تهاني عوض: فسبكة الدكتورات يوم بتقتل ليها زول!!
وعيب منك تتظاهري بالرد على الموبايل والمريض قاعد قدامك.. !! وعيب منك لما تقومي من التربيزة وتشيلي موبايلك وتطلعي من المكتب وموبايلك جنب اضانك (نقنقنقنقنقنق).. من حقك تستخدمي الموبايل بس مش أثناء ساعات العمل الرسمية ..
ومش لحظة إستقبال المرضى .. وبعدين حقو تتعلمي تكوني (انسانة) وتتبسمي في وجه المريض .. وتتطيبي خاطرو بكلمات بسيطة (سلامات.. الف سلامة عليك..لالا بسيطة ما تخاف.. اجر وعافية .. شد حيلك ربنا يشفيك.. ).. وما تسالي المريض اسئلة مستعجلة ..اسمعيهو للاخر وما تقاطعيهو..
وخليك فاكرة إنو قدرة الناس على تحمُّل آلام المرض مختلفة من شخص لآخر.. وبدون شك الناس يختلفون في أمراضهم، وطريق شكواهم، وقدرتهم توصيل المعلومة.. وقدرتهم على تحمّل المرض، وطريقة تعبيرهم عن المرض، ودرجة وحدّة المرض… وبالتالي كل حالة تحتاج إلى معاملة (خاصة) تختلف عن الحالة الأخرى. فمعاملة الطفل المريض تختلف عن الشاب، وكلاهما يختلفان عن العجوز، كذلك تختلف معاملة الرجل عن المرأة… وهكذا.
ومافي داعي (للتكشيرة) وتقطيب الجبين وعبوس الوجه والتحدث بنبرات التأفف والزجر..وبعدين لو في ناس(عيانين) منتظرين وجاءك واحد حاول يذكرك بانو في ناس منتظرة مافي داعي تزعلي.. وتعكري دمك ومزاجك .. ومافي داعي للغضب و(النهير).. أصلا المريض لو ما محتاج ليك ما كان جاك.. واصلا لو الشغلة ما عاجباك اقعدي في بطن بيتكم وفسبكي زي ما عايزة ومافيش حد حيقول ليك ياختي تلت التلاتة كم؟!
تهاني عوض
جزاءك الله خير علي كلامك ونتمني كل الاطباء اتعاملوا بانسانية مع المرضي وغير المرضي
أصدق صوره عن شخصيه الطبيب السوداني في السودان أما خارج السودان فهو رعديد ومخلص ولكنه لا يستطيع تسويق نفسه كذلك إلا وسط الغلابه وأتمني أن يكون تعليق الأخت بدايه لنقد هذه الشخصيه المهزله
ههههه شكلو لمت فيك دكتورة ورتك النجوم عز الضهر لحدى ماجيتى كتبتى ههه