على الرغم من أن قصة السودانية المختطفة فاطمة الشفيع قد أثارت ضجة واسعة داخل مواقع التواصل الاجتماعي بالسودان وعلى الرغم من التعاطف الكبير الذي وجدته قبل وصولها لأسرتها بسلام إلا أن حديثها الذي نقله محرر موقع النيلين من قناة الشروق مساء أمس لم يدخل عقل أي معلق على القصة سواء داخل مواقع التواصل أو داخل الخبر بموقع النيلين.
القصة التي روتها فاطمة كاملة شبهها بعض الرواد بأفلام السينما الهندية سيئة الإخراج, حيث أشكك كل المعلقين داخل موقع النيلين في أمر اختطافها.
إليكم تعليقات رواد مواقع النيلين حول القصة:
علي البلال: “هههههههه حلوة قصتك والله والاحلى نهايتها لقيت نافذة تفتح وهربت منها وساعدنا واحد عجوز بتاع كارو بس التكاليف حق واحد هاوووى”
ممكون وصابر: “طيب الراجل بتاع الكارو دا ليه ما وصلها لمكتب الشرطة
و الجماعة القدرو يخطفوها من الشارع غلبهم يقبضوها تاني بعد ما نطت من الشباك
الكلام دا لو بينطلي على شرطتنا يبقى على أمننا السلام”.
صابر: “فيلم هندي ..
بس ( السيناريو ) ضعيف وركيك جداً ..
بالذات ( في ) النهاية ..
اللستك ضرب ..
طلعت ( أو ) وقعت من الشباك ..
لاقاها ( سيد ) الكارو ..
أها ( حصل ) شنو ؟؟؟”
أبو الباسل: “والله لو مخطوفه بالجد علي الاقل شهر ما تكوني مركزة وواعيه خلي راسمة ومتحنه ومتجيهه وجايا تتفاصحي في الكاميرا واللوم ما عليك اللوم علي قناة الشروق والشرطة وانا بلوم الشرطة لانو حسب المؤتمر الصحفي انهم بيتعاملوا مع حالات بي فقه السترة ياخ سترة شنو والاشاعات شايفنها عامله شنو في الناس يعني يا اخوانا سترة بت او أسرة ولا سمعة مجتمع وبلد كامل وبعدين سترتكم دي بتخلي موضوع الخطف ده يبقى شماعه لي كل واحده اتاخرت ولا باتت بره حقو تنظروا في موضوع فقه سترتكم ده .
وبلوم قناة الشروق انو روجت لي موضوعك ده وادتو أكبر من حجمو خصوصا انو لما تصور معاك معناها الموضوع اقرب للحقيقه للناس البسيطة وفهمها بسيط في حين انو الناس بتحارب للشائعات الشروق بتروج ليها . غايتو مع احترامي ليك يا طلال مدثر ما اتوفقتوا في المادة دي وعندي احساس برنامجك ده بيلحق أمات طه زي المحطة الوسطى وبنك الثواب .
الله يكون في العون ويحفظ بلدنا واهلنا وبناتنا .
أبو عبد الرحمن: “إخراج ركيك وتافه كتفاهة الراكوبة ومن وراءها. يفترض محاسبة قناة الشروق بتهمة الترويج للشائعات”.
عبد الرحيم: “ده فلم هندي
بلاش استخفاف بالعقول
معقوله!!!تنط بالشباك ومافي زول يشوفه
ومعقوله الخاطفين بهذه السزاجه ياعالم قولو كلام يخش العقل ونصدقه
فاطمه ماحبكتي القصه مظبوط”.
محمد حسن المحامي: “ماشاءالله وتبارك الله على ردوود كل المعلقين جميعهم اجمعوا على كذب الرواية و لايمكن ان يكون سبب الوصول للدويم هو الاختطاف هو سبب اخر مستتر لم تصرح به ( المجنى عليها ) ولا اظن انها مجنى عليها .
ندا للمسئولين والقائمين على الامر الجنائى بالبلاد باعادة التحقيق مع هذة السيدة و الوصول لحقيقة امرها وتسليم الحقائق للمواطنين لان ما تقوله اقرب للشائعات والاختلاقات التى تهدف الى ادخال الرعب والذعر بين المواطنين وفقدان الثقة فى الامن مما يهدد السلم والطمائنية فى المجتمع .
اقوال هذه السيدة خطيرة جدا لا تسمحوا لها بنشرها عبر القنوات التلفزيونية والاذاعية والصحف لانها سوف تستفيد من ثقة المواطنين فى مصداقية هذه الوسائط الاعلامية لنشر خرافاتها مما يحقق هدفها فى ادخال الخوف فى قلوب المواطنين”.
وهذه بعض تعليقات رواد موقع التواصل الاجتماعي فيسبوك.
الطير الخداري: إذا قلنا اختطفوك طيب المفروض المختطفين ديل يكونوا أكثر دقة وتركيز..كيف تنطي من الشباك وما يجيبو خبرك؟
صلاح عثمان: “القصة دي شفتها في فيلم هندي قبل كم يوم”
عزيز الكردفاني: “لو قلنا صدقناك في القولتيهو كلو بتاع الكارو شرد ليه والشاب القابلك وصلك هو ولا اهلك جو ساقوك ما وريتينا”.
محمد عثمان _ الخرطوم
النيلين
ومالكم ما فقدتوني يا زملاء ؟
ما علقت لأني كنت مختطف في بلاد الواق واق
ولما أكون فاضي سأحكي لكم تفاصيل اختطافي وكيف استطعت الهروب مثل الشياطين العشرين
المراه دي موضوعا اخلاقي والله أعلم مشت لزولا واختلقت القصه عشان صعوبه ابوها
قصة هذه البنت ورائها قصص أخري وأسرار ولذلك على الجهات الأمنية التحقيق في هذه القضية مرات ومرات ومراقبة هذه البنت وكشفها حتى يصلوا للحقيقة .
قصة هذه البنت ورائها قصص أخري وأسرار ولذلك على الجهات الأمنية التحقيق في هذه القضية مرات ومرات ومراقبة هذه البنت وكشفها حتى يصلوا للحقيقة .
والله من وراء القصد
المعلقون , ما شاء الله ,يتميزون بالحصافة والقراءة والمشاهدة الناقدة . هذه القصة وقع الحافر على الحافر , قالت بها بنت قبل حوالي ثلاثة أعوام , بنفس الطريقة لكن بدون بتاع كارو , تلك البنت أعرفها وأعرف أباها وجدها وجميع أهلها .. زوجها السابق طلقها بعد أن كشف كذبها وفبركتها للقصة وتبريرها لغيابها لعدة أيام وتركها لأطفالها , حتى بحثت عنها الشرطة ودونت بلاغات وتحقيقات وتحريات, وفي نفس منطقة الكلاكلات هذه , ثم اتضح أنه , لا خطف ولا عيونه ( خدر ) ولا غرف فحص ولا يحزنون , وفي ظني أن قصة بنت اليوم هي نفس قصة تلك !! والواجب على الجهات العدلية في البلاد أن تحقق مع القناة التي جاءت بهذه البنت وأسمعت الناس قصتها الكاذبة , حتى لا تكون وسائل الإعلام مطية للإشاعات والكذب , وإشانة سمعة البلد !!
حقيقي استخفاف بعقول الناس…ولا استغرب من ذلك اذا كان حكامهم يستخفون بعقول الناس امثال وزير الدفاع الجاهل قال الطيارة جات مواعيد صلاة المغرب و كانت طافية انواره
الكشف الطبي اهم شئ
والله يا جماعة ماعايز نقول كلام ويصفونا باوصاف ما ياها .. البنت دي كذابة وستين كذابة والكلام ابتقول فيه مملى ليها ومحظفنها ليه .. ودليل الكذب .. انها من ركبت العربية وهي مخدرة بالمنديل .. وتاني بحقنة وحاجة جنب الاذان والله دي تخدر فيل خليك من حتة مرة قاتلها عدم الغذاء ..
وبعد التخدير دا كله فات على الملقن ان يتذكر ان تقول انها ظلت مسافة كم ساعة غير واعية .. ولكن شوفوا من ركبت العربية وقالت الصيني طعنها بحقنة لم تقل انها كانت فاقد للوعية وانما توصف كل شيء وبعدين لم تذكر بعد كم ساعة استطاعت الهروب من العربية .. ولم تذكر الساعة كم كانت في ضواحي الدويم .. هنا الفيصل يجب اجابة هذا السؤال لمعرفة ان كانت تقدر الزمن صحيحا ..
وهل يعقل رجل الكارو يجد مرأة هكذا ومعه زوجته يتخلى عنها بهذه السهولة وعدم الرجولة .. اذا خاف ليه ما وداها مركز الشرطة بنفسه ..00
ثانيا حركة الجسد ونظراتها كانها بتحاول ان تكون واثقة من كلامها وثابتة في روايتها وتظهر انها تول الحقيقة \وبعدين كيف خواجة عيونه خضر ويتلم مع صيني .. لماذا لم يظهر حتى فقدان المرأة الكبيرة والطفل الذين يكرتهم انها وجدتهم في العربية .. وهل يعقل ان تقف العربة الساعة التاسعة والنصف ولم تذكر صباحا ام ليلا فان كان صباحا فهل يعقل ان لا تصرخ ويسمعها اناس في الشارع او احد لم يشاهد ما حدث في منكطقة مزدحمة ..
وهل لم تتحدث معها المرأة الكبيرة مطلقا او ان الطفل لم يصرخ لهذا المشهد ..
كما قيل انها مسرحية سيئة الاخراج من الحلاكات الدارفورية وهذه المرأة متواطئة معهم فعلى الجهات ان تضغط عليها لتعترف بالحقيقة ىن طل اللائل تقول انها مكذب وكذب بواح وظاهر ..
كما قيل انها مسرحية سيئة الاخراج من الحركات الدارفورية لخلق بلبلة وهذه المرأة متواطئة معهم فعلى الجهات ان تضغط عليها لتعترف بالحقيقة ىل كل الدلائل تقول انه كذب وكذب بواح وظاهر ..
المجومه دي واحد من أثنين يا هي إجراءات .او محنكة كزب.انظر اليها وهي بتحكي .لا تأثير و تردد .اارواية كلها خمرتها في محل باتت كل هذه الأيام.
علي الجيهات المعنية اخضاعها لي تحقيق مكثف البت دي وراءها محن أكثر.
مفروض يجيبوا ليها عربية ذي العربية الشالوها بيها ويشوفو كيف بتخرج من الشباك
وايضا يعرضوها على طبيب نفسي
طبعاً المعلقين ما خلوا حاجة … وفعلاً هي غير مخطوفة لأنو لو كانت مخطوفة كانت شهر ما بتكون مركزة … وبعدين هي نطت من الشباك طيب خليها تورينا ظلطة في إيدها ولا رجلها من آثار الوقعة ولا وقعت ليها في مرتبة .
وكلام أخونا البقول حقوا الشرطة تملك الحقائق للناس مفروض الشرطة تملك الحقائق للناس مش عشان شخص واحد تخلوا عشرين مليون عايشين في أوهام الخطف وخلافه … فقه السترة صاح واجب … لكن الأمن أهم من السترة وخلافه .. عشان ما يجي أي زول يختلق قصة خطف وهو يكون في مكان ثاني … وأهو الحمدلله بت دار السلام لقوها … أها من يوم الأربعاء كانت وين .. نحن الشرطة عارفينها شرطة تمام وماسكة الأمن تمام … وربنا يديهم الصحة والعافية … لكن برضوا تمليك الحقائق للمواطنين مهم ..
استروها يا ناس، الله يستر عروضكم.