ناشط فيسبوكي يطالب الحكومة السودانية بزيادة اسعار الكهرباء ويلاقي سيل من التعليقات اللاذعة والهجوم العنيف من اصدقائه
وأضاف النعمان “تسعيرة الكهرباء الحالية من زمن الدولار يساوي حوال 2 جنيه سوداني فهل من المعقول أن تستطيع شركة الكهرباء من إستيراد الوقود والمعدات وبنك السودان والمالية لا يستطيعوا توفير الدولار !!!!”.
وكتب النعمان حسين على حسابه بموقع التواصل الإجتماعي “فيسبوك” (وزارة المالية أو الحكومة خائفين التسعيرة تزيد والناس تطلع مظاهرات !!!).
وتذمر النعمان من القطوعات المتكررة التي تشهدها أنحاء واسعة من السودان وتخوف من العودة للمربع الأول من إستخدام المولدات أمام المنازل والمحلات وما تسببه من إزعاج وإهدار للموارد.
وختم النعمان مناشدته حيث قال”أتركوا ناس الكهرباء يزيدوا التسعيرة زيادة معقولة تتماشي مع الأسعار في البلد عشان ما نفقد الكهرباء من أساسه”.
وواجه النعمان والحكومة هجوم عنيف من أصدقائه ومن أبرز التعليقات على الموضوع.
القاسمي القواسمة: قلت كدي تطير عيشتنا نحن يقشو فشلهم في ضهرنا كل مره
Moataz Almahdi: خليها تقطع مرة واحدة عشان الناس تصحا وتبقي مارقة مرقة واااحدة..تشتري العداد بقروشك ويكتب عليه ملك للهئية القومية للكهرباء ويؤجروه ليك بالشهر وأنت مشتريه بقروشك!! أستهبال غريب!!.
Sidig Sharif: انتو يا نعمان بدل الحلول الفطيرة دي ما تحلو عن سمانا ونرتاح من خلقكم ديز
Owis Ganem: نعمان المشكلة مشكلة صيانة ما مشكلة تعريفة والقروش عندهم
مشكلة السودان كلو مشكلة ادارة هسي مكنتين من سد مروي بره الخدمة وتلاتة من بحري برضو اما سنار والروصيرص فبره برضو.
ليرد عليهم النعمان
انا في بيتي في هولندا بصرف ربع استخدام اي منزل في السودان
بدفع ذي ٢١٠ يورو
وفي بيتي في كندا بدفع ذي ١٧٩ دولار وبرضو اقل استخدام للكهرباء
التعريفه الشغاله بيها الكهرباء دي
مدعومه وبلااااش
وعشان تتعمل صيانات دورية وتحافظ على الموجود وتتطورو لازم تتعدل التعريفة دي
ان شاء الله بعد داك تتعدل حسب الولايات الفقيرة تكون زيادة بسيطة
الزراعه تكون زيادة بسيطة
الأحياء داخل العاصمة يتم تصنيفها العادية زيادة بسيطة
درجة ثالثة تكون بي سعر اكتر شويه
درجه أولي وثانيه يكون عندهم تعريفة مختلفة.
الخرطوم: معتصم السر
اهلنا الكبار قالوا الشطه كان مجان ما بتحرق
يعنى الحكومه ترفع يدها و ناس الكهربا يختو تعريفه تجاريه مناسبه علشان نحن الزبائن نحاسبهم على التقصير
بعدين ياخون كده نبعد من السياسه و نشتغل شغل سوق و مدير الكهربا دى الجلابى بتاع الكهربا…. ياحاج كهربتك قاطعه هى يا ولدى مغطيه معاى عمشان تقطع ولا تتفلق
[COLOR=#FF002E][SIZE=5][FONT=Simplified Arabic]”انا في بيتي في هولندا بصرف ربع استخدام اي منزل في السودان
بدفع ذي 210 يورو
وفي بيتي في كندا بدفع ذي 179 دولار وبرضو اقل استخدام للكهرباء
التعريفه الشغاله بيها الكهرباء دي مدعومة”.
يا نعمان انت عارف تكلفة المعيشة كام في السودان مقارنة بالدخل؟؟؟؟
ياريت تجي تعيش في السودان وتجيب قروشك دي علشان تعرف انو الناس عايشين تحت حد الكفاف ” يعني يادوبك تأكل علشان ماتموت” رغم ما يدفعونه للحكومة من ضرائب وجبايات ما أنزل الله بها من سلطان، وبدون مقابل وبحجة أن ما تتكلفه الحكومة أكبر مما يدفعه محمد أحمد دا لوتعرف منو المقصود بمحمد أحمد.عجبي من بتاعين البسكوت الما بياكلوا اللحوم. علما بأن سوء ادارة الايرادات الهائلة هذه أدى الى ما تعانيه الدولة من بلاوي لانعدام التخطيط وكل قيادي ينفذ ما برأسه دون دراسة وتمحيص ودون الرجوع لذوي الاختصاص ودون ترتيب للأولويات[/FONT][/SIZE][/COLOR]
[B][SIZE=7]هو دا منو ذاتو ؟؟؟ بيتى فى هولندا وبيتى فى كندا وبيتى فى هونولولو[/SIZE][/B]
قال انا بصرف 210يورو في الكهرباء تلقاك شحات هسه
والله صحي فيس بوكي
[SIZE=4]يا جماعة ترا اللوتري واللجوء ديل بجيبن فايدة وبيوت بالكوم، دا غير شاليهات ماليبو بيتش وshopping دبيّ، واجازات جزر الكناري والماليف .. نحن اللي اتجوعلن ساكت وطلعنا بي قد القفة، وقلنا شئ فيهو فسيّح كلاب وبرود كدسة، عودنا فيهو عود مرة.[/SIZE]
ما عندنا مانع يزيدوها بس يمشوا هم في الاول.. و يجي زول امين نأمتنوا على قروشنا ما تمشي للمؤتمر الوطني
دخل المواطن السودانى من الكلاتب لا يساوى ما تدفعه كهربا فى هولندا
فمن باب اولى خلى الدوله تدفع مرتبات تساوى حتى ما تدفعه كهرباء فى هولندا وكندا يا عبيط
المقارنه الاقتصاديه السليمه هى بين دخل الفرد وما يصرف من خدمات وهنا فى السودان معدومه
و الله يا نعمان يااخوى فتحت على نفسك فتحة كبيرة خلاص ..
لكن للضمان كه اقول ليك .. فى هولندا اذا دفعت للكهرباء بتلاقى مقابل .. هنا عادى ممكن تدفع و بدون مقابل .. ممكن عادى تكون ساكل فى اوضة واحدة و لمبة ما عندك .. خلى تلاجة او مكيف .. و يدفعوك حق الكهرباء .. (( من مبداء انما الاعمال بالنيات )) و راتبك اساسا ما مكفى ايجار اوضة و مواصلات و علاج .. لانو الاكل و الشراب بقى رفاهيات لا يتميز بهب الكثيرين ..
كلو كوم ولا يقوم واحد ود حلااااااااااااااال صغنجروتى كده ياخد القروش دى كللللللللللللللها و يقوم يتحلل بعد داك
بكون ابوهو من الكيزان المبقبقين ومستثمرين في مجال الكهرباء بصورة مباشرة او غير مباشرة
او يمكن الحكاية كلها جس نبض للناس ولافي نعمان ولا يحزنون وناس الجهاز لقطوا ليهم صورة زول من جزر الكناري وعملوا بيها حساب في الفيس