سياسية
أزهري: البلاد لا تزال تعاني من أزمة في الغاز والجازولين
وصف أزهري عبد القادر، وزير النفط والغاز، ما تردد عن أن إنتاج حقل الراوات يبلغ 300 ألف برميل، بأنه مجرد تضخيم وليس صحيحا، وجزم بأن الإنتاج لا يزيد عن 10 آلاف برميل، مشيرا إلى أن إنتاج السودان من النفط وصل حتى أمس الأول إلى 75 ألفاً.
وأقر الوزير خلال حديثه في مؤتمر إذاعي، أمس، بأن السودان لا يزال يعاني من أزمة في الغاز والجازولين، وفيما توقع استمرار الأزمات في ظل الاستيراد بالعملة الصعبة فضلاً عن الاعتماد على مصفاة مهددة بالأعطال وغيرها في أي وقت، قال إن استراتيجيتهم تتمثل في تأمين احتياجات البلاد بالوفرة، منوها بأن مشكلة عدم الوفرة في الأزمة خلقت أعراضا جانبية وصفها بالخطيرة، تتمثل في التخزين والتهريب والسوق الأسود، وأضاف “سياستنا الآن تتمثل في إيقاف التدهور الآن وسنبدأ تدريجياً زيادة الإنتاج لتوفير حاجة السودان ومن ثم التصدير.
اليوم التالي.
كلامك رقم شفافيته لكن ح يزيد الدولار و تنتعش سياسه التخزين . لانعاش السوق الاسود..
الناس كلها كانت متخيله الازمه انتهت وخلاص
لماذا لا تعمل كل الجهات بأدارة موحدة من الامن والجيش والشرطة والمواطن ثم وزارة النفط بالتبليغ عن هولاء التجار والقبض عليهم ما دام في تهريب وفساد وسوق اسود واحمر ؟ وللكن اظن ان المهمة صعبة لهولاء لان اللصوص هم من القطط السمان والذين لهم حماية من قطط الوشق (هي قطط مفترسة) .
جيت من سواكن قبل العيد والله العظيم البنزين يباع بالسوق الاسود على جانبي الطربق القومي على عينك يا تاجر وكمان لو سألت الشرطة يقولو ليك ما بتلقى في المحطه ويوصفو ليك محل السوق الاسود وبين هيا وعطبره تلقى المستودع مجاور للمحطة يعني يكبو ليهم البنزين يعبوهوا فط جركاوات ويبيعوهو سوق اسود جنب المحطة وفي الجبلين سألت بوليس وين المحطه الليها بنزين نحنا مسافرين والله العظيم جاب لي بتاع سوق اسود بي خرطوشو قال لي الجركانه بي ستمية والله اولادي يضحكو جنس ضحك (الشرطه يجيب ليك بتاع السوق الاسود) مشينا ربك وهناك في المحطه قالو البنزين في لكن ناس الامن قفلو المحطه تاني الا بكره والله مشيت مكتب الامن وادوني رقم الضابط حق الامن اظن اسمو وليد واتصلتا عليهو قلتا ليهو انا مسافر ومعاي عايلتي وما بشتري من السوق الاسود ابدا قال لي امشي المحطه واتصل علي من هناك وكلمهم وشدد على تعبئة التنك فقط وان لا يتم تعبئة اي مواعين اخرى وقد كان لذلك انا اشيد بضابط الامن وليد بربك فإن ما حدث هناك يدل على ان هناك انضباط وحسن اداره (الغريبه في ناس فاكرين عندي واسطه جوني وطلبو مني اكلم ليهم الناس ديل يدوهم بنزين والعايز جاز قلتا ليهم والله يا اخوانا انا لا بعرف زول ولا حاجه ولا عندي واسطه ولا حاجه مشيت مكتب الامن وشرحتا ليهم وضعي واولادي وعايلتي وشنطنا معانا في العربيه ما قصروا معاي وعبو لي تنك عربيتي ما بقدر اطلب منهم شئ لزول انا ما عارف ظروفو شنو) المهم البنزين الآن في المدن الكبرى ما فيهو مشكله لكن المناطق النائية فيها مشكله وسوق اسود