مبارك البلال : ماترسلوها لغير السوداني عشان ما تفضحونا!
بعنوان (ما ترسلوها لغيرالسوداني عشان ما تفضحونا) وبدلا من استخدام الوسائط التقنية فيما يفيد من واتساب وفيس بوك وغيرها لتداول المعلومات والتاريخ الجميل والامثال السودانية ذات المثل والاخلاق الفاضلة ، نجد بكل اسف هذه الرسائل القبيحة التي تقلل من قيمة المواطن السوداني الذي اشتهر بالكرم والامانة والعفة .. واذكر في احدي المرات علي ظهر سفينة بها برنامج ترفيهي بها عدد من الجنسيات العربية وفجأة قام رجل اعمال خليجي مخلوع من الدنيا بنثر كمية من الدولارات داخل السفينة فتهافت علي جمعها كل ركاب السفينة وطاقمها ، عدا نحن السودانيين وعددنا كان قرابة العشرة وحتي الاطفال رفضوا إذلال الخليجي الاهبل الذي كان يوزع الابتسامات يمين شمال وزوجته المنقبة اخر انبساط . وبكل اسف مثل هذه الرسائل موجودة في موبايلات اجانب ووجدت حظها من الانتشار وانا اعيد نشرها ليس من اجل الترويج، ولكن من اجل ان نتقي الله في انفسنا.
أدعية لن تجدها اﻻ في السودان:-
دعاء اﻻستيقاظ:
{قوم تقوم قيامتك
دعاء الأكل:
{أكل تاكل السم اليهريك
دعاء الخروج من البيت:
{مارق مالك؟ تمرق روحك
دعاء الدخول للبيت:
{جيت يا صايع؟ تجيك حمي.
دعاء الكلام :
{إتلهي وأسكت سكت حسك
دعاء النوم:
{إتندل نوم نامت عليك حيطة
دعاء البرد:
{بردان من شنو البرد الينفخك
{دعاء القعاد: اقعد تقعد في النار
{دعاء العض: عاضي البت دي ليه عضتك عقرب
دعاء الحمير:
{بتحمر لي مالك يحمروك في الزيت
دعاء السكات:
{ساكت مالك سكاك البعاتي
دعاء المعاينة:
{عاين لي كويس عينك بالعود
{ما تقول لي شنو شنينة ام قرينات
دعاء الصلاة :
{ قوم صلي الصلعة المقابلة الحر (حلوة دي مش؟)
دعاء المشي:
{امشي بسرعة تمشي في الشوك
دعاء الطرد:
{قطر عجيب يودي ما يجيب (Oneway ticket)
{ينادوك تقول نعم ..يقولوا ليك النعامة التزوزى بيك
دعاء القراية :
{امش اقرا قر ينفخك.
{وانتوا ليه بتضحكوا ؟ تضحكوا بلا سنون..
: السوداني ياهو هو ذلك الشيء الخرافي في تصرفاته.
{ إذا مشى يشتري قلم يشخبط على أقرب ورقة عشان يجرب .. وبعدين يأخذ قلم ثاني عشان دا مستعمل.
{ نسأل الله السلامة.
{ ما زال السوداني إذا شم ريحة غريبة في السيارة ؛ يوطي صوت المسجل عشان يشم كويس ..!
{ عزيزي السوداني المحترم : ليه إذا شفت ليك واحد عندو نفس نوع عربيتك لازم تشوف وشو !!
يعني بيشبهك؟ وللا يمكن تطلع انت مثلا ؟
{ السوداني اذا كمّل الصابونة يلصقها في التانية..
ولو كمل الشامبو بزيدو موية ..
اذا خلصت علبة اللبن بعملها برطمانية…
اذا خلصت عبوة الجبنة الكرافت القزازة بيغسلها ويحولها كباية… واذا خربت الفنيلة الداخلية بعملوها ممسحة..
{ اكياس السوبر الدعاية بتاعة السوبر ماركت بطبقا تحت لحافو …ما في واحد محافظ على البيئة زي السوداني كل شغلة بنعمل ليها اعادة تدوير..
{ اي زول اول ما يفتح الآيس كريم يلحس الغطا كويس التقول كاتبين ليهو من ضمن التعليمات (يرجى لحس الغطاء)
{ (ما ترسلوها لغير السوداني عشان ما تفضحونا)
(( وفجأة قام رجل اعمال خليجي مخلوع من الدنيا بنثر كمية من الدولارات داخل السفينة )) , مخلوع من الدنيا دي ممكن زول يفهما لي لو سمحتم ؟ .
و فجأة دي كيف و هو في برنامج ترفيهي و الناس مهيصة ؟ و داخل السفينة دي يعني جوة المكنة و المحركات مع انو كنتو كلكم (( فوق ظهر السفينة )) ؟
شوف ليك شغلة يا بلال و اقترح دكان سعوط .
عرفته ليهو ههههههههههههههههههههههههههههههههههههههههههههههههههههههههههههههههههههههههههه
اهبل كائن مبارك البلال