بروف شريف: المسافر السودانى يجسد الفوضى فى أسمى معانيها ولا يحترم القوانين والاعراف

والله فعلا شي مخزي ومهين في حقنا كسودانين وهي حقيقه نعترف بها في دواخلنا فقط وكلامك كلو صحيح. فوضي واستهتار بالقوانين وسلامه الاخرين وتصرفات همجيه. ومنها عفويه. عندي موقف حضرته بام عيني في احدي مطارات الدول العربيه وتحديدا جهه القدوم عند البوابه في انتظار القادمين محموعه من الاطفال السودانين فقط يلعبون ويصرخون امام البوابه بي صوره فظيعه واهاليهم ينظرون اليهم دون مباله ومراعاه للاخرين وعندما تكلم واحد من الاخوه وقال لهم ( يلا من هنا ماتقيفو جنب الباب امشو لي امهاتكم ) رد عليه احد الاباء بكب بروووووود ( ياخي ديل اطفال ياخ خليهم يلعبو ) ورد عليه الاخر ياخي ده ماتصرف حضاري ولبببببببلبلبلبللبببب ووك كروووررووك ولو لا تدخلنا انا واحد الاخوه لحصل تشابك بالايدي وفي داخلي انا شخصيا كنت اتمني ان اضرب كل اب واطفاله علي هذا التصرف بالعنج لانهم هم وابناهم اطفال بتصرفاتهم. ولكن حنذيد الطين بله ونخلي الناس تسخر مننا. ( ياخي ماتخلي عندك زووق وخلي اطفالك في البيت انت ماطالع نزهه عشان تجيب البيت كلو معاك ولا عشان في ناس فعلا ثقافه المطارات جديده عليهم وكانها حاجه كبيره تلقي الواحد مخلوع يوري العالم كلو انا ماشي المطار الساعه كدا بصل الساعه كدا المطار نحنا حنستناك طائرتك بتصل كم عشان نجيك ياخي ماتسيبكم من الوهم الانتو فيو دا واعلمو انو نحنا في زمن انتهت فيو الحاجات دي الليله في بيت كل سوداني تلقي واحد مغترب او اتنين او بسافر رحله عمل او تجاره او غيرو ياخي اذا انت مسافر (( قد امشي براك المطار او معاك شخص واحد يساعدك اذا عندك عفش كتير واذا ماشي تستقبل ليك شخص بنتك او ولدك او اخوك امشي براك ياخ بدل معذب البيت كلو خاميو معاك وتلقي عيونهم وارمه من السهر واتلفتو زي الرادارات يعاينو ويعلقو في الجاي والماشي )) وايضا لي سلامتهم ياخ في ناس ماشين يستقبلو بنتهم العائله كلها ماشه عملو حادث نصهم ليهم الرحمه والباقي مكسر راقد في البيت في شارع المطار.. الله المستعان عارفين كلامنا ماحيغير شي وحتلقي الحال في حالو لانو نحنا شعب عنيد ومابنختنع بي حاجه وزي ماقال واحد من اصدقائي (( نحن شعب الله المختار )) لكن بقول ليكم الله يهديكم يابني وطني .. ومع ذلك برضو انتو اهلنا وحبايبنا ((وكيفن يكون الحال لو ماكنت سوداني)) .

قبل فترة ونحن قادمين الى السودان عن طريق دبى ونحن فى انتظار اخد تذكرة الصعود للطائرة جاء 3 سودانيين شباب ورفضوا الإنتظار وافتعلوا بعض المشاكل مع الواقفين فى الصف وأدى ذلك لتأخرنا بعض الوقت وعند صعود الباص المؤدى للطائرة افتعلوا مشكلة أخرى وبعد صعودنا للطائرة إفتعلوا مشكلة ولم يلتزموا بالمقاعد المخصصة لهم وكان صوتهم عالى وإتضح بعد ذلك أنهم سكارى حتى أن أحدهم إستفرغ فى الأرض. وجاء عمال لينظفوا المكان وإستبدال الراكب المجاور له بمكان آخر ، ثم أفتعال مشكلة مع المضيفة وتم تأخير الرحلة أكثر من ساعة ونصف حتى جاء رجال شرطة أمن المطار وأنزلوا الشباب السكرانين وأضطروا لإنزال كل العفش من الطائرة حتى يتعرفوا على أمتعتهم لأنهم رفضوا ان يفصحوا عن الحقائب التى شحنوها.

اعجبني الاتفاق علي ان هناك مشكلة …. الحل في التربية … فمن شابه اباه ما ظلم … عن تجربة شخصية فان ابنك او ابنتك تحاكيك في كل شيئ … بالامس وانا اقود سيارتي وبجانبي ابني فتحت الزجاج وبصقت بدون تفكير فما كان من ابني الا ان طلب مني ان فتح له النافذة فحينما سالته لماذا قال لي اريد ان ابصق مثلك فقلت له انا غلطان وما حا اعمل كدة تاني فقال لي طيب خلاص انا برضو ما عايز ابصق لكن ابصق وين لو انا في السيارة فقلت له خذ منديل وابصق فيه وعندما نصل لمكان به سلة قمامة سنرميه فاستجاب بسهولة…. والحمد لله علي اعترافي له بغلطي لاني شعرت باني علمته سلوكا جيدا …. واحذركم اخواني واخواتي من الكذب علي الاطفال بحجة تمشية الموضوع وهذه الظاهرة تنمي في الاطفال الغش والكذب وفقدان الثقة و ذنبهم عليك

كنا في زيارة لاحد اقاربنا واثناء الزيارة ونحن نتبادل الاحاديث قالت زوجة قريبي لابني انها ستعطيه هدية حين نغادرهم من باب الملاطفة للصغار ولكنها لم تكن تعني ما تقول واسترسلنا في الحديث ونسينا الكلام وحين مغادرتنا طلب ابني منها الهدية التي وعدته بها فقالت له المرة الجاية لما تجونا… وهنا انفجر ابني بالبكاء وظل يقول كلاما علي فطرته البريئة انها كذابة وليس عندها هدية وطيبت خاطره واشتريت له هدية بسيطة وارضته … وانا لا الومها لانها قالت كلامها بحسن نية … ولكن الفائدة هنا ان الكذب علي الاطفال بحسن نية او بسوء نية يغرس في الطفل سلوك غير جيد ويكبر معه … فيا اخواني واخواتي يجب عليكم تربية ابناءكم علي السلوك الحسن والاخلاق الحميدة والتصرفات السليمة حتي يتم بناء مجتمع سليم ولا تستعجلوا النتائج
ومشكورين