سياسية
رئيس الوزراء يبحث مع المركزي وفرة الأوراق النقدية وتوقف بعض الصرافات الآلية
بحث رئيس مجلس الوزراء، وزير المالية والتخطيط الاقتصادي معتز موسى، مع بنك السودان المركزي، مشكلة توقف بعض الصرافات الآلية للبنوك وموقف وفرة الأوراق النقدية.
وقال رئيس مجلس الوزراء، وزير المالية والتخطيط الاقتصادي في تغريدة على (تويتر) حسب (سونا) أمس: (عقدنا اجتماعاً بحضور محافظ بنك السودان لبحث مشكلة توقف بعض صرافات البنوك الآلية، شكرنا المصارف المميزة، واطمأننا على وفرة الاوراق النقدية)، وأضاف : (اتفقنا اعتباراً من الغد أن أي بنك يعجز عن تشغيل 85% من صرافاته سيتم تشغيلها بالإنابة الى حين يكمل قدرته على التشغيل).
صحيفة الجريدة
ده الكلام
ندرة في الأوراق النقدية يعني أودعت بالبنك مبلع 1مليار و 200 مليون وما أرعف أسحب من البنك 3 مليون على فكرة يا معتز إجراء تحجيم السيولة بالشكل هذا فيه تغول على حقوق الملكية الخاصة ونفر الناس من النظام المصرفي لو عندي 51 مليون أشتري ألف دولار وخلي معاي بالبيت ولا أخت الـ 51 مليون بالبنك وأشحطط مع البنوك ذي الشحات يعني لازم تحرر النقد كليا السوداني والحر وتبعد بعيد إن شاء الله يوصل الدولار مليون كدة إنت ما حا تطول لا عملة حرة والسوداني سيخرج كليا خارج النظام المصرفي
دا كلام يدخل العقل دا
شنو كل يومين يبحث يبحث ..وين الاستراتجيات والخطط التي وضعت والكلام الكتير داك كله كان هواء ؟؟
يا سيد معتز القصة دي كبيرة وما بتقدر عليها بجنس اللولة دي القصة اكبر من بيانات واجتماعات سلموها للجيش وابعدوا والله يدخل تجار العملة ديل في كبريتة ويقفل البلاد وحصار على حصار اصله موجود بس يجوا ناس يبنوا البلد ويريحوا راسنا من الكلام الكتير دا
بالله عليكم بلد قدر مساحة السودان وموية السودان نقيف صف عشان نحصل على خبز اي عجز هذا واي سخف نقوله للشعب ..بلد محتاجة لجنيه ومحتاج لاي امكانات لدعم الفقير والمريض يقوم مواطني ولاية كاملة ويمشوا يزوروا ولاية الشمالية ؟؟لشنو يا سيد معتز والهدف شنو الفائدة المرتجاة محصلتها شنو.. كم كلفة هذه الرحلة من ترحيل وضيافة واحتفال ولهط بالدس ..
يا اخي لموا البلد واقعدوا في الواطة واتفجخوا وخلوا الهضربة المانافعة دي ..بلد اعلامها بدل يتصدى للقضايا يغني طول الليل والنهار المغنين ليها شنو ..
الحصه الجايه مفروض يبحث مع المخابز ازمه العيش ولا مانع من حصه اضافيه لي ازمه الجاز