مرتادي التواصل للفنان محمد الامين: هذا الفرق بين العجرفة والتواضع.. الجمهور يغني مع كبار فناني العالم .. فيديوهات

في ماذا يجتهد ود الأمين حتي يتضايق من ترديد الجمهور معه ؟؟؟ لو أراد أن يجتهد عليه أن يقدم اغاني جديدة ، أربعون عاما يردد الجمهور الأغاني نفسها لا جديد ، المفروض الفنان المحترم أن يقدر ويمجد جمهوره ويسعد بترديد الجمهور معه كما كان يفعل العملاق الموسيقار القامة محمد وردي أين ود الأمين من وردي لا توجد وجه مقارنة ، ود الأمين بعدما شاب ساء خلقاً وإذداد غروراً ، في ماذا يغتر ود الأمين كل رصيده الفني خلال العام هو حفلتين فقط لا غير ، الفنانين الشباب امثال طه سليمان وحسين الصادق أجورهم في الحفلة يفوق أجر ود الأمين ، ود الأمين الحان مكررة وموسيقي متشابه وعدم مواكبة وعدم تجديد وصوت غليظ (صول) يفتقد للتطريب …إضافة الي هذا غرووووووووووور علي الفاضي ، فعلاً إذا وجدت نفسك مهملا ومنسياً عليك بالأفعال الشاذة والغريبة لينتبه إليك الآخرون ، ولكن لن ينتبه اليك أحداً ياود الأمين عليك أن تعتزل وتترجل عن عرش الفن خير لك قبل أن يدركك أرزل العمر والذي بدأ يتضح في أفعالك و تصرفاتك .

هم لو جاين اسمعو ما اغني ليهم في الرادى والموضوع انتهى

انا من أشد المعجبين بالفنان محمد الامين بس في حاجة لازم أي فنان مهما كانت موهبته وعظمته يعرفها ويعيها جداً هي أن الفنان جمهور بدون جمهور ومعجبين لا يسوى شيئ حتى لو يملك موهبة زمانو لان الجمهور يا يرفع الفنان للسماء يا يدق بيهو الواطة ياما في ناس وليس فانينن اكتر من عاديييييين قاعدين يغنو والساحة مليانة بيهم اليومين ديل بس ليهم جمهور وطالع بيهم السما واحتمال حتى ما يختوهوم في محل ود الامين بس نقول شنو؟؟؟؟؟؟؟؟؟؟؟؟؟ خلاصة القول الطريقة وليس الفكرة الاتكلم بيها محمد الامين مع جمهورو عشان ما يغني معاهو كان ممكن يقولا بطريقة الطف واجمل واحلا من كدا دا اسمو جمهور ومعجيبن محمد الامين يعني من المفترض يا ود الامين ده جمهور ومعجبين بحساباتك جمهور VIP محمد الامين فنان محترف بمعنى الكلمة بس هل حكم السن ولا ضغوط نفسية بيمر بيها هي الخلتو يعمل كدا؟؟؟؟؟؟؟ هو ادري بس الاهم مطلوب منك اعتذار رسمي ومرئي ومقروؤ لجمهورك وفي اقرب وقت لانك في الحفل ما اعتذرت ولكن بررت وكان تبريرك مقبول ومنطقي جدا بس الجمهور عاوز اعتذار عن طريقة تعاملك معاهو وده اقل شيئ في حق جمهور محمد الامين.

الراجل دا ياجماعه مره حضرته ليه حفلة في رأس السنه في النادى العائلي في بورتسودان رجل متكبر تكبر ماعادى والناس لاحظت وحست بالحاجه دي شديد ومافي زول اشتغل بيه لما غني وطلع مافي زول مشا سلم عليه ساي الراجل شغال ليه بي كم اغنيه فرمالات عامل فيها مكمله