تفاصيل هروب مشيعين بإحدى المقابر بالمناقل بعد تحرك جنازة المتوفى واستيقاظه وفاجأهم قائلاً: (أدوني موية)
فاجأ رجل مصلين على جنازته بإحدى مقابر مدينة المناقل بولاية الجزيرة، بتحريك أطرافه بطريقة أثارت الرعب قبل مواراته الثرى بدقائق، فأطلق عدد منهم ساقيهم للريح بينما ثبت آخرون وخلصوه من قيود الكفن، حيث تبين أنه دخل في غيبوبة تامة. ونقل شهود عيان لـ(المجهر) أن الرجل ينتمي لإحدى القبائل الوافدة على المدينة وتقطن بأحد الأحياء، وكان يعاني من بعض الأمراض فدخل (الجمعة) الماضية في غيبوبة تامة، ظن أهله أنه قد فارق الحياة، فأجروا اتصالاتهم ومن ثم أجروا مراسم الجنازة ثم استقبلوا التعازي من الجيران والمعارف. وأبان شهود العيان أنهم حفروا القبر وحملوا الجثمان في (العنقريب) وتوجهوا ناحية المقابر، وعند وصولهم تأهب المشيعون للصلاة وبعد إقامتها رأى مصلو الصف الأمامي أن الجنازة تتحرك بطريقة واضحة، الأمر الذي دفع بعضهم لاستطلاع الأمر من قرب في وقت غادر فيه البعض الآخر المقابر، بينما وقف آخرون على الجنازة وخلصوا الرجل من قيود الكفن ففاجأهم قائلاً: (أدوني موية). وأوضح شهود العيان أنهم أسرعوا به ناحية المستشفى، فأكد الطبيب أنه كان قد دخل في غيبوبة تامة ولم يفارق الحياة.
المجهر السياسي
(عند وصولهم تأهب المشيعون للصلاة وبعد إقامتها )
هههههههههههههههههه
ده شنو يا الهندي؟
أنا محتار في الجماعة الذين ولوا مدبرين !!
عفوووو …ووييين أسد الكداد …وأخويا الما بنقدر
هو الراجل لسه ما اندفن …حيكون لحق بقى بعاتي ؟ !
دا على أساس موضوع البعاعيت ….وأبو حراز قد تكلم عن هذا الموضوع وأسهب في الشرح عما سماه بالصورة القمرية
ولا تسألوني فليس هذا تخصصي
والله فعلا أول مرة نسمع بإقامة لصلاة الجنازة!!!!!! حاجة عجيبة…..
بعد اقامتها…. اي بعد الدخول فيها فعلياً… اي وهم يأدونها
وليس المقصود الاقامة المعروفة التي فيها: قد قامت الصلاة قد قامت الصلاة
اللهم لاحول ولاقوة إلا بك ياربنا يالله لقد اجتمع الجهلاء وافتروا على الدين فهذا يقيم الصلاة على الجنازة وذاك يفتري على الله تعالى بالقول(العارف عزو مستريح) وربما تأتي البلاوي مستقبلا عافى الله الجميع من محن الزمان
كثير من موتي السودان دفنوا و هم أحياء … الزول ما يمهلوه كان جاتوا كومة سكر أو فقد الوعي يلحقوه ود اللحد سرييع و في ناس جاهزين للحفر و جري علي المقابر و الناس تكون مبسوطه بأن الميت دفنوا كان سريع و الجنازة كانت خفيفة .. صحيح أكرام الميت دفنه لكن تدفنوا و هو حي دي المشكلة . و الراجل ده لو ما فرفر كان مات خلعةو عدم هواء ..
السؤال المهم في كم واحد زي الراجل دا تم دفنه قبل أن يفيق من الغيبوبة
مرات كثيرة بطالب بأن لا يدفن أي شخص بدون شهادة وفاة من مستشفى معتمد و يوضح سبب الوفاة بالتفصيل و نجد بعض الناس عندما تغلط البنت و تحمل سفاحا يقومون بقتلها و تدفن دون الكشف عليها من الجهات الطبية و يقولون ماتت موتت الله
لازم يكون هناك مكتب ملحق بالمقابر لا يسمح بدفن أي شخص إلا بعد إصدار شهادة وفاة من الجهات المختصة و ترسل صورة لمكتب الشرطة
الكثيرين وخاصةً من اهل الريف دفنوا احياء وماتوا داخل قبورهم ، ومبررهم دائماً مقولة اكرام الميت دفنه ..
اكرام الميت دفنه
وهذا ما يحصل في السودان
لكن هل الميت ميت أصلا
صدقوني سرعة دفن الميت وخصوصا في قري الريف السودانيه بيكونو احياء ودفنو
تخيلو انو كان دفن هذا الشخص
اللهم استرنا فوق التراب وتحت التراب يارب
الطبيب
كشف الطبيب
شهادة الوفاة
تصريح الدفن؟
كشف الطبيب
شهادة الوفاة
تصريح الدفن؟
كشف الطبيب
شهادة الوفاة
تصريح الدفن؟
الناس احياء ومدفونين في السودان
فما بالك الميتين …. اعتقد هم ارتاحو رحمة الله لهم اجمعين
فما في فرق بين الحي والميت في السودان
عشان كدا نسأل الله حسن الخاتمه
والله ناس السودان يحيروك الواحد لو مات يستعجلوا في دفنه وما يدوهو فرصة يمكن ربنا سبحانه وتعالى يبث فيهو الروح،، أنا عاوز أعرف العجلة في شنو ؟؟؟كأن الميت دا طالب واحد من الجماعة المتعجلة لدفنه قروش وعاوز ينتهي منه بدري بدري.
((إكرام الميت دفنه) ليس نصاً لحديث شريف ولا لقاعدة فقهية وإنما هو قول من أقوال الفقهاء الذي أجمعوا على أن المراد الإسراع بتجهيز الجنازة إذا ظهرت علامات الموت …)
الشفقة تطير ، نص السودانيين ديل دفنوهم حيين ، الله يرحمهم جميعاً
بعدين الشايلين فيهو الجنازة دا ماعنقريب ….ياكضابين ..خخخخخ … داير اطلعكم من عالم الحزن !!!!