وضع رجل الأعمال ورئيس نادي الهلال الدكتور اشرف سيد احمد الكاردينال حجر الأساس لمستشفي الكاردينال لعلاج أمراض الكلي بجنوب السودان والذي يستغرق إكماله وافتتاحه مائه وعشرين يوما،، متزامنا مع أعياد استقلال دوله الجنوب.
وأكد رئيس نادي الهلال في الاحتفال الضخم الذي رصده محرر موقع النيلين وانتهي نهار الأربعاء بحضور نائب رئيس دوله الجنوب ووزير الصحة أن كافه معدات المستشفي ومعاملها وصيدلياتها ستصل من ألمانيا بتكلفة بلغت 2 مليون دولار ونصف إكراماً لشعب الجنوب وتعاونه الراقي وثقته في الكاردينال وشركاته والتي بموجبها زادت أمواله وتوسعت تجارته.
من جانبه شكر أهل الجنوب الكاردينال علي ما قدمه لهم بكرم فياض يعمق العلاقات بين البلدين ويوثق لاستمراريتها.
ياسين الشيخ _ الخرطوم
النيلين
الزاد كان ما كفي أهل البيت يحرم عى الجيران
نقول شنو ، الله يقدرنا على خشمنا !!!!!!
على اي حال جزاك الله خير
هل يعرف هذا الرجل معنى كلمة كاردينال؟ ؟؟؟
طبعا الجنوبيون يعرفونها جيدا لأنهم يتعلمونها في الكنيسة ولذلك هم سعداء بهذا الاسم لأن له دلالة دينية تناسبهم.
غباء وجهل الشماليين
الجنوب بس طواقي وبدل وحروب تاني مافي شيييي هاها
الأقربون أولى بالمعروف ، هناك من أقرباء هذا الكاردينال ناهيك عن الشعب السوداني محتاجين لمن يساعدهم ويقف معاهم لكن لا جول ولا قوة إلا بالله . المال الذي يأتي بالطرق الملتوية يذهب بهذه الطريقة . لا خير فيه .
يستاهلون اهل الجنوب لأنهم احق بمثل هذه الخدمات لأن الشمال يعاني خصوصاً من مستشفيات الكلي وأن يفتتح مستشفي في الجنوب فهذا قد يخفف من معانات هؤلاء ايضاً وفي الاخر هذا عمل إنسانة بمثل ماتفعل المنظمات العربية مع السودان
وأما قصة الاسم الكاردنال فهنا تكمن الخطورة وهنالك روايات عديدة ولكن اخطرها تقول بأن اموال هذا الرجل تعود للحركة الشعبية وبعض الكنائس لذلك معظم استثمارات الكاردنال بالخارج
والله اعلم
لا احد يلومه ولكن اليس من الانسب ان يقيم اشياء ايضا وفاءا للسودان الذي ولدته وجعله سودنيا
قطره فى بحر .. المستشفى ده حايكون شغال 48 ساعه فى اليوم …
لانو المصافى كلها حاتكون مضروبه من السنه المضروبه …
على كل ده بيكون لحسه .. من اللغف الانته لاغفو منهم … عالم وهم …
قال حجر ( اللحاس ) اقصد الاساس …. قال
الرجل حر فى يبنى في أى مكان يراه مناسب طالما لدي الرجل استثمارات فى الجنوب من الواجب أن يقدم خدمات وهذا عمل انسانى وشكرا للكاردينال والرجل قدم كثير من ماله فى المستشفيات والأعمال الخيرية داخل السودان نتمنى لك مزيدًا من الثورة والتوفيق
أحمدو الرب هو الذى أعطى وهو الذى يغسل القلوب الصدءة المتهالكة ……ان عرفتم من اين تلك الاموال لالجمتكم السكرة وقتلك الغبن الدفين ……قولو قولا خسنا او لتصمتو يا سودانى مغبون ومنعول …..والاغبش وعوض وابو محمد وابو احمد المريضين …هل انتم مسلمون ؟؟؟؟؟؟؟ اتركونا فى حالنا ونخن الحمد لله قادمون بثبات
أتركونا في حالنا !!
انتي اللي جابك هنا شنو ؟؟
الكاردينال حر في قروشه … بس أكيد هو ما عمل المستشفى عشان (سواد !!) عيونكم !
و المعلقين اللي طالبوه بانشاء مستشفى في منطقة أهله معاهم حق … الكاردينال رباطابي، و ابو حمد عاصمة الرباطاب … هل تفقد الكاردينال منطقة أبو حمد ليعرف احتياجاتها الصحية، أو ليس المنطقة تحتاج للخدمات أكثر من جوبا !!
ما قلنا حاجة، يبنى في جوبا، بس ما ينسى أهله … الأقربون أولى بالمعروف ..
قادمون بثبات !! هاك الحرب الأهلية الطاحنة دي !!
انجلينا … أختينا !!
حاجة تفرح والله لو الشمال من زمااااان بعمل كدة ما كان جنوبنا الحبيب انفصل.
دا راجل طيب خالص .. قرّط علي كدا .
حاجة تفرح والله لو الشمال من زمااااان بعمل كدة ما كان جنوبنا الحبيب انفصل ياريت لو دة انا.
افتتاح
تانى وضع حجر اساس
فى فرق يا شباب فى العبارات عنوان بجهة .. وتفاصيل خبر من جهة تانية ..
دا اسمو اعلام يا مرسى …
ما شاء الله تعالى
ربنا يوسع عليه
عليك الله يا انجلينا ما تفقعي مرارتي وانجلي مننا من هنا… نحن ما قاعدين نمشي ننخس في حاجاتكم و ندخل و نشمشم في اموركم.. امشي اتلمي علي ناسك وانحلي مننا….
اها دا كوم انجلينا….
نجي نشوف كوم الكاردينال…
مع اني لا اطيق هذا الرجل و مع كل القيل والقال حوله الا انه قام بعمل جيد وانساني ومفيد لمواطني دوله جنوب السودان.. حتما له مصالحه وهو ادري بها..