وصول الفوج الأول من السياح الصينيين إلى السودان
وصل إلى الخرطوم يوم الإثنين الفوج الأول للسياح الصينيين، وذلك في إطار التواصل بين الشعبين الصيني والسوداني.
واكد محمد مدثر مسئول ملف الصين في وزارة السياحة والآثار والحياة البرية في تصريحات صحفية أن الزيارة تأتي تتويجا لجهود وزارة السياحة والتى استمرت لعام كامل، مشيرا إلى أن البداية كانت بتوقيع وزير السياحة محمد ابوزيد لمذكرة التفاهم مع الحكومة الصينية ، مشيرا إلى إن وصول الفوج الأول للسياح الصينيين بداية لعهد جديد وفتح كبير للسياحة في السودان ، مبينا أنه جاء ثمرة تعاون بين السودان والصين ووكالة منششارتي ووزارة السياحة التي ابتدرت التفويج .
وكشف مدثر عن تأهب اكثر من ستين وكالة سودانية لتفويج السياح الصينيين للسودان ، مشيرا الى ان وزارة السياحة تعد لحملة ترويجية للسياحة السودانية في الصين إيمانا منها بأن السياحة أمل السودان الواعد .
الخرطوم 14-8-2017م (سونا)
كان معتمدين ع الصينيين في السياحة تكونو مرقتوا ساي
السياح لو ما استفادة منهم البلد اقتصاديا تكون مافي فايدة
الصينيين ست الشاي ما تستفيد منهم
سياحه ترانزيت ٣~٤ ايام ومنها مباشره الي الدول الافريقيه…سياحه شنو وسجم ايه جايب ليكم ناس عشان يشربو كركديه وقونقوليز!ههههه شوفلك سياحه
خجلتونا . خدمات زي الزفت وكمان مع الخريف ضبان اخضر كبار وما حيعرفو ياكلو وحيزوغو على طول . قال سياحة قال . ما عندنا مقومات سياحة عندنا بس عين قوية وقهارة فارغة .
والله كلامك مليون بالميه صحيح وعجب المطار قسما بالله حاجة تخجل عديل كدا
وسخ وحر وناس جاهلة بالتعامل مع البشر وعربات للامتعة مكسره وحالة بالبلاء
و اول مرة في حياتي اشوف ناس بدخن سيجار في صالة السفر وتطفي العقاب
في الارض وعجب لمن تطلع برا تلاقيك اكياس النايلون ترحب بيك في سور المطار
داير ما يدور والله العظيم عيب خجلتونا مع باقي الامم بلد عمرها ما تتطور ولا تتقدم
ولا تنظف ؟؟؟؟؟؟؟؟؟؟؟؟؟؟
وانا دخلت مطار الخرطوم الدولي شفت لي واحدة شايله ليها مكنسة بتكنس وسافة ليها سفة كبيرة ظاهرة . وهي ولا يهمها تعاين لاي زول جوه قلبو . شكلها ما خايفة ليها من زول او مسئول .
طبعا واحد كوز خبيث ح يقول للصينيين في المطار نحن مما عرفناكم جايين ولأننا نموت في المطبخ الصيني قمنا رشينا الخرطوم بالموية وقفلوا كل المجاري خصيصا حتى تنتج لكم أفضل أنواع الضفادع العاصمية وغيرها من الزواحف.. فما تستغربوا لو شفتو أكبر مزرعة ضفادع في العالم بين البيوت وفِي الطرقات والأنفاق .. كل ذلك لأننا نحب الرز الصيني العظيم..وحتى تطيب لكم الإقامة بيننا..
بصراحة التعليقات توسع الصدر…
والله ضحكت من تعليقات الشباب لحدي ما أنبسطت..والحكومة لو عندها دم وكرامة المفروض تقفل مطار الخرطوم لأنه فعلا شيء يفشل ويفشل ويفشل ونا يرفع الناس والله مطار بنغلاديش أحسن منه..؟
صالة الوصول أحسن منها برندة محلات الباسطة والحلويات أما الحمامات لا أعتقد أن هناك حمام أقذر منها في العالم.
بصراحة التعليقات توسع الصدر…
والله ضحكت من تعليقات الشباب لحدي ما أنبسطت..والحكومة لو عندها دم وكرامة المفروض تقفل مطار الخرطوم لأنه فعلا شيء يفشل ويفشل ويفشل وما يرفع الرأس والله مطار بنغلاديش أحسن منه..؟
صالة الوصول أحسن منها برندة محلات الباسطة والحلويات أما الحمامات لا أعتقد أن هناك حمام أقذر منها في العالم. .؟
قذاره وقرف بي جدارة.
الموضوع أكبر من كده. .ديون الصين علي السودان تمت مقايضتها بمساحة من الأرض السودانية و السواح ديل في الأغلب جايين يشوفوا أرضهم و صلاحيتها للاستثمار
صحي يا الخريف… ديل جايين خلاص حق عديل… صحي هم مليون دي قربت تحصل كذبة وزير المعادن 46الف طن ذهب قال
مليون صيني اول فوج ؟ لا حول ولا قوة الا بالله . اوع تكون دي بداية ياجوج وماجوج .
خطوة
ما شاء الله
بلدنا فيها كتير
بس حبه اهتمام
مشاهد طبيعية
مافي زيها في العالم
النيل بيشهد
اعلان عن وضول اول فوج لم يذكروا لينا الفوج فيه كم شابفين لينا اتنين بس ومقابلنهم اتنين
اان كانوا من المسلمين الصينيين فمرحبا بهم لكن ان كانوا من الصينيين المجوس الذين يأكلون الكﻻب والغاذورات فحرام ان نفتح لهم بلادنا خاصة وان اعدادهم كبيرة وﻻ فائدة من زيارتهم للسودان وضررهم اكبر من نفعهم فالامور لا تقاس بالمادة والمال ولكن القيم هى المطلوبة خاة