم فى حق الوطن لا حصر لها

  8. الكيزان هم من دمر البلد
    وحتى أخلاق الشعب
    لكن مفترض نتعظ من العملوه اشان م يتسلطو علينا الجدد بي نفس اساليبهم
    زمان لمن تنتقد الكيزان طوالي يصنفوك انك شيوعي وهسي لمن تنتقد قحت طوالي بيصنفوك انك كوز ودي بالضبط م يفعله السياسيون لتمكين احزابهم

    مفترض نكون شعب اوعى من كدا بكتيير م محتاجين اتهامات لي بعض بقدر م محتاجين نعرف حقنا وندافع عنو بعيدا عن المكايدات

  11. الخروووووج علي الحاكم حراااااام حتي ولو جلد ظهرك واخذ مالك وقع ليك ولا اعيدو ليك يا كاتب المقال المتملق خلاص الحنفية قفلت

  13. هل سيخرج الناس في 21 اكتوبر لاسقاط قحت أم للتمادى في الأستحمار والأستغباء ؟

    يخرجوا ليه تاني عشان يجيبوا لنا البلاء يا أخي حرام عليكم

  16. 21 أكتوبر يوم مهم فيه بعرف الكيزان حجمهم الحقيقي
    وخلونا نشوف بس
    الكلام ببدأ من يوم 22 أكتوبر فهمتوا القصة أي زول أقعد في بيته وإضحك
    أوكي
    متى إحتفل الكيزان بأكتوبر متى بس

  17. تخيل بعد كل ماذكرت انا مقتنع بيهم زي اقتناعي بأنك ومن خلفك لن تعودوا للمشههد السوداني

  18. وزير العدل قال مشكلة السودان هي ارتباط الدستور السوداني بالشريعة الاسلامية منذ عام 58 الى الان وزيرة التعليم العالي قالت المذاهب الاربعة ( وفيهم الامام مالك ) حاجة مزعجة وزير الارشاد قال ندعو اليهود للعودة للسودان ويرجعو ممتلكاتهم وزيرة الشباب لبست بناتنا لباسات وخلتم يجروا وعورتهم شبه مكشوفة والناس في العالم كلو يتفرج عليهن ( لكل ديوث احفظ عرضك وعرض بناتك) وكل من يؤيد اقول ليهو حتموت براك وتدخل القبر لوحدك وبعداك حتعرف الحقيقة لكن بعد فوات الاوان ( ستكتب شهادتهم ويسألون) حسبي الله ونعم الوكيل

  20. م كل منتقد للجماعة ديل فهو كوز
    يعني احزاب قحت دي نهائي مركان عندها اعداء بينتقدها قبل الثورة غير الكيزان

    خليكم قدر كلمتكم م ممكن قادة قحت في الاعلام يقولو بنقبل الانتقادات ولمن ينتقدوهم ناسهم يشبكوك كااك وكوز ولا رد موضوعي واحد م يدوك ليهو
    وين شعار الحريات وين شعار الديمغراطية

    وكل هذا بوضح ليك انو الجماعة ديل استفادو من تجربت الكيزان في الخداع والنفاق

  21. الناس البقولوا الخروج علي الحاكم حرام ديل بحيروا
    قبيل خرجتوا ليه تخرج ارواحكم
    الخروج علي الحاكم له شروطة وضواطبة
    يسقط الشيوعي والعلماني الكوز