إلحاق هيثم مصطفى وطمبل والسعودي بالمنتخب

كده صح وان شاء الله يتم طرد المدرب ومعه شداد ويعود مازدا ونرجوا من الاخوه الهلالاب واقلامهم ان تترك المنتخب مع مازدا وان تعلم الايادى الزرقاء انو مازدا ده ابن البلد وسوداني اصيل وبلاش من التعصب الرياضي ويجب علينا الان ان نطرد شداد والمدرب الانجليزى فورا من دون رجعه والله لو طار شداد سوف اذبح عجل كرامه لله

والله العظيم وبكل صراحة كلنا قلبا وغالبا مع مازدا (برغم أني هلالابي ) أقولها بكل صدق والله مازدا دا الشغل الإشتغلوا مع المنتخب مافي زول غيرو بقدر عليهو

وخلونا من الأرعن العندو نقص وجايي يتموا في لعيبتنا المساكين هم اللعيبا يلقوها من الإتحاد ولا من المدرب الأجنبي(قروش مافي وكمان أوامر) الله يصقط حجروا المدرب دا والله الزول دا مما شفتوا كرهتوا والله دا يعمل نكسة كروية للسودان لو الموضوع دا ما إتلحق ……….

لكن والله المدرب دا لو جاء راجع السودان بعد غبينة الجمهور دا عليهو الا يطير علشان كدا أخير يطير أهلوا من هناك ومادايرين وشوا دا

وياناس الإتحاد شوفوا لينا حل لي المشكلة دي ولا بنحلها حماقة ساكت وإنتو عارفين حماقة جمهور السودان الكسرت حافلات اللعيبة لمن منعوهم من التمرين ……

انا لست من دعاة الشغب وما الي ذلك لكن محب الي وطني ,,,,,,, والمدرب دا كان ماشالوهو والله أقولا بالفم المليان بنتفضح كرويا …………

وياجماعة خلاص فاض بينا الكيل ………………………………………

انا هلالابى واقول بان مازدا اصلح من يقود المنتخب والجهاز الفنى السابق وكان ممكن يحقق شئ لو اعطى الفرصه مره تانيه وحتى الان ممكن نلحق ما تبقى ونضيف مازدا للجهاز الفنى باسرع ما يمكن

شداد يصرح بان كل الصلاحيات للمدرب حسب الاتفاق وبعد الفضائح مع تونس وشباب ليبيا والظاهر والله اعلم صحصح من النوم وحس بان الخطر قادم لا محال ونحن لو استمرينا على هذا المنوال سوف ناخذ اقل من الدستة بهدف او اثنين من السناجب المتطور .
وسوف الفت نظر الاتحاد بشىء ممكن يكون خفى عليه اعتقد والله اعلم بان المدرب استيفن لم يعجبه السودان وقرر ان يتعامل مع اللاعبين بهذه الطريقة ويستبعد الجيد لكي يخسر السودان ولكي يتم الاستغناء عنه ويقبض باقي العقد كامل لمدة سنتين ومحتمل فوقها غرامة والمسكين مازدا كان متطوع ويعمل لصالح المنتخب بأجر زمزي وممكن جدا يكون بدون اجر يعني بلوشي والاتحاد دائماً يحب الملح .
😡 😡 😡 😡 😡 😡