سياسية
مطالبة بإنشاء شرطة لحماية المستهلك في الخرطوم
طالب عدد من النواب في تشريعي الخرطوم بإنشاء شرطة لحماية المستهلك بالخرطوم. ودعا النواب في جلسة المجلس أمس إلى تخفيض سعر كهرباء المصانع, ودمغوا التصريحات الحكومية المستمرة بشأن دعم معاش الناس بكلمات (تدغدغ المشاعر).
ووجه رئيس المجلس صديق الشيخ في مداولات النواب حول خطة وزارة الصناعة والتجارة، وزارة التجارة بوضع ديباجة الأسعار على المنتجات، وضبط الأسواق لتقليل الوسطاء والسماسرة، وقال: (يجب أن تكون المنتجات متاحة للمواطنين بدون وسطاء).
وفي ذات السياق أقر وزير الصناعة والتجارة جعفر أحمد عبد الله بنقص الطاقة الكهربائية للمصانع، وضعف شبكات الخدمات الأساسية في المناطق الصناعية القائمة الآن.
صحيفة الانتباهه.
يا عالم
كرهتونا
معاش الناس معاش الناس
تخفيض الاسعار
وضع دباجه
شرطه لحمايه المستهلك
الكلام ده ليهو الف سنه وانتو بتلوكو فيهو وما عملتو
ودايرين تحللو مرتباتكم لو ما قادرين عليهو انزلو منو الكرسي
حسي الحاجات دي لو فيها مال ومصلحه ليكم ف يومين زط بتعملوها
مرة اعملو حاجه للمواطن وف الختام برضو بترجع بفوائد كتيره ليكم لو حسبتوها صااااح
الاسعااار نااار لا تطاااق اسعار خياليه فلكيه والاسواق معفنه وما منظمه وعدد الفريشه وناس الرقشات والمحليات اكتر من الزبائن
حاولو نضفوا الاسواق
ولو عملتو زي مصر ف قلب اسواقهم حلو مشكله الدفسه وعدم النظام والوسخ والفريشه وحتي الحركه بسياج مابين الدكاكين والشارع سور من حديد عاااالي
وممكن اي صاحب محل ادفع نصيبو لانو عندو مكاسب من السور واي صاحب محل ملزم بسله كبيره للنفايات تعلق ف السور وملزم بنظافه محلو
واخيرا قالو معتمد امدرمان شال كل مظلات سوق ام درمان الكانت مضاريه بلاوي وزاد قبح السوق قباحه لابد من تخطيط السوق وحي العرب والمسالمه لانو حتوسع السوق اصل للثورات واكون اكبر سوق ف البلاد وربما افريقيا