غادروا إلى ولايات دارفور .. طلاب دارفور يرهنون العودة لجامعة بخت الرضا بتنفيذ مطالبهم والجامعة تتمسك بتطبيق اللوائح

كما توقعنا ( سقف ) المطالِب في تنامي وزيادة ..

هذا يعتبر ابتزاز رخيص وغير مقبول، القانون قانون يطبق على مواطن دارفور كما يطبق على مواطن الخرطوم، مقتل شريطين ليس بالامر البسيط، ومخالفة اللوائح والقوانين الجامعية امر يستوجب المحاسبة، الجامعة لاتعرف الطالب كطالب وليس كطالب دارفور…وعلى الطلاب ان يعرفوا انفسهم كطلاب دون ذكر الانتماء الجغرافى او العرقي، دارفور مكانها البيت او الشارع او الاسرة لكن داخل الجامعة يعرف الطالب كطالب فقط.
نحن نعرف ان للكيزان اساليب قذرة فى انتخابات الإتحادات و ربما كانت ادارة الجامعة مواطئه فى الامر..لكن الاستقالة ليست هى الحل لان الخاسر الأكبر هو الطالب، فالجامعة لن تغلق ابوابها حتى لو استقال جميع الطلاب لكن الطلاب يخسرون فرصة التعليم..
انا اعتقد ان المبدأ الذى استندت عليه الجامعة صحيح، كما انها لاتستطيع فتح باب تنازلات لان لانه سوف يجر عليها حالات ابتزاز مستقبلية من جهات طلابية جهويه او عرقية او قبلية او حتى حزبية…نرجو ان يسود صوت العقل والحكمة والا فالخاسر هو الطالب المستقيل.

اول مرة نسمع بتعريف طلبة الجامعات بهذا المُسمي بناء علي الولايات التي قدموا منهاوهذا من الخطورة بمكان والاخطر من ذلك تبنيه من جانب الاعلام وهذا تكريس للفرقة والعنصرية.هم طلبة فقط لهم ما علي جميع الطلبة وعليهم ما علي غيرهم ولا شئ غير ذلك وقوانين الجامعة تُطبق علي الجميع دون فرق.

الخاسر الاكبر من تعنت الطلاب هم انفسهم واسرهم واقاليمهم التي تنتظرهم اتمني ان تبدأ مبادرة اخري لعودة الطلاب من خلال طلبات فردية تقدم لإدارة الجامعة بسحب الاستقالة وتنظر ادارة الجامعة في الطلبات وتقرر فيها بما يخدم الطلاب واقاليمهم ويحفظ هيبة الجامعة واستقرارها علي ان يعود من قبلت طلبات سحب استقالاتهم لمواصلة الدراسة فورا مع مراجعة اللوائح المنظمة لاتحاد الطلاب ودوره في استقرار الدراسة.

يا انت لازم تكون في قوانين رادعة وبدون مجامله خاصة في مجال التعليم المحاباة والمجاملة ما بتنفع… والله مبروك إدارة الجامعة لو ابوي غلط في مسألة التعليم وحاول يتلاعب ويعمل ليهو قومه وقعده طبقوا فيهو القوانين واللوائح بتاعة الجامعة .. ثم ثانيا اذا المسألة كانت مسألة تفرقة ليه ما فصلوهم كلهم يا اخوانا الناس ما تخلط الحابل بالنابل.. الناس تعقل وما تتهور وتحكم بالعاطفة الناس حقو تتعامل بالعقل وما تفتحوا لينا مسارح نزاعات تانيه ..الفينا مكفينا .. وربنا يجعل العواقب سليمة..

…والحل هو فصل دارفور عن السودان الحديث …. يا انت يفصل عضامك من جلدك تفصل تفصل لغاية ما تنفصل من اسرتك عاد ده كلام تقولو.. انت شكلك داير تنفذ المخطط اليهودي وانت متأمر معاهم …تفصل دارفور عشان شنو ثم ثانيا اي زول ساكن في متر مربع يقول انا داير الانفصال تفصلو انت تحاول تعمل إصلاح ذات البين مش مره الفتن بين المسلمين .. احذر ما تحرض علي الانفصال نخجل ليك من كلامك ده..