في أول لقاء برؤساء التحرير .. البرهان يذرف الدموع
فاضت أعين الفريق أول عبد الفتاح البرهان، رئيس المجلس العسكري الانتقالي بالدموع وهو يتحدث مع مجموعة من رؤساء تحرير الصحف السودانية بمكتب القائد العام بوزارة الدفاع عصر أمس الجمعة.
وكان البرهان يقدم تفصيلاً لمجريات الأحداث منذ اندلاع المظاهرات في ديسمبر 2018 حتى لحظة انتصار الثورة ثم ما تلاها من جولات مفاوضات بين المجلس العسكري و”قوى الحرية والتغيير”.
وبدأ البرهان متأثراً للغاية حسب صحيفة التيار، عندما تحدث عن الوساطات الخارجية، وقال أن بعض الجهات الخارجية استخفت بالسودان كثيراً ونقلت إلى المجلس العسكري عبارات تفوه بها بعض الوسطاء، كانت تحمل قدراً من الإهانة للشعب السوداني.
وصمت البرهان فترة من الوقت بينما فاضت عيناه بالدموع واضطر لقطع حديثه وشرب الماء، ولم يواصل حديثه إلا بعد أن عبر له بعض الحضور عن تفهمهم لمشاعره مقترحين عليه تجاوزها.
ويعد لقاء البرهان برؤساء التحرير الذي استمر زهاء ثلاث ساعات، في أول اتصال مباشر له بقادة الصحافة السودانية، ولم يسمح لرؤساء التحرير بحمل أجهزة الهاتف أو الأقلام داخل قاعة الاجتماع خشية تسرب تسجيلات صوتية أو فيديو.
الخرطوم (كوش نيوز)
دموع التماسيح من اجل التدخل الخارجى والوساطة الخارجية ام من اجل
قتل الشهداء السلميين فى رمضان وهم صيام رومى الجثث فى النيل
والاغتصاب والدمار وخراب البيوت السودانية يا اعزائى هذه هى دموع
التماسيح
كان لديك فرصة تاريخية تدخل بها في نخبة من الرجال الذين كتبوا أسماءهم بحروف من ذهب وتعشمنا فيك الخير. ولكن خذلتنا منذ مماطلتك بتقديم المذنبين للعدالة مروراً بعدم الشفافية في المفاوضات مع قوي الحرية والتغيير وختمتها بحادثة فض الاعتصام ولطخت يداك بدم الشهداء فقلنا فيك حسبنا الله ونعم الوكيل وكرهنا حتي رؤيتك. فاذا كان ضميرك قد اسيقظ فاستغفر لذنبك فانت اعلم باننا شعب مسامح ولسنا بدموية من حولك من الجهلاء. وإلا فمكانكم كلكم مزبلة التاريخ.
بالضبط كده ..
يا سعادتك يا تملأ هدومك وتكرب قاشك وفرصك بقت ضيئلة جدا جدا وتمرق روحك والبلد معاك لبر الامان .
انت قائل يا سعادتك التاريخ ده بخشوهو كيف؟؟؟؟؟؟؟؟
والله يا قبيح بثينه ما بجيب الدمار والخراب للسودان الا امثالك من الشيوعيين والعلمانيين الذين يريدون ان تشيع الفاحشه قاتلكم الله وتبا لكم والله ان مشاعر البرهان عزيزه على الشعب السوداني وهو اكرم من قادتكم الذين قاتلو لجانب الحركة الشعبية وفصلو جنوب السودان ورمتهم الحركة الشعبية في مزبلة التأريخ والغريبه ما زالو يتوشحون بعلم جنوب السودان خسئتم يا هؤلاء نتمنى ان تأتي الانتخابات لتعرفو مقداركم لدى الشعب السوداني فالشعب السوداني شعب مسلم بطبيعته وسيلفظكم الى مزبلة التأريخ حيث تنتمون
كل من يقول الحق فى وجه الطغاة بيكون شيويعي وكافر اتقوا الله يا ناس
اذا كنتوا مسلمين وبتخافوا الله واشك فى ذلك البرهان وحميدتى والكيزان
لا يخافون الله لذلك يقتلون الشباب فى رمضان وبدم بارد وبعد ذلك يقولون
انا نخاف الله اعوذ بالله منكم الشيويعيين لم يقتلوا الشعب السودانى ولم
ينهبوا اموالهم ويغتصبوا نسائهم لذلك نقول الكيزان اعداء الله والشعب السودانى
سمعت يا عمك تنقو القبيح
ونقلت إلى المجلس العسكري عبارات تفوه بها بعض الوسطاء، كانت تحمل قدراً من الإهانة للشعب السوداني.
دا يدل على ان المجلس العسكري راخي اضانو للسواطة ونقل الاخبار
النقل الكلام منو وغرضو شنو
البكاء يا الرهان ما بحلك من العملتو في البلد وفي الجيش السوداني
الناس كانو في الاعتصام والبلد كانت في شبه استقرار خنت العهد وفضيت الاعتصام ونكرت ذلك وتنصلت عن كل ما اتفقت عليه مع قحت ودي براها من صفات المنافقين , القدر ما بيشبه الاسلام ولا القوات المسلحة لو فعلا كنت حريص على امن البلد كنت ابقيت على الاعتصام و التفاوض الذي بداءته
لا تبكي فالبكاء للنساء ممن مات ابناءها بايديكم
لا تبكي فالبكاء للنساء فقط
رجل الجيش لا يبكي , لو جبتها بعضلك ما كان بكيت لكن الله غالب , قدم استقالتك عادي جدا والاحق من سبقوك دا ما بيت بكاء دا بلد
ترا الشعب السوداني دا هين الله يمرقك من الناس المحاصرة البلد
الغريب أنك سافرت إليهم في بلادهم تطلب تدخلهم
نفس كضبة اخو بشبش عبدالله البشير بكا و جعر و قال امو عنرها 90 سنة و هو بعتني بيها مع انه لا بعتني بيها و لا حاجة هههههه
قال تعالى: ۞ لَتُبْلَوُنَّ فِي أَمْوَالِكُمْ وَأَنفُسِكُمْ وَلَتَسْمَعُنَّ مِنَ الَّذِينَ أُوتُوا الْكِتَابَ مِن قَبْلِكُمْ وَمِنَ الَّذِينَ أَشْرَكُوا أَذًى كَثِيرًا ۚ وَإِن تَصْبِرُوا وَتَتَّقُوا فَإِنَّ ذَٰلِكَ مِنْ عَزْمِ الْأُمُورِ
سورة ال عمران الآية 186
وقال تعالى : ( وَلَوْ أَنَّ أَهْلَ الْقُرَىٰ آمَنُوا وَاتَّقَوْا لَفَتَحْنَا عَلَيْهِم بَرَكَاتٍ مِّنَ السَّمَاءِ وَالْأَرْضِ وَلَٰكِن كَذَّبُوا فَأَخَذْنَاهُم بِمَا كَانُوا يَكْسِبُونَ) سورة الأعراف الآية 96
حسبنا الله ونعم الوكيل الزموها للجميع نصيحة للجميع ان يلزم حسبنا الله ونعم الوكيل فان فيها العجب العجاب والانقلاب بفضل من الله الى الافضل
آل عمران – الآية 173الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ
آل عمران – الآية 174فَانقَلَبُوا بِنِعْمَةٍ مِّنَ اللَّهِ وَفَضْلٍ لَّمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ ۗ وَاللَّهُ ذُو فَضْلٍ عَظِيمٍ
التوبة – الآية 59وَلَوْ أَنَّهُمْ رَضُوا مَا آتَاهُمُ اللَّهُ وَرَسُولُهُ وَقَالُوا حَسْبُنَا اللَّهُ سَيُؤْتِينَا اللَّهُ مِن فَضْلِهِ وَرَسُولُهُ إِنَّا إِلَى اللَّهِ رَاغِبُونَ
الزموها وعلموها غيركم ليزلزمها حسبنا الله ونعم الوكيل
نسأل الله السلامة والعافية وان يولى علينا خيارنا ويكفينا شر الاشرار وكيد الفجار
الرجل قبل أن يكون عسكري يجب الأ تري دموعه ، نسمع بأن بعض ضباط الجيش السوداني لا تري أسنانه – أي لا يبتسم – فما بالك بالدموع ، فالحكم مسؤولية يجب تحملها بكل ما تحمل من ضغوطات والتحكم وضبط النفس والتفكير بطرقة هادئة وسط ضجيج السياسة ، فلا وقت للإنتظار للشرح والتبرير لأن الظروف أيضا لا تسمح ، وكما قال تشرشل القوة والعدالة لا يجتمعان ، معظم الإمور تحتاج للقوة واالحزم والأفضل طبعا أن تكون قويا ولديك أنياب لأن من حولك يتأهب للإنقضاض عليك ، فالتعامل بالعاطفة وحسن النية متروك في الوقت الحالي ولا حاجة لك به ، وعلي المرء الا يتعامل بردود الأفعال وأن يتسع صدرك لأن القيل والقال لا يوجد في قاموس السياسة . أفرض نفسك علي الكل بالقرارات الصائبة التي تخدم مصلحة الوطن ووحدته ، ولا توجد مجاملة في السياسة ، حسني مبارك رغم سواءته إلا أنه كان لا يجامل أخاه أو حتي والدته ، وطيبة السودانيين وسذاجتهم تترك الآن ، لأن التحديات أكبر وكما يقولون الحصة وطن – شمر عن ساعد الجد وأفرض هيبة الدولة ، وأفرضوا الأمن والسلم في الشارع وفي كل ربوع البلد وأفتحوا المدارس والجامعات وشغلوا المصانع ، وخلوا الناس تشتغل ، كل العالم تقدم من حولنا ونحن مازلنا محلك سر ولا نسعي إلا للدمار والتظاهر والعصيان وكل الشرور. الله غالب.
مسدار الجيش:-
مانشيت الصحف نشرت كباسن شاكي قال الجيش تغازم وهان كرامة الكاكي
يا بلد السمر قوليلي ايه الجاكي بتريدي البزلك وتكرهي البهواك
الجيش في الضعين ضاق المهازل عرقة اتهرشوا الجنود واندق قايد الفرقة
الفعل الحصل يا ديشنا كان بتدرقة في وجه الشعب الاحترام بتفرقة
السوس كان كتر عود المرق بنشق والجيش كان سلم من الوسخ بتنق
معليش يا عميد الجنجويد من حقه دام الجيش تسيس كل يوم تندق
في عهد الملايش وانعدام العيش خربانه البلد ما فيها هيبة جيش
تندق يا عميد برضك تقول معليش وخليه الشعب الدولة تحمي الجيش
صقر الجديان حزن خو وتباكي علينا وقال بالصريح النصرما لينا
ما دام الحكم كتل الرجال الزينة اتهانت عروضنا ولامست كرعينا
ديل اكلوا السمح والجيش اكل طعمية واتخطوا الرتب بي رتب وهمية
يا حليل البلد لما كان محمية بالكاكي المدرع وهيبته القومية
رغم الظلم عاس فوق الضماير وفذة لسع باقي في وجدانها عسكور عزة
لو ما الجيش تقلبن والمكان بتنز ما بتنهز كان كل الخلق ينهز
الجيش قومي كان لا عرب لا نوبة وهسع تخصخص في رتب ملعوبة
لو ما حكم القجر والدنيا جات مقلوبة ما بنزل يمين علم الشعارها قروبة
يا حليل الزمن العد روح جيلها زمن العساكر ما بعرفوا قبيلة
بلدا رجال فيها مخدر نيلها كيف تنزل لي شلة وتفك دا الحيلة
الجيش تهمل وسيسوا الطابور وجينج التعنصر في الحصل معزول
النضم الهرش في الدار صبح محظور وبقت الملايش وحدها العسكور
القال الحقيقة بيدخل الزنزانة وبتهرش المليشيا الدولة بي اركانها
راتبهم مضخم والجيوب مليانة والجيش بالفلس متقحبد الجبخانة
ما شفنا الاسد من النعام بتحاب وما اظن الضكر في يوم بيكون مشاط
هم والرئيس كل البيكون يوم في بلاط وقدام العساكر بكتلوا الضباط
سوي الناجدة يا جيش واتحد في لامة وقوميتك تفيض فينا وتغطي العامة
لاك الشعب وجع ومراير سامة والحاكم تجبر واتنفخ في هامة
كان هضلم ظلم بي عازة في اولادها ورحمها يوت بينجب في الجنود والقادة
ماتوا الرجال والجيش فقد اوتادها بس غيرهم بكون دام امهم ولادة
جمع الغبش شان سلطة ما هو فراسة وكل الفتن يا ديش بقت من ساسة
الايدهم بقت فوق الجراح نخاسة هم في القصور والميري بكتل ناسها
اقتصبوا البلد بالظلم تلاتة عقود وزادوا الكروش والشعب ناشف عود
كان هم الشعب فوق الكبك مفقود ينكال الرماد في خشمكم هبوت
ديل همهم سلطة وعرس نسوان وشبع البلد في حكمهم توهان
هم والاباليس في الاصل اخوان وانكسرت عشانهم هيبة السودان
والله يا اخوتي الكرام المشاكل الحصلت تتحمل الحرية والتغيير الجرء الاكبر منها وكنو مش جادين ..او قول غير مستعدين ما عندهم خطة