إعتداء وحشي على الفنان احمد الصادق وفرقته الموسيقية بأمدرمان!!
تعرض الفنان الشاب احمد الصادق وفرقته الموسيقية لاعتداء عنيف من قبل مجموعة من طلاب احدى الجامعات العريقة عقب اسدال الستار على حفل التخرج الذي احياه على خشبة المسرح القومي بامدرمان مساء امس الاول ، ليصاب الفنان احمد الصادق واعضاء فرقته بجروح واصابات متباينة لزم على اثرها عدد منهم مستشفى امدرمان ، وشرع اعضاء الفرقة في اتخاذ اجراءات قانونية .. وتعرض فني الساوند هشام عثمان حسين الشهير بـ(زروق) لاصابات بالغة في الراس والرقبة ، والامر الذي جعله يفقد الوعي تماماً ، ولم يفق الا بالمستشفى ..وقال زروق انه تم القبض على الطلاب الذين قاموا بالاعتداء الوحشي عليه ، وانه رفض جميع الوساطات التي طالبته بالعفو ، مشيراً الي ان الامر لا يمكن ان يمر بهذه السهولة وينبغي للقانون ان يأخذ مجراه . وتعود تفاصيل حادثة الاعتداء على احمد الصادق وفرقته الموسيقية طبقاً لشهود عيان الي ان المغني الشاب رفض الصعود لخشبة المسرح وبداية الحفل مالم ير التصديق الذي يتم استخراجه من الجهات المختصة التزاماً بالإجراءات الرسمية لمتبعة . وبعد فاصل من النقاش وافق منظمو الحفل على الذهاب لإستخراج التصديق سريعاً حتى ينطلق الحفل بعد إصرار المغني على عدم بداية وصلته الغنائية . ليبدأ حفل التخرج في الساعة العاشرة مساء، الامر الذي اثار سخط عدد كبير من الطلاب الخريجين واسرهم رغم عدم علمهم الكامل بالاسباب الحقيقية لتأخر الحفل. وعندما اشارت عقارب الساعة الي الحاديةعشر ليلاً ، وبحسب صحيفة الدار اختتم احمد الصادق الحفل وسط موجة عارمة من الغضب الامر الذي دفع بعض الطلاب للاعتداء عليه وافراد فرقته الموسيقية وحطموا زجاج عربته الفارهة ليصاب الفنان وعدد من افراد الفرقة.
الف الف سلامة عليك ياامبراطور ياحبيبو وعليك الله الخريجين ديل بعد ده يلقو ليهم شغل
يا جماعة كدا تعالوا ونقعد برواقة ونتفاهم اولا حاجة افتوني ليه اي حفل تخرج ولا حتى ـابين يكون فيه غناء وموسيقى ليه العالم التاني مابنشوف الحاجات دي .. كل الدنيا بتخرج طلاب وبيحتفلوا بس ما بيسوى غناء ورقص وزعيق وفنجيط لا معروف حركات عاقلين ولا سكارى ,,, وتاني الفنان دا اول مرة اسمع بيه لكن من جد عداه العيب لو بقى يهنق الناس ديل جابوا معناه يلتزموا بالقانون ، ودا اكل عيشه يعني لو جا اي واحد من ناس النظام وقال ليه وين التصريح معناها بيتحاسب هو .. والله لا اعرف له اي اغنية ، والشي التاني ديل طلاب ولا عتالة يدقوا الفنان وامل ديك يقتلوا
؟؟؟ واساسا كيف يكون في حفل زي كدا وفي مسرح ولا يوج قوة امنية للنظام
..ومعروف المسرح القومي محروس دائما … في حاجة يا اخونا رايحة في البلد هي شنو الله يعلم فتشوا معاي
ما داقوهوم كويس , احمد الصادق شنو دا واحد ما عندو علاقة بالفن ,
وبعدين ما تشوفو الهمر السايقو دا جايبو ليهو الفوراوي الطايرة ليهو التاني دا عشان احشش قدام الناس انا جبت لي احمد الهمر وجبتا لي حسين الليكزس , عشان يكشر بالفارات التانيين شوف دا احمد الصادق بضرب لي و ما داير ارد عليهو
شعب وهم ومرض
وكمان زرووووووووووق يقول رفضنا جميع الوساطات والله دي مصيبة , المشكلة هي جايا من فوق , وين اتحاد الفنانين وين ,,,,,,, احمد الصادق و ………. الخ زي ديل المفترض يمنعوهم من الغناء زاتو
الله لاكسبهم الطلبة الهمجيين ديل .وهم متخرجين ليها شنو؟ماحيقعدو عطالة وماحيقدمو اي حاجة للمجتمع .
انشالله يكونو قارين حاجة فيها فايدة بس .
الف كفارة للامبراطور احمد الصادق وربنا يكتب سلامة المصابين.صاحبي عوض الله عازف الجيتار انشالله مااتعوق بس ؟
انه قمة التخلف والانحطاط هو الجامعات دي غيروها ولا ايه
يارب نريد سودانا امنا
وده ما مستوي بتاع بشر متحضرين \\” وآل ايه ? آل طلبه جامعيين آل!
لكن ده بيعكس مدي الإنحطاط اللي وصلت ليه البلد, وإنه ما فرق بين ناس الجامعه وشلل الصعاليك. وإنه لسه قدام البلد طريق طويل بالنسبه لموضوع القوانين وتطبيقها. وخلاص كفايه مجاملات, ويجب إنه القانون ياخد مجراه عشان ما تتكرر مثل هذه الاعمال الشنيعه
بالله دي حالة دي يا اخوانا المفروض يكون في نظام عام … انا بقول الحادثة دي يجب ان لاتمر مرور الكرام وان يعاقبو هؤلاء الطلبة على فعلتهم القبيحة التي لا تليق بكونهم طلبة خريجي جامعات بل بلطيجة خريجي شوارع ..
والف سلامة عليك يا امبراطور الغناء احمد الصادق والف سلامة للفرقة المصاحبة ويجب ان تتوخى الحذر انشالله تجيب ليك بودي قارد عشان انتا زول ما مفروض يجازوك كدا هؤلاء الطلبة البلطجية .
والف الف سلامة عليك …………..
المصيبة ليست في الحادثة 00 المصيبة أننا أصبجنا شعب غناء و رقص حتى وصلنا لدرجة التهور اذا لم نستمع الى الغناء و نرقص وردة الفعل على الفنان وفرقته دليل على ذلك 00 هل فعلاً أصبحنا شعب غناء ورقص وفي كل مناسبة لازم غناء و رقص يا عالم غيروا من هذه الطريقة من هذه المصيبة يرحمكم الله 0
حتى اعلامنا بمختلف ألوانه خاصة القنوات تمجد الفنانين وتقدمهم كأنهم وجهاء الوطن ومفكريه و عظمائه مما انعكس على صغارنا وأصبح الكل يتمنى أن يكون فناناً أو فنانة حتى وصلنا الى المئات منهم 00
أقول أن نجوم الغد هم المفكرين والمخترعين والأساتذة والعلماء والأطباء و المهندسين والصناع و الزراع و الرعاة و و و و و
اللهم أهدي قوم وطني
اللهم أرفع شأن وطني
أبو محمد
السعودية / الرياض
اوت سايد ، انت ماك صاحي ولا شنو؟
الزول ده لو جبت ليك حمار ، حمار من الزلط قلت ليه الامبراطور منو بقول ليك احمد الصادق
بعدين الفوراوي ده منو القاصدو .؟؟ خلي معلومتك كاملة ..
على قول مصطفى ، انشالله الخريجين ديل يلقو ليهم شغل ويكون قارين حاجة فيها فايدة .
تعالوا يا ناس انتو ليه مستغربين كدة ؟؟؟
اول فنان ياخد علقة ؟!! عندنا الفنان لو ما اخد علقة دا لسة معناها
ما وصل درجة الاحترافية ..!!!
الشى الذى اعرفه عن هذا الشاب انه فنان بمعنى الكلمة
فنان فى كل شى ،، ولفتنى تواضعه اما قصة طروب دى
شغلة حسب الاذواق بس يكفى ما وصل اليه من محبة …
شكر خاص لـ الجاب لى اخباره … ( صاحب البوست )
..;)
تعالوا يا ناس انتو ليه مستغربين كدة ؟؟؟
اول فنان ياخد علقة ؟!! عندنا الفنان لو ما اخد علقة دا لسة معناها
ما وصل درجة الاحترافية ..!!!
الشى الذى اعرفه عن هذا الشاب انه فنان بمعنى الكلمة
فنان فى كل شى ،، ولفتنى تواضعه اما قصة طروب دى
شغلة حسب الاذواق بس يكفى ما وصل اليه من محبة …
شكر خاص لـ الجاب لى اخباره … ( صاحب البوست )
..;)
(إعتداء وحشي على الفنان احمد الصادق وفرقته الموسيقية بأمدرمان)
على قدر أهل العزم تأتي العزائم
وتأتي على قدر الكرام المكارم
الله يرحم السودان
شوف همومنا ونقاشاتنا بقت في شنو .. ؟
:rolleyes: والله صراحه شي مؤسف كون الطلاب اعملوا عصابه علي الضعفاء ديل
لكن برجع واقول احمد الصادق غلطان في تأخر الحفل يعني انت جاي تغني في عرس
خايف من ناس النظام العام لوما عندك تصريح بتاع حفل وجوا ناس النظام العام مايقدروا اسوا ليك شي عشان ده حفل بتاع تخرج طلبه جامعيين وكمان الاسر جايه تفرح بي تخرج اولاده تقوم تأخر الحفل وتسد نفس الطلبه والاسر صراحه انا لو كنت معاهم كنت زعلته جدا.
وهاردلك يا احمد الصادق ده حال الدنيا تسرق منيه في لحظة عشم
احمد كفاره ليك ى سكره وربنا يديك العافيه والصحه احنا من دونك ما بنقدر نعيش انت حياتنا بمووووووت فيك
رغم رأيي في الفن والفنانين الا أن هذا التصرق لابد من شجبه ومحاسبة المعتدين وكذلك ناس موقع النيلين الذين لم يذكروا اسم الجامعة ربما خوفا من ادارتها …..
أتمنى أن تتحلى ادارة الموقع يوما ما بالشجاعة والأمانة …. هذا الموضوع ليس به تشهير أن الكثيرون ممن حضر الحفل يغلم اسم الجامعة
ديل شباب همج ما بعرفو قيمة الفنان شنو يعني لو غنا ساعة دا احمد لو وقف في المسرح ساي بالدنيا