سياسية
وزير الاستثمار يكشف عن قيام أول منطقة زراعية حرة على مستوي العالم
وفي تصريح (لسونا) قال وزير الاستثمار إن هنالك لجنة فنيه قامت بدراستها المشروع وهو في مراحله النهائية والذي يتم تنفيذه في مناطق محددة لتكون أول منطقة زراعية حرة في العالم وأنموذج للمناطق الزراعية الاخري في السودان .
وأكد د.مصطفى إن المناطق الحرة أصبحت هدف أساسي لتنمية الاقتصاد السودان بعد إن إجازة مجلس الوزراء قانون المناطق والأسواق الحرة ووضع إستراتيجيته وتكوين المجلس القومي للمناطق والأسواق الحرة برئاسة وزير الاستثمار ، كاشفاً عن الاتفاق لإقامة 6 مناطق حرة في مناطق جوار مع (ارتريا وإثيوبيا وجنوب السودان وتشاد وجمهورية مصر العربية ) بجانب التوقيع على عدد من الاتفاقيات للتعاون مشيرا إلى اتفاقية التعاون التي أجازها مجلس الوزراء مؤخرا مع تركيا والصين للمساهمة في تأهيل الكوادر والتدريب ووضع الهياكل الأساسية والبني التحتية المطلوبة للمناطق الحرة .
وأشاد وزير الاستثمار باتفاقية وزارة النفط مع المستثمرين الكندي والنيجيري للاستثمار مجال النفط لاستخراج البترول في منطقة (الراوات) والتي تعتبر من المناطق الواعدة بالموارد النفطية التي تشمل ولايات (النيل الأبيض وجنوب وغرب كردفان) مبيناً ان العمل سيبداء قريبا متوقعا إن يكون له عائد كبير ينعكس على الاقتصاد السوداني
سونا
خ.ي
هسي عليكم الله الاستثمار دا بستفيد المواطن منو شنو
غير خرت الاراضي من الغلابة المزارعين ، ودخلول مستثمرين ما معروف متين يفوتوا وهل الواطه تاني برجعوها بي الساهل وله السنة الاولى وتاني اعملوا اضان الحامل طرشة لا دفع قروش ولا تقدر تمشي على حقك
وكمان قروش الاستثمار دي بتكب في جيوب ناس معيينين ولي زاتوا مدخلين الغربةفي ارضنا
هسي الناس دي لو عدلت مشروع الجزيرة وقعدت في الواطة ما اي زول بزرع ، الطفش الناس من الزراعة عدم الموية والضرائب الكتيرة والتفنن في الجبايات والتجار لضرب المحاصيل عند الانتاج وعدم التخزين وتشجيع المزارعين
اهو الشعب كلوا انكبه في الخرطوم فاتح خشموا مصانع اتقفلت مزارع اشلعت سكه حديد انعدمت مصانع وقفت وبقيتوا تكوركوا مستثمر مستثمر
المستثمر اذكى مني ومنكم وماحصل في خصخصة الخطوط السودانية اكبر دليل الناس بتجي بي سنونه
الوزير الرمة ده كل مره يطلع لينا بكذبة….
وزير فااااااشل …