جرائم وحوادث
السلطات الأمنية بمطار الخرطوم تفتح تحقيقاً حول واقعة اعتداء على مواطن سوداني أمريكي
علمت المصادر أن السلطات الأمنية بمطار الخرطوم، شكلت لجنة تحقيق حول واقعة اعتداء على السوداني الأمريكي بشارة حسن، من قبل أفراد بأجهزة نظامية بمطار الخرطوم.
وتداولت أمس وسائل التواصل الإجتماعي المختلفة مقطع فيديو يظهر فيه اعتداء عدد من الأفراد على أحد المواطنيين يحمل الجواز الأمريكي، تعرض فيه الأخير للضرب والسباب.
وقال مسؤول حكومي رفيع فضل حجب اسمه – في الساعات الأولى من صباح اليوم إنهم يرفضون مثل هذه السولوكيات مهما كانت أسبابها ودوافعها.
وأكد أنهم وجهوا بفتح تحقيق موسع للوصول للتفاصيل الكاملة للواقعة، وأضاف ” سننتظر ما ستفسر عنه نتائج التحقيق، وسيقدم المتجاوزون للمحاكمة العادلة بحسب صحيفة السوداني، وسينال كل صاحب حق حقه”.
وشدد المصدر على أنهم حريصون كل الحرص على حفظ الأمن والنظام وحقوق المواطنين والأجانب بالبلاد.
الخرطوم (كوش نيوز)
كل الججع هو العنصري لا الكثر ولا اقل كم من امريكا كم من استرلي من فرنسا لندن الا يكون من الجنس اسودلكن لو انا العربي من كذه كذه ولد ده عيش في ام اس لن فر بلج وووووووالجهل يقول هذه اسود ده احمر وووو
حلات التحقيق وحلات دولة القانون وحلات العدالة مع الاسلاميين
انا علقت في الموضوع ده في الشق التاني منه لكن هسه لمن لقيت السلطات الامنيه في مطار الخرطوم تفتح تحقيق اندهشت
ياناس انتو بتغشوا منو تفتحوا تحقيق معقوله في زول في السودان ده بفتح بلاغ في اخوه ولا صاحبو حتي لو اتجاوز القانون
طيب قبل فتره البشكير نفسه بعد الكيل طفح وريحة الفساد فاحت وبقت كلام للجيران
قام اليوم داك اتنفخ وقال انحنا لازم نحارب القطط السمان ههههههههاي اليوم داك انا ضحكت لمن وقت من سريري التعبان ده
اها يعجبوك ناس قريعتي راحت القلبهم علي الوطن الجريح . قاموا الشويه ديل جابو للرئيس القرار وقالوا ليهو وقع لينا في القرار
طبعا صاحبنا بعد قال القطط السمان ومشي البيت وداد واخوانه قالوا ليهو انت نسيت القطط السمان ديل معاك في البيت ده كلام شنو يعني عايز تقطع اكل عيشنا ولاشنو سيبك من الحركات دي بلاش وطن وبلاش وطنيه معاك اها ناس البرلمان الوطنيين الصباح لمن قالوا ليهو وقع لينا قال ليهم اوقع شنو قالوا ليهو القرار بتاع القطط السمان قال لا لا لا دي الحته الوحيده انا مابوقع فيها
زكرني واحد صاحبنا بحكي لينا قال عندهم واحد في الحله بسكر بالليل وبشاكل والصباح الجماعه لمن يجو ليهو يازول ده كلام شنو الامس عملته ده يقول ليهم كلام شنو يقوموا يزكروه انك كنت سكران بالليل وشاكلت فلان واسئت ليهو
يقوم يقول يقول ليهم ياجماعه داك كلام الليل وشاله السيل .. هههه حليلك وحليل السيل اها البشكير بقت عليهو السكره زااااتها. معروفه ودي ماعايزه ليها درس عصر التحقيق حتكون فيهو كمية من العنصريه والكراهيه والاحقاد وعدم الشفافيه والضغوط
الاعزار او المبررات عند ناس الامن متوفره ودي ماعايزه اجتهاد اصلا وشفناها في التعاليق العنصريه في الموضوع التاني من نفس القصة
ياناس البلد دي ماممكن تمشي بطريقتها دي مالم نقبل بعضنا البعض ونطلع من العقد الفيها نحنا دي
طبعا الزول الجاي من امريكا عنده عقده غرابي وافريقي ومضطهد اها شايل ليهو ورقه او جواز وعايز يتنفخ بيهو عشان يتفشي حبه لزوم انا مابعرف عربي واتكلموا معاي انجليزي والهضربه دي والمسكين يكون بعرف ليهو جملتين ولا تلاته بس . وبيجاي كمان حبايبنا هنا بتاعين الامن كمان عندهم عقدة انو نحنا عرب والمنصب ومحل القانون والعضلات زاتها ويمكن الحكاية دي شفناها في برنامج الكمرا الخفيه في قناة سواني ٢٤ اسم البرنامج عليك واحد بجي مع الفطور البرنامج يوضح ليك شكل ناس الامن او الشرطه بتعاملوا مع المواطن بطريقه وحشيه وهبالة وجهل وسطحيه مبالغ فيها بدلا من انهم يعكسوا وعي ناس الامن والاحترافيه في الحصول علي المعلومه لكن لا ارهاب وتخويف وهباله والواحد لو ما القانون مايسوي ابو النوم وبعد الهرجله في البرنامج لكن برضو في ناس وبنات بالتحديد اثبتوا انهم اكبر بكتير من هبالة ناس الامن الحقيقيين او الممثلين المهم موضوع الكمرا ده مالموضوع
اها لو رجعنا لناس الامن كمان فيهم عقدة عرب ممزوجه بدم الزنوج بدل يقولوها عرب ممزوجه بدم العبيد وانتهي الدم العربي لانو القصة انتهت من الف سنه لكن لسه ماسكين فيها ياعالم افتكر ده سبب تخلفنا
المطلوب اننا نقعد في الواطه دي ونتصالح وننسي القصص الميته دي
والله لا العرب بنفعونا ولا الافارقه بنفعونا لومانفعنا نفسنا بنفسنا . يبقي نقبل بعض ونتصالح مع بعض ونبني لينا بلد
جميل يتحملنا كلنا لكن لوقعدنا للمناقره انا عربي وانا افريقي وانت مفلس وانا مقرش وانت امي وانا متعلم
العالم حيتجاوزنا وفعلا اتجاوزنا اذا كان الدول العربيه الزمان بنتنبر ونقول علمناهم هسه بقينا نشحد فيهم كل مره رئيسنا في حله
لمن بقينا ملطشه حتي بين الدول العربيه .
المهم نتمني ونتمني انو الناس يبدوا صفحة جديده وبجديه يتعمل تحقيق شريف والغلطان ياخد جزاه عشان الناس تعرف كيف تودي البلد لقدام واللله البلد انتهت وكل يوم تخلف في تخلف معقوله نحنا في عام ٢٠٢٠ ولسه بنشتكي من ازمه كهرباء وبنزين ومواصلات وغبار وضبان ومرض وفلس وغلاء حتي الهوا ومويه قاطعه ياناس دي حالة شنو دي ..
واخوانا المغتربين لو في الدول العربيه ولا الدول الاوربيه قبلما تجونا في السودان الواحد يعمل ليهو كورص بتاع لغة سودانيه
حتي الراندوق يافرده وياعمك ودسيس والشرديد والشتات وكسير التلج الحاجت دي لازم تعرفوها لكن لو جيتونا ايش لونك وايش تبقي وايش بدك لا لا وكمان اخوانا ناس اوربا اعملوا حسابكم برضو من وس وس وس وس دي لانو دي لغة فيها ريحة الدولار وانتو عارفين الدولار ده ببوظ الاعصاب عشان كده بتاع الامن لو شمي فيكم الريحة دي والله يفجقكم من غير سبب وانتو عارفين الحاصل فاهمني ولا اشرح زياده ..
يالله خلاص تحياتي ونشوفكم يوم المحكمة لاني بجيكم بيقادي حتي لو اعاين بالشباك عشان اشوف الفضائح البتحصل ..
بعد مشاهدتي لشريط الفيديو الذي يكشف سوء المعاملة التي تعرض لها الشاب السوداني الأصل و الأمريكي الجنسية (بشارة حسن) في مطار الخرطوم و سماعي لكلمات الأستاذة (تراجي) حزنت جداً لعدم معرفتنا في ادارة أمورنا بالصورة التي نستطيع من خلالها كسب الاخرين من أبنائنا المشردين في الخارج او الداخل … تراجي بحرقة تتطرق للقضية من ناحية سوء التعامل مع أبناء دارفور و نحن ندرك جميعاً مشكلة دارفور و التي تسعى الدوائر السياسية العالمية الى فصلها عن الوطن الأم.
كان حرياً بأجهزتنا الأمنية في المطارات خاصة أن تستقبل أبنائنا مهما اختلفت جنسياتهم التي يحملوها استقبال يغير في أذهانهم الصورة السيئة التي يبثها الاعلام في الخارج،
المشكلة تبدو أكبر من سوء التعامل مع فرد، بل هي أخذت منحى اخر قد يفتت وحدة البلاد …فمن خلال كلمات تراجي النارية المهددة للسلطات بتبني خط اخر يؤجج من نيران الفتنة بين أبناء الوطن الواحد …. و الاساءة لجنسيته الامريكية و لجواز دولة نحن نترجاها لنصطلح معها طيلة السنوات الماضية، قد نكون قد منحناها فرصة ذهبية للتدخل و المطالبة بحضور جلسات المحاكمة ان كانت هناك محاكمة أصلاً ….. نحن يجب أن نتعامل مع الناس عامة بصورة تدعو للمحبة و الالفة … نحن يجب علينا التعامل مع ابنائنا ان كانوا يحملوا جنسياتهم الاصلية او غيرها …في النهاية هم أحرار ….و كم من سياسي عندنا يحمل جنسيتين …..أطفئوا نيران الفتنة قبل أن يتطاير الشرر الى أماكن و أقاليم أخرى ….هداكم الله.
يا الجماعة الزول دا استفزازي جدا، يعني مستحيل يكون اختارهو من دون الناس كلها بلا سبب، المخلوعين بالجوازات الأمريكية يسببوا مشاكل كبيرة للموظفين بالمطار من حيث الاستفزاز وتعطيل عمل الموظف. حكاية دارفوري وما دارفوري دا حنك بيش يكون الدقو ديل زاتم دارفوريين،
حتى لو استفزازي ما في مبرر للتصرف بالطريقة الوحشية دي، افتح فيه بلاغ واتخذ معاه الإجراءات القانونية.. وأنا متأكد انو التعامل بالطريقة دي حصل مع ناس كتار لكن الموضوع كبر لأنو أمريكي
وما هو الدليل على أن من قامو بهذا الفلم السىء الإخراج على أنهم من الأمن الذين روجو لفرية الإبادة الجماعية وقتل 300 الف فى دارفور أستطيع أن أحبك شغلة زى دى وما أجيب صور المدعى عليهم والفق زى ما عايز حركات التمرد ومنسوبيها ومن ورائهم لم يرحم رفع العقوبات وفى الطريق إزالة السودان من لائحة الإرهاب التاريخ السىء لحركات بقايا طريق الحجاج والحقد الأعمى الدفين وعمالتهم لما يسمى بالمنظمات واللوبيات إضافة للحاسة السادسة تدفعنى لعدم قبول هذا الفلم الذى يحمل بصمات هذه الحركات العميلة والدخيلة وللتاكد من ما أقول ارجعو اليوتوب صورو فلم لرجل بعامة قالو انه عربى يبيع أفارقة والصقو تهمة الرق بالحكومة تبا لهم والتحية لقوات الدعم السريع التى قصمت ظهور هؤلاء الاوغاد اللهم ارزقنا قوات دعم سريع فى كل
ولآية
محلية
طريق
شارع
زقاق
وبيت دار دار نفاج نفاج
نتمني أن يكون رجل الأمن راقي التعامل ولا يعطي الدول الأخري فرصه في التدخل وبالذات أمريكا الان في يد رئيس مجنون يعني عادي ممكن يوجه ضربه للسودان ما بتفرق معاه انتوا ما عارفين أخذ من السعوديه والامارات كم هذا رئيس أمريكي بلطجي ومن يعطيه فرصه يكون جني علي نفسه