الشرطة تكشف تفاصيل القبض على مجموعات نفذت حملات حلاقة الشباب

الشرطة تتبرأ والدعم السريع يتبرأ معنى هذا الكلام ان السودان اصبح فوضى ومثل ما انتشر الفساد فيه كذلك انتشرت التفلتات والسرقات والنهب والنهب بواسطة المواتر وقبلها الاغتصاب في الشوارع بالله وين نحن عايشين نحن عايشين في غابات ولا عايشين في دولة لها رئيس جمهورية واتنين من نواب الرئيس وخمسة مساعدين ريئس وجهاز شرطه فيه ما لا يقل عن مئتين فريق ولواء وآلاف من الضباط و والجنود من مختلف الرتب بلد فيها جهاز امن ومخابرات فيه الآلاف من الضباط والتب المختلفه وفيه قوات دعم سريع وفيه قوات مسلحة بالالاف وفيه فيه وفيه وفيه وبعد هذا كله تحدث مثل هذه الحوادث والتفلتات والانحرافات والجرائم طيب كل هذه القوات والهيلمانة دي قاعدة وين وبسوواشنو وكل رئيس جهاز يتبرأ مما يحدث

في حاجتين يا اما في شواطين في السودان بتعمل الحاجات والتفلتات دي والحاجة التانية انو كل هذه القوات والهيلمانة دي كلام فارغ ومافي ليها اي فايدة وماف ليها اي حوجة ما دام انهم ما قادرين يحمو المواطن والبلد ومفروض رئيس الشرطة الامس عقد مؤتمر وتبرأ من الاحداث دي مفروض يخجل على دمه ومفروض يعاقب على الكلام من رئاسة الجمهورية ومفروض يفصل من الخدمة لاونه والله دي حاجات مخجلة ناس داخل عاصمة البلاد يلبسون زي عسكري ويعاقبون الناس والمواطنين في بلد فيها هذا الكم الهائل من العسكر والله حاجة مؤسفة ومخجلة ولا حولة ولا قوة الا بالله ويا حليل السودان ويا حليل المواطن السوداني المغلوب على امرة وياحليل الرجال بالسودان