اعتداء ضابط برتبة «نقيب» على طبيب بمستشفى أم درمان

الصلف والعنجهيه والكبر والغرور تجده عند كل جاهل حتي وجدت يوما غفير نظر الي نظرة ما اظن حتي البشير سوف يفعلها …فتبسمت له في بلاهة … فنجوت من نظراته المحتقرة لكل طالپ او سائل عن مسالة …المهم رحم الله امري عرف قدر نفسه وعافانا الله من الامراض والاوهام النفسيه

الاعتداء علي اي موظف اثناء تأدية عمله جريمة يعاقب عليها القانون . لكن يا اطباء مش حقو تدرسوا حكاية الاعتداءات المتكررة عليكم دي شنو ؟؟؟ مش حقو تعملوا تحقيق داخلي كدة تشوفوا شنو البخلي الاطباء كائنات مستفزة للناس وتتعالي علي المرضي ومرافقيهم مما يدفعهم للاعتداء عليهم ؟؟ ليه الطبيب السوداني شاعر انو كائن غير بشري ويتعامل مع الخلق بفوقية وتعالي ؟؟ الغريبة تكون دافع قروشك وفي عيادة خاصة ويتعالي عليك . يعني انت بتصرف عليهو وعلي عيالو وبعد كده يكلمك من طرف مناخيرو . ويا ويلك لو احتجيت . تسمع انت عاوز توريني شغلي ؟ وانت بتفهم احسن مني ؟ دا البجيب ليكم الدق

طبعا واجب الاطباء في السودان يشوف المريض ويدي العلاج ويجيب الدم ويشوف السرير للعيان لو في العنبر او العنايه ويتشاكل مع مدير المستشفي او اي مسؤل بالمختصر مافي بيئه صحيه بالرعايه بالانسان ورغم ذلك الطبيب موجود ولابد ان يتم الخطا تحت هذه الظروف امشي المرور او الجوازات او السجل المدني او اي مصلحه حكوميه شوف فيها مشاكل وتفلتات مع انو مافي خدمه تليق بالانسان فلايوجد كما يحدث للاطباء السبب معروف للاسف اصبحنا من شعب لاهويه له ولا اخلاق لاننا نحتقر الاطباء والمعلمين والطبقه التي تقود المجتمع واصبحو يقودوننا لصوص وحراميه دمرو البلاد اقتصاديا واجتماعيا واخلاقيا