سياسية
وزير الدولة بوزارة الاتصالات يصل جنيف ليرأس وفد السودان لمؤتمر قمة المعلوماتية العالمي
وصل السيد ابراهيم الميرغني وزير الدولة بوزارة الاتصالات وتكنولوجيا المعلومات الى سويسرا يوم الاحد ليرأس وفد السودان لمؤتمر قمة المعلوماتية العالمي الذى ينعقد بمدينة جنيف فى الفتره من12 الى15 يونيو الجاري.
وتعتبر هذه اول زيارة رسمية للخارج يقوم بها الوزير بعد توليه منصبه فى الحكومة الجديدة.
اوضح د.مصطفى عثمان اسماعيل سفير السودان لدى سويسرا ومندوب السودان الدائم لدى الامم المتحدة بجنيف ان اهمية المؤتمر تاتى من انعقاده بعد رفع العقوبات الامريكيه على السودان فى يناير الماضى مما سيتيح الفرصة لقطاع الاتصالات فى السودان من الاستفادة من فرص نقل التكنولوجيا والمعلومات من مختلف انحاء العالم .كما سيلتقي الوزير بعدد من رصفائه فى الدول المختلفة..
سونا
اها خلاص بديتو سفر واستنزاف لي خزينة السجم الفاضية دي ؟؟؟؟؟
اسالكم بالله
اين نحن واين التكنلوجيا التي تشاركون في مؤتمراتها
يا وزير الاتصالات حتي خطوط ارضية ماف
وتشارك في مؤتمر معبوماتيه
والله الظاهر النثريات هي السبب
ياناس الشاب دا عمره كم سنه ؟ مؤهلاته الاكاديمية جامعى فوق للجامعى ولا فقط حاصل على البورد الميرغنى اقسم بالله لو كان هذا هو المؤهل بتاعه السودان منه العوض وعليه العوض يا اهل العوض نحن الشعب المهروس ما عندنا اى دور فى الحياة السياسية ياجماعة ما ممكن شاب عمرة اقل من 35 سنة بدون مؤهلات اكاديمية معروفة يمثل ليه 35 مليون نسمةفى مؤتمر علمى معقد جدا هو محمد الحسن الميرغنى مساعد الرئيس قال وظيفة فى رئاسة الجمهورية انه مسئول وحارس لى قاعة الصداقة طيب الشاب دا ما تشوفوا ليه حاجة فى الخرطوم تقعدوه فيها تقعدوا كلكم فى النار انشاءالله
والله لا يلام إلا الشعب طالما وقتنا بقى في الواتس والجبنات والحوامة وكتر الكلام بدون مواقف تخلي الحكومة تعرف اننا بنرفض البهدلة الحاصلة دي والملام الثاني هو الإعلام الفاشل سوى كان صحف او اذاعات او قنوات فضائية كلها شعر بطانة وشعر زفت وغناء وهبل. أما الملام الأخير هو السيدان الرئيس ورئيس الوزراء الما تحس ليهم بأي وجود في أي قرار يخدم المواطن أو مستقبل اقتصاد البلد. دمتم.