الدقير يتمسك بالاستقالة عن مناصبه التنفيذية والحزبية
تمسك الأمين العام للحزب الاتحادي الديمقراطي، جلال يوسف الدقير، بعدم التراجع عن الاستقالة أو عن تغيير موقفه تجاه ترك مناصبه التنفيذية أو الحزبية، وقال لـ (اس ام سي) إنه ذاهب لتلقي العلاج بلندن، ثم العودة لمناقشة الترتيبات النهائية لانعقاد المؤتمر العام.
وقال نائب الأمين العام للحزب أحمد بلال، إن أمر استقالة الدقير التي تقدم بها خلال احتفال الحزب بالذكرى العاشرة لرحيل الشريف زين العابدين الهندي عشية الأحد، يحسمها المؤتمر العام باعتباره السلطة العليا في مناقشة الإجراءات والضوابط التنظيمية.
وأضاف وفقاً لـ (اس ام سي)، “نؤكد عدم قبول استقالة الدقير في ظل هذه الظروف التي يمر بها الحزب حالياً”، مبيناً أن الأمر يجب أن يترك حتى موعد انعقاد المؤتمر العام.
وكشف بلال عن عقد اجتماع خلال الساعات القليلة القادمة لحسم كثير من الأمور التنظيمية للحزب وكيفية إدارة المؤسسة الإتحادية خلال الفترة المقبلة، وتابع “الدقير باقٍ في منصبه مساعداً لرئيس الجمهورية”.
اس ام سي
والله الكيزان ديل ما في زول بيقدر عليهم شوفوا ياتو حزب مستقر كلهم مجهجهين وزرعوا فرقة بين قيادات الاحزاب واهلها وعشيرتها بل البيت الواحد شلعوه وخلو صقيرها حام .. عفييييت منكم
جلال الدقير الوحيد الكنا فاكرين ان حزبه مستقر دخلت مرة وشقت النص او لثلاث اقسام |.. الصادق قلعوا من ولده وخلوه لافي صينية .. والمسكين الميرغني بقي زي الطاشم لايسمع لا يشوف اولاد العموم في خصام .مباركالفاضل خلوه زي بوم الحلة البيكوركوا وراه العيال العوير اهو .. اما جماعة قريعتي راحت ديك ناس الحزب الشيوعي خلوهم زي المسلسل يتفرقوا بعد انتهاء تسجيل الحلقة وتاني يتلاقوا لحلقة جديدة وامس كان شنو ما هم عارفين ..
وحزب المؤتمر الشعبي بقيادة المافون والراحل خلو مكانه شيء مبهم وما يقدروا يتفقوا على زول جا على الحاج فرحان وقال ياكلها باردة لقى السم الزعاف هو السلطة
الحركة الشعبية عملت السبعة وذمتها وما خلت شيء اهو في الاخر عرمان يسترجى لقاء البشير ويمكن يحلم يجيبه مساعد رئيس ولو حصل معناها الحرب دورت بين الحركة الشعبية . وفي الافق القريب ارجح انشقاق عقار والعودة للسودان ولانه كان يوم من الايام من الحكومة ودا يمكن يسهل عملية استقرار في النيل الازرق لو عقار اعلن توبته ورجع .. تاني فضل منو .. ايوا ناس غازي صلاح الدين او جماعة الاصلاح الجماعة شافوا غازي عمل ليه ريشات نفخوه واغروه ينفصل ويعمل حزب اكل الطعم عمل الحزب وفجأة لقى نفسه في نص الظلط ومواصلات مافي البرجعه شنووو؟؟ الخطوة الجاية وين عارفين … امين حسن عمر وكومه هسي بينشق وينضم لناس الشعبي ويروح فيها يمين بالله الجماعة ديل شقاية تب ..
اها نشوف المؤسسات او الكيانات الحكومية الممكن تكون ازعاج .. السكة حديد اتحدى زول يعرف قبرها وين مش هي .. جامعة الخرطوم اصبروا لينا شوية وحات الله محلها دا الا يبقي حديقة زي كازينو الرياض .. اها تاني وين يا مخ مافي ايوا اتحادات العمال ونقابات العممال ,, فيكم زول يتذكر الاسماء دي .. هيييع عفيت منكم يمين ما ينقدروا عليهم ساكت الناس تجلبغ ..