بالصور.. المريخ يسدد ضربة موجعة للهلال بضم نجم التسجيلات الضجة ألوك..ويتلقي ضمانات من إتحاد الكرة بصحة الإجراءات
قام فريق المريخ السوداني بضم لاعب مريخ كوستي الجنوب سوداني ألوك بعقد احتراف مدته 4 سنوات بحضور أعضاء مجلس إدارة نادي المريخ وأشرف علي إجراءات تسجيل اللاعب من إتحاد الكرة الأستاذ أسامة عطا المنان أمين خزانة الإتحاد.
وكان تسجيل اللاعب قد أثار ضجة كبيرة بعد صراع قطبي الكرة السودانية وأهلي شندي علي تسجيل اللاعب الذي وصف بالظاهرة ووصف بأنه نجم التسجيلات الحقيقي.
وكان مجلس إدارة نادي الهلال قد تحرك من أجل تحويل وجهة اللاعب من العرضة جنوب للعرضة شمال, حيث نجح في شراء بطاقة اللاعب من ناديه القديم الملكية جوبا.
ولكن بحسب ما ذكرت بعض المصادر الناشطة علي واقع التواصل الاجتماعي فقد تلقي المريخ ضمانات من قيادات بإتحاد الكرة تؤكد صحة إجراءات اللاعب الجنوبي.
وذكر قيادي بالاتحاد أن تسجيل اللاعب في كشوفات المريخ صحيحة مئة بالمائة لأن كرت اللاعب بحوزة إتحاد الكرة السوداني.
وأن الملكية لا يملك الحق في تسويق اللاعب لأن ألوك كان مقيداً في كشوفات الفريق الجنوبي كلاعب هاوي ولكن مريخ كوستي نجح في تسجيله كلاعب محترف.
ياسين الشيخ _ الخرطوم
النيلين
هههههه
والله ناس فارغه بشكل
هلال شنو ومريخ شنو
والله وجع قلب ساااااى
ضياع زمن وضياع قروش
هو منتخبكم راقد مديده
يااااالله اتخارج من منتخب الجنوب بضربات الترجيح حقيرتى بى بقيرتى
كلام رشاشات قطع شك يا برشام..
ال لاعب ضجه ال !!!!! مصيره مصير غيره دكة الاحتياط … لو كان لاعب ضجه ما كان لعب فى السودان … دا شغل سماسره ونفعنجيه عشان ارفعو السعر والمريخ شرب المقلب التانى بعد ان رفع الهلال سعر امير كمال … فنال منهم 3 مليارات … والوالى شاطر نفد بى جلده … وناس ونسى سيهربو بجلدهم …. والخزينه ما فيها ما يغطى المرتبات … وهردلك يا ضجه … الضجه ضجه اعلاميه …
ال لاعب ضجه ال !!!!! مصيره مصير غيره دكة الاحتياط … لو كان لاعب ضجه ما كان لعب فى السودان … دا شغل سماسره ونفعنجيه عشان ارفعو السعر والمريخ شرب المقلب التانى بعد ان رفع الهلال سعر امير كمال … فنال منهم 3 مليارات … والوالى شاطر نفد بى جلده … وناس ونسى سيهربو بجلدهم …. والخزينه ما فيها ما يغطى المرتبات … وهردلك يا ضجه … الضجه ضجه اعلاميه …
رغم ذلك الضجه غير سودانى واتحاد الجنوب خاطب الاتحاد بانه جنوب سودانى وليس سودانى … وىلا يالرابطه كوستى تحركوا فقضيتكم … ناجحه حتى لو تمشوا لوزان …. الاعب مسجل فى الفيفا بانه تابع لاتحاد جنوب السودان … ليس سودانيا من ابيياي .. وهى نفس مشكلة هلال كادوقلى المسكين الذى اعبروه مهزوما … صدقونى الموسم القادم مشاكله اكثر وحتشوفو خسارة اندية الممتاز الماديه بما فيها الهلال والمريخ لانه لن تكون هناك دعايه ولا اعلانات ولا نقل …. ويلا كل واحد اشوف ليه مصدر دخل بلا كوره بلا بطيخ
قلت الزول دا بعد ماخسر المعركة القانونية على بكري المدينة لجهله لم يتعظ!
ولم يتعلم أبدا بل خسر للمرة الثانية من الرزين الوالي بأن إشترى كرت لاعب هاوي!!!
بالمناسبة من أين أتى الكاردينال؟؟؟!.
ههههههه … ضجه ؟؟؟ والله الاكان ضجة جوه كفتيره … من انتم … من انتم ؟؟؟؟ هههههههههه.
الجنوب مافيه لاعب ضجه … اتير وجمعه جينارو هما اللاعبين الوحيدين بجنوب السودان الذين نالا اسما كلاعبين مميزين بحكم امكانياتهما والوك دا ما سمعنا بيه الا لما اختلف عليه الهلال والمريخ كعادتهما … فى الهلال مافى ليه مكانه وفى المريخ الموجود احسن منه وانا متبرع ليه ببطانيه وثيرمس شاي فى دكة الاحتياطى … وارجو من الهلال ان لا يضيع فلوسه فى شكاوى لاعب لم يلعب من قبل فى الخرطوم