سياسية
إطلاق سراح الدكتورة مريم الصادق المهدي نائب رئيس حزب الأمة القومي بالسودان
وكانت د . مريم المهدي قد تم إعتقالها من قِبل جهاز الأمن والمخابرات في السودان بمطار العاصمة الخرطوم عقب وصولها من العاصمة الفنرنسية باريس حيث وقع حزبها اتفاقية تعاون مع الجبهة الثورية المسلحة المعارضة للنظام الحاكم في السودان .
سوداناس
علي الطلاق يا ناس الحكومة ما عندكم سالفة،البنية دي إنتوا عاملين ليها شنه ورنه.خلوها تروح وتجي ذي ما عاوزه. يعني حتعمل شنو؟؟؟؟ ((حتجيب الدب من ديله))
[SIZE=7][FONT=Arial]نحن ناقصين من أبوها تطلع لينا هي [/FONT][/SIZE]
لو كانت كل النساء مثالك لفضلت النساء على الرجال
اخوك اتوسط ليك؟؟؟ وشك وارم دقوك ولا اخوك حماهم؟؟؟ كيف اخوك مساعد الرئيس ويقولوا معتقله؟؟ يعني اخوك وابوك ينتموا للنظام والنظام اعتقلك يعني اخوك وابوك اعتقلوك اها دا كييييييف !!! يعنى نعتبرك مناضله مثلا؟؟؟؟ انتي وابوك واخوك مناضلين ومعارضه؟؟؟ منو القال ليكم الشعب دا سازج للدرجه دى؟؟؟؟ انتو مثلوا تمثيلكم لكن اعلموا جميعا ان كذبكم ما بيمشي على الشعب السودانى ونحنا كشعب مهمومين بالعيشه والمعيشه وبنتفرج فيكم وبنضحك الى حين .. قولوا كسرتوا شوكتنا وهمدتونا ودخلتونا فى علبنا لكن الله حى لا يقهر
لماذا اعتقلت ولماذا اطلق صراحها ؟ تخبت في كل شئ . متى ينصح حال بلادنا
خلاص خلصت المسرحية؟
قاعدين يمثلوا عليكم يا شعب عشان ينطوا فيها بعد الانقاذ
اخوها نائب الرئيس في الانقاذ وهي بعدما تسقط الانقاذ. والشعب يصدق
بلد ما فيها قانون ولافيها ناس انفذوا القوانين لك الله ياسودان لانها من عائلة معروفة والله لو كانت من اى عائلة اخرى غير عائلة الامام ماكان شافت الهواء لكن هذه البلد صارت تحكم بالعوائل وناس زعيط ومعيط ماليهم مكان فيها
طبعا مافي أي تفاصيل عن الاسباب والمبررات للاعتقال وللاطلاق وايضا بدون محاكمة هكذا هي امورنا تمشي بالمزاجيات والعنتريات .
حليلك يا بلد ترك فيك الانجليز سيادة للقانون وخدمة مدنية لا مثيل لها في دول العالم الثالث واذا ببنيك يردونك قرون .
صاح مافى داعى تعتقلوها بعد ماوقعت انتو زاتكم مع الجبهة الثورية!!!
هذا النوع من الاعتقالات الغبية التي يقوم بها الامنجية ليس فيها نفع الا صناعة بطل من المعتقل.
***قال الرسول صلى الله عليه وسلم في خطبة حجة الوداع “إن دماءكم وأموالكم وأعراضكم حرام عليكم ، كحرمة يومكم هذا، في شهركم هذا”
*** قال الله تعالى(ما للظالمين من حميم وَلا شفيع يطاع)صدق الله العظيم
وقال الله تعالى: (وما للظالمين من نصير)صدق الله العظيم
مريم حبسوها، مريم فكوها، الصادق حبسوهو ، الصادق فكوهو ، نحنا ما عندنا شغلة غير ال المهدي ولا شنو ، بعدين يا اخي خليهم برا يعني حيعملوا شنو ، والله الحبة ما يعملوها ، جعجعة ساي…
***أقدلي ..
وسكتي الخشامة
وانزلي في العواذل كي
***حكام آخر الزمان الذين يحكمون السودان بإسم الإنقاذ الوطني والتبعية والرجعية ، ضيعوا البلاد والعباد ، مختلين مسهوين بهيئتهم أذلوا رعيتهم وهان عليهم دينهم ، فأذلهم الله وهانوا عليه
الحكومة ما غبية و لا عبيطة دي سياسة متفقين عليها فيما بينهم أبوها مش كان معتقل قبل شهرين و لا ثلاثة و من ثم سافر للمعارضة دون إعتراض من الأمن أو الدولة و لماذا ظل أخوها في الحكومة رغم إعتقال والده ثم أخته هذه لعبة الحكومة عندها مصلحة في زراعة الصادق في المعارضة و حزب الأمه لديه مصلحة في تلميع أبناء الإمام و إظهارهم كأبطال مناضلين ضحوا من أجل الوطن و تم إعتقالهم عدة مرات ( لو لم يتم إعتقالها لم يكن ليسمع الكثيرون عنها )
يعلم الله أنك أشرف منهم جميعاً ، و أنبل منهم جميعاً ، و أشجع منهم جميعاً ، و حكومة تخاف من صوت المرأة لا خير فيها 0
[SIZE=5]يا مريم كفاية راعي الغنم عارف دا لعب ابوكي مشى باريس مبعوث من الحكومة وبقروش الحكومة وهسى عايش ففى الفنادق خمسة نجوم من قروش الشعب انتم ناس ففلستوا المناضل الشيخ فى السجن اليفكوة بس انتو قابضين ومشاركين فى السلطة خلوا الناس همهم وابلعوا ذى ما عاوزين[/SIZE]
فكو الصادق قبضو مريم مواضيع تصلح للصحافة لكن السودان ما يلقي من وراها سجم رمادو .