رياضية
مشجع يدعو: (نفسي ألاقي خليفة في زقاق ضيق)
وهاجمت الجماهير مدرب الفريق واداء لاعبيها الذين طالبت بتسريحهم وانهاء عقودهم بصورة فورية لما أسموه انعدام الغيرة على الشعار وعدم اظهار أي ردة فعل للثلاثية التي ولجت شباك جينارو.
ودعا الكلح عبد الله حسب رصد أجراه موقع (سوداناس) المدير الفني للفريق الهلال للاستقالة وقال (ياالتاج محجوب احسن تشوف ليك صالون حلاقة تعمل فيه).
في الأثناء وجهت الجماهير انتقادات لاذعة للفرقة الهلالية وطالبت بانهاء عقود اللاعبين وابدالهم بجيل شاب له القدرة على العطاء والبذل من أجل النادي قال سفيان مدثر حسب رصد “سوداناس”: (إنه ودون انفعال ينبغي من قيادة تغيير وتقديم خطابات شكر وانهاء عقود لكل من سيف مساوي ومعاوية فداسي وخليفة أحمد وسيسه وسيدي بيه وسمبو والمعز محجوب وعدم تجديد عقد مهند المنتهي بنهاية الموسم).
وكانت معظم الجماهير قد حملت بشدة على أداء المدافع خليفة ووصفته بـ “الدروشة” وحملته مسؤولية الثلاثية التي ولجت الشباك الزرقاء فقال أحمد فورمات: (ياخي خليفه منو، الله يحرق ضغطك . . جبت لينا الضغط والسكري) بينما توعد عبد الرحمن شاشوق اللاعب ذاته بقوله (خليفة ده نفسي ألاقيه في زقاق ضيق).
وفي وقتٍ أبدى عدد من المتداخلين عن اعتزالهم الكرة، عبر آخرين عن تمسكهم بالفانلة الزرقاء كما قال علي السر (الهلال سيظل هو الهلال سواء انهزم او انتصر لأننا تعودنا ان نشجع كيانا وليس أفراداً).
جدير بالذكر الهلال دخل مباراة اليوم بفرصة الفوز فقط، وذلك لتجنب الخروج من ربع نهائي دوري أبطال افريقيا.
المصدر – سوداناس
م . خ
السبب الرئيسي للهزيمة المدرب والحارس بصفة خاصة واللاعبين الماعندهم غيرة وروحهم الانهزامية ديل والله مرض عديل كدة وما منهم رجاء والله فريق مازنبي من اضعف فرق المجموعة لكن ما لقي رجالة أمامه
ههههه الفشل والسودان السودان والفشل واحد افشل شعب
واقبح شعب
قنعنا من السياسة والسياسيين في السودان،وبين أمبارح والليلة قنعنا ظاهر وباطن من الكورة ونقول يا رب ريّحنا منهم كلهم.
حارس المرمى كان السبب في هزيمة الزمالك , وعملها فى اهانة الصحفييين ليهو … واسي السبب شنو؟
انا على يقين انو فيه طابور خامس حتى في الفرق الرياضيه…
المهم السودان ما يمشي قدام..
أستغرب والله عندما يزعل هلالي أو مريخي عند الخروج من بطولة أفريقية ، إنتو وين وأفريقيا وين ؟؟؟ أفريقيا إتقدمت وإنتوا عديتوها كلها سياسة وحروب ولم تعملوا لتقدم السودان ناهيك عن الرياضة ،عايشين على تاريخكم القديم أنحنا عملنا وأنحنا سوينا وأنحنا من شارك في إنشاء الإتحاد الأفريقي وأنحنا علمنا الخليج الكورة ، وأنحنا أحرزنا كاس مانديلا والمحمولة جواً ،، طيب ليه ما أحرزتوهو تاني ؟؟؟؟؟ والهلال ليهو كم سنة يطلع من النهائيات مش بالحظ لا بل للمستوي المتدني المتهالك (إلا مباراة الأهلي فقط) فوقوا يا رياضيين ويا مسؤولين ،،،
كالعادة الفرق السودانية ملطشة والمفروض انها ما تشارك لا في بطولة ولا في حفلة ولا في شكلة ولا في بيوت الزار – هؤلاء اللاعبين خسارة ان تصرف الدولة جنيها واحدا عليهم – الاموال التي تصرف على هذه الفئة الجاهلة من اللاعبين وفاقدي التعليم والوطنية والغيرة – احسن تصرف على السدود والمصارف وصحة البيئة – سرحوا هؤلاء اللاعبين الفاشلين وغير المؤهلين والجهلة فانهم والله العظيم افشل من مثل الفرق السودانية واكثرهم جهلا ولا تعني الهزيمة لهم شيئا ،
ما تلاقى الخضر ولا نافع كان راجل بس بقت فى الكورة
كل الاهداف عن طريق خليفة يا جماعة خليفة في الدوري ما لعب كورة يلعب امام مازنمبي والله مهزلة من المدرب الكلام دا
النقطة الثانية الحارس جمعة مهزوذ يتحمل هدفين من جملة الاهداف
ثالثا المدرب لعب بي خطة غريبة مهاجم واحد ولم نري هجمة واحدة منظمة علي الخصم وكانه محجوب لعب فاقد الامل الله يقطع خلقتك
[SIZE=4][COLOR=#001CFF]قمت بنشر هذا التعليق قبل عدة أشهر في هذا الموقع عقب صعود الهلال لدور ال 16 وكان الهلالاب حينها لا يخفون شماتتهم من خروج المريخ من التمهيدي، ويتحدثون عن الهلال كأنه البرشا أو العملاق البافاري بايرن ميونيخ.[/COLOR]
[/SIZE]
[SIZE=5]_ اعادة _
[/SIZE]
[COLOR=#FF0017]أول حاجة مبروك للهلال الصعود، بس المشكلة أنو الهلال بيلعب باسم البلد ومعظم المريخاب بيشجعوه، أو علي الأقل ساكتين ساكت، لكن يجي كاتب عشوائي زي (محمد عبد الماجد) يستعدي ناس المريخ بي تعليقات بايخة زي ما شايفين في مقاله اللي علي الشمال دا. مع أنه يا دوب صعد لي دور ال 16 والحكاية فيها، دور 8 ونصف نهائي ونهائي وأهلي وزمالك وترجي ومازيمبي وليوبار الكنغولي. غايتو نصيحة لوجه الله اذا كنت بتشجع أي فريق سوداني فأحسن تحصر نفسك معاهو في الدوري الممتاز وكأس السودان والمنافسات المحلية الأخري، لأنو لو شجعتو في المنافسات الخارجية ح يمرضك مرض ويزيد ضغطك ويجيب ليك السكري والعصبي.. باختصار مهما الفريق كان مريخ أو هلال اتقدم في المنافسة في النهاية ما ح يجيب كأس، يعنى المجهود الكبير دا كلو ممكن يجي لاعب متهور يطردوه من أول 10 دقائق ويضيع الفريق والكاس، أو حارس مرمي داقس يبيض ليهو كورة، أو يقعد يهظر زي الحضري ويودرنا شمار في مرقة .. أما في المنافسات الخارجية فعشان ما تمرض شوف ليك فريق زي بايرن ميونيخ أو تشلسي أو البرشا أو
الميرنغي شجعو بي مزاج كدا .. مالك ومال المرض .. والله أعلم.
[/COLOR]
الهلال هو الهلال ونشكرهم علي هذا الجهد الذى واصلهم الي دور الثمانيه غيرهم من غيرهم وهذا حال الكوره السودانية متعودا دائما الكوره بالثلاثه
الرئيس الراحل جعفر نميري كان عندو حق لمن الغي الأندية وبدلها بالرياضة الجماهيرية .. صرف فلوس في الفاضي على لاعبين أشباح لاخير فيهم ولافي مدربهم .. بالضرورة العودة لنظام الأشبال والأهتمام بهم للمستقبل .. لاحولة ولاقوة الا بالله … الفشل بسبب فشل الدولة أيضا دولة حرامية فكيف يستقيم الظل والعود أعوج ؟؟؟؟؟؟؟
ياجماعة المشلكة في التربية الفنية في اياسيات كرة القدم من تمرير وتثبيت واستخلاص وكذلك البنية الجسمانية والعضلية في اللاعب السوداني محتاجة لتأهيل قبل اللعب دوليا
يا جماعه الهلال خرج من تعادله في الخرطوم امام فيتا والهلال يتقدم كيف وفي موسم واحد ثلاثه مجالس ادارات وثلاثه مدربين الحكومه تغير وتبدل الوزير اتدخل الفريق ابدا كويس تبدا المكايدات وتعطيل الفريق عشان الانجاز ما اتحسب لزول بعينه الناس كانت بتفرق بالكوره من ضغوطات الحياه اصبحت الكوره تجيب الضغط والسكري الناس اعتزلت السياسه والكوره حتي البلد الناس اعتزلوه الله المستعان
المشكله مافى المدرب المشكله فى كباتن الهلال مستواهم ضعيف وفهمهم دون الوسط كنت اتمنى ان يكون لعيبة الهلال بنفس مستوى التاج عندما كان لاعبا
اقترح تسريح جميع الاشباح دي مع مايسمى مدرب والاتيان بجهاز فني جديد يفهم فن التدريب ولعيبة شباب عندهم الموهبة والقدرة الجسمانية الكافية لمجاراة فرق افريقيا وبعدين هل الناس دي بتأكل لحم حمير ولاشنو حيلهم ميت كدا ياخ ديل الواحد تلقى ريالتو سايلة جنب ست شاي النهار كلو وبرضو كمان نعشم في لعب كورة؟؟