رياضية
بالصورة.. وفي مشهد أبكي حارس منتخبنا الوطني.. لاعبو منتخب جنوب السودان يرددون النشيد الوطني السوداني كاملاً مع لاعبي منتخبنا
انهمر ﺍﻟﺤﺎﺭﺱ ﺍﻟﺪﻭﻟﻲ ﺯﻛﺮﻳﺎ ﺣﻴﺪﺭ ﻓﻲ ﻧﻮﺑﺔ ﻣﻦ ﺍﻟﺒﻜﺎﺀ ﻓﻲ ﻣﺒﺎﺭﺍﺓ ﻣﻨﺘﺨﺒﻨﺎ ﺍﻟﻮﻃﻨﻲ التاريخية ﺍﻟﺜﺎﻧﻴﺔ أمام ﻣﻨﺘﺨﺐ ﺟﻨﻮﺏ ﺍﻟﺴﻮﺩﺍﻥ ﻭﺍﻟﺘﻲ تأهل ﻣﻦ ﺧﻼﻟﻬﺎ ﻣﻨﺘﺨﺒﻨﺎ ﺍﻟﻮﻃﻨﻲ ﺍﻟﺴﻮﺩﺍﻧﻲ للمرحلة ﺍﻟﺜﺎﻧﻴﺔ ﻣﻦ ﺑﻄﻮﻟﺔ ﺳﻴﻜﺎﻓﺎ.
وبحسب ما ذكرت بعض صفحات مواقع التواصل المهتمة بأخبار الرياضة فقد حدث شي ﺍﺳﺘﻐﺮﺏ وتأثر له ﺍﻟﺠﻤﻴﻊ ﻭﻫﻮ ﻋﻨﺪ ﻋﺰﻑ ﺍﻟﻨﺸﻴﺪ ﺍﻟﻮﻃﻨﻲ ﻟﻠﻤﻨﺘﺨﺐ ﺍﻟﺴﻮﺩﺍﻧﻲ ﻛﺎﻥ ﻫﻨﺎﻙ ﺑﻌﺾ ﻣﻦ ﻻﻋﺒﻲ ﻣﻨﺘﺨﺐ ﺟﻨﻮﺏ ﺍﻟﺴﻮﺩﺍﻥ ﻣﻦ ﻏﻴﺮ أن ﻳﻨﺘﺒﻬﻮا أو يشعروا ﻭﺟﺪﻭا أنفسهم ﻳﺮﺩﺩﻭﻥ ﺍﻟﻨﺸﻴﺪ ﺍﻟﻮﻃﻨﻲ ﻟﻠﻤﻨﺘﺨﺐ ﺍﻟﺴﻮﺩﺍﻧﻲ.
ﻓﻲ ﻣﻮﻗﻒ تأثر ﺑﻪ ﻛﻞ ﻣﻦ ﻛﺎﻥ ﻓﻲ ﺍﻟﻤﻠﻌﺐ ﻭﻛﺎﻥ ﺯﻛﺮﻳﺎ ﺣﻴﺪﺭ أكثرهم تأثرا ﻋﻨﺪﻣﺎ ﺯﺭﻑ ﺍﻟﺪﻣﻮﻉ ﻭﺍﻧﻬﻤﺮ ﻓﻲ ﺍﻟﺒﻜﺎﺀ.
ياسين الشيخ _ الخرطوم
النيلين
جميعنا لا نملك إلا ان نزرف الدموع مثلك يا زكريا حيدر يا وطني يا غيور.
الانهمار يكون لسائل كالماء او المطر او الدمع .لكن انهمار الحارس دي كيف كمان . ؟؟ راجعوا الصياغة للصحفيين الفاقد التربوي ديل يا اخواننا
صيغة مبالغة
الجنوبيون ردوا نشيدنا الوطنى مش محبتن فينا وانما نيتهم بانو السودان دا كلو حقهم ونحنا البنردد معاهم اصحى يا بريش
يا خال محبتاً تكتب هكذا وليست محبتن …
يا ابو خالد محبة تكتب هكذا وليس محبتا
بوركت
يا aaa ههههههههههه والله قوية
تمام كده … الشردن خلهن .. اقرع الواقفات
جزاك الله خير اتضح مين الخال
دي اسمها الهجمة المرتده ………هههههههههههههههها …الراجل داير يصحح ..مالك هاجمو كدي ……
كيف انهمر بالبكاء؟؟
اسمها انخرط في البكاء ….( يعني بكى بشدة )
وبقولوا انهمرت دموعه ( يني سالت بغزارة )
والله المستعان
الذي جعلنا عطشانين والخرطوم بين نيلين،
الخلانا نفقد حلايب،
الخلانا نفقد الفشقة،
الخلانا نكاد نفقد أبيي،
الخلانا جيعانين ونملك اكبر مشروع يروى بالري الانسيابي في العالم،
الخلانا نستورد السكر ومصانعنا بتاعة السكر اكتر من عربات الوزير،
التعامل بالعاطفة والعفوية والعشواية’السايقة واصلة’،
الجنني..وخلاني أغني..
الذي جعلنا عطشانين والخرطوم بين نيلين،
الخلانا نفقد حلايب،
الخلانا نفقد الفشقة،
الخلانا نكاد نفقد أبيي،
الخلانا جيعانين ونملك اكبر مشروع يروى بالري الانسيابي في العالم،
الخلانا نستورد السكر ومصانعنا بتاعة السكر اكتر من عربات الوزير،
التعامل بالعاطفة والعفوية والعشواية’السايقة واصلة’،
الجنني..وخلاني أغني..!
رددوا .. يا .. ليل …
انا بكيت
ولا اكذب
القادة الجنوبيين هم الذين انفصلوا لان الانجليز هم من ضموا الجنوب للسودان ………… وللحقيقة انا مهتم بالقبائل الافريقية وعاداتها ويمكنك ان تدخل للنت او اليوتيوب لتري عادات قبائل الماساي في كينيا ستجد انهم الدينكا بنفس الغة والسحنة ..ان الجنوب افريقي كامل الدسم تابع ل كينيا واوغندا والانفصاال طبيعي ولكن من بكب قد بكي من اجل الذكريات او العشرة … وقد يبكي بعضهم أيضا لنفس السبب ولكن من حقهم ان يعودوا الي جذورهم عاداتهم والحياة التي يحيون … انهم مزيج مختلف تماما ويكيفي انهم تحملوا الانضمام الغير طبيعي كل هذا الزمن ………….
و أي قبيلة في السودان تشبه بقية القبائل ؟
هل الضناقلة يشبهون العركيين ؟
هل الفور يشبهون الحسانية ؟
هل النوبة يشبهون البجا ؟
الماساي يشبهون الجعليين أكثر من الشلك ، و الزاندي يشبهون المحس أكثر من النوير ..
الناس في البلد دي مختلفين في كل شيء ، و غالبهم لا يشتركون إلا في الدين و قليل من اللغة العربية و قليل من حب التراب الذي قتله العطش .
عدم نجاحنا في إدارة التنوع ده مسبة للشمال أولا ثم الجنوب ..
لازم نعود ..
القصد الشبه في الطبع والسلوك يعني تشابه في العادات والتقاليد
الى شعب وحكومة السودان الشقيق كنتم قد نجحتم بامتياز فى توحيد وتجميع الامة العربية في مؤتمر الخرطوم الشهير 29 اغسطس – 1 سبتمبر 1967 واليوم – ديسمبر 2015 – الا تستطيعون ان تنجحوا فى توحيد وتجميع الامة السودانية ذاتها ؟ اقول هذا بمناسبة مبارة السودان وجنوب السودان التى جرت مؤخرا وايضا بمناسبة كتابتى عن مؤتمر الخرطوم الشهير هذا ……………حسام علىحسن 3 ديسمبر 2015
تعليقك جميل ومنطقي جدا يا اوباما .والزول البكي دا قولوا ليهو أمشي عيش وسط الأخوان الجنوبيين ديل ولو قبل مشي ح يحس بأنة غريب لأنة عاداتهم تختلف كليا عن عاداتنا.
عشان كدا الناس تكون جادة وتسيبنا من حكاية الانفصال دي ما يقعدوا كل مرة يجيبوا السيرة دي. وخلونا في همومنا من فساد ومفسدين.