كوش نيوز: صورة لرئيس الوزراء الأثيوبي يرتدي “خريطة السودان” تثير فخر السودانيين بصناعتهم
حظيت صوراً رسمية للرئيس الأثيوبي ” آبي أحمد”، بإهتمام وفخر السودانيين بمواقع التواصل الإجتماعي، لإرتدائه بزة عسكرية صناعة سودانية، عليها خريطة السودان.
وكان قد ظهر “آبي أحمد” بالبزة العسكرية بحسب مانقل محرر “كوش نيوز” خلال لقائه بالرئيس الارتيري اسياس أفورقي عند منطقة زالمبسا الحدودية للمشاركة في احتفالات إثيوبيا بالعام الجديد وافتتاح الحدود البرية بين البلدين، الإثنين الماضي.
وتشير “كوش نيوز” إلى أن البزة التي ظهر بها “آبي” وعليها خريطة السودان من إنتاج مصنع سور للملبوسات العسكرية، والذي يقع بالمنطقة الصناعية بحري شمالي العاصمة السودانية الخرطوم.
ويُذكر أن المصنع تتشارك فيه وزارة الدفاع السودانية ممثلة في التصنيع الحربي والقوات المسلحة في الاستثمار بنسبة 33 بالمائة، في حين تستثمر القوات المسلحة القطرية بنفس النسبة، والمتبقي يعود للمستثمر التركي، أوكتاي أرجان “صاحب سور العالمية”.
ويستهلك المصنع 60 بالمائة من إنتاج القطن بالسودان الذي يبلغ سنويا 410 آلاف طن، ويستفيد من الخبرات والتقنيات الأوروبية المتمثلة في الشريك التركي.
كما يعمل فرع “سور” بالحصاحيصا على دعم مصانع نسيج شندي وكوستي والدويم بإنتاجه من الغزل واعادة القماش المنتج ليتم صباغته وتجهيزه للتسويق.
ابومهند العيسابي
الخرطوم (كوش نيوز)
✌✌الي الامام
بلدنا كلها خير
شمالا وجنوبا وغربا وشرقا
بس نطرد الشيطان والكسل والفساد
قالوا الغريق يتعلق بقشة ونحن السودانيين غرقانين ودايرين نتعلق في قميص الراجل بس.
أثيوبيا سبقتنا بسنوات ضوئية وهي الان مش أقوي مننا سياسياً وإقتصادياً وعسكرياً بس بل هي الان تنافس مصر وجنوب أفريقيا في الريادة والصدارة والقيادة وفيها مقر الإتحاد الأفريقي.
قال قميص مصنوع في السودان قال.
والله نحن أمة فقيرة (( عقلياً )).
بلاش احباط ، الما بيشكر بالقليل ما بيشكر الكتير
أول الغيث قطرة ، ادعم بلدك ، خلي حالة الإحباط
فيها شنو إذا فرحنا واستبشرنا بصناعتنا ؟؟؟حقو ما نجعل خلافاتنا مع الحكومة
مصدر للاستخفاف بالوطن ؟ متين نعقل ونعلي من قيمة بلادنا .
قولوا خيراً أو اصمتوا هداكم الله .
ديا فخر للصناعة السودانية
وليست قميص
لا تبخسوا من حق السودان .. فالقطن السوداني كست اوروبا قاطبه بعد الحرب العالميه الثانيه عندما تدهورت الوضع الاقتصادي لديهم بعد الحرب هذا بجانب الحبوب الزيتيه و المنتجات الحيوانيه التي انقذت افواه جائعه اوربيه كثير … كما كان السودان ملجأ آمن للملكه البريطانيه فكتوريا من قذف طيران الالمان و ذلك بعد خبأها في منطقة شوقودوم في ولاية شرق الاستوائيه بجنوب السودان حينئذ… فلا تبخس من امر السودان و قوته يا اخي , فالمراجع البريطانيه تحمل الكثير من المفاخر السودانيه الوطنيه رغم الاحباط الحالي الموقت فالسودان هو السودان لكن الامر فيمن يديره فهو بلد عظيم لا يعلم الكثيرين عنه شيئا بينما اعداءها لا يملون في المكائد و الدسائس في عضده و مع ذلك فهو شامخ بشموخ اهله و ارضه .
كونو نفتخر بالمنتج السوداني دي حاجة كويسة و تدل علي تغيير العقلية السودانية الاستهلاكية و التشجيع نحو مزيد من الانتاج و ده المخرج الوحيد لينا
احلي حاجة مثلث حلايب في الخريطة
شكلها المصريين ماشافوها
ح يعملو منها موضوع
طيب اول حاجه في البروتكولات الرياسيه انو الريس لمن يكون عندو مواعيد مع زول ما بخش الدولاب يلبس طوالي كدا في ناس بقولو ليهو في الاجتماع دا يلبس شنو او لا فلما الريس الاثيوبي يلبس لبسه عسكريه منتجه في السودان فيها علم السودان دا ليهو مليون معنا.. احترام تقدير و انو عارف قيمه السودان في اي خطوة بعملها…
سلام اللهم الف بين حكام وشعوب العالم والجيران أولا أصلا اثيوبيا وارتريا والسودان لو توحدوا وعملنا دولة واحدة كنا تفوقنا على أمريكا