معتمد الخرطوم يوجه بمحاسبة المقصرين في تصريف مياه الخريف

كلام حلو وجميل
الان نعقد جلسة محاسبة ..
السيد المعتمد .ز تتعاملون مع هيئة الارصاد الجوية وهناك تعاون اقليمي ماذا استفدتم من ذلم التعاون؟؟؟
السيد المعتمد هناك شركات تسمى شركات النظافة هل هي فقط لجمع القمامة ام لتنظيف كل شيء في الشارع ؟؟ بمافيها الاوساخ التي تتراكم في المصارف ان بفعل الهواء او المواطن
نرجو التوضيح وبالارقام كم هي ميزانية درء السيول وكم هي الكيلومترات ( ان جاز التعبير ) التي تم رصفها وجعلها مصرف دائم؟؟
السيد المعتمد لم نرى اي جهود غذائية من الولاية للمتضررين.. ولم نرى اي توزيع للمياه الرخيصة
السيد المعتمد لم لا نسمع انه تمت محاسبة جهة منفذة على الاخطاء التي حدثت
السيد المعتمد هل صيانة الكباري من مسؤوليتكم ام من مسؤولية وزارة اخرى اتحادية اذا كان ذلك تابع لكم بحكم ان العمل بعد التنفيذ يملك للجهة ذات الشان ما هذا الذي تراه في كبري القوات المسلحة
السيد المعتمد ماذا يعني ان تاتي وتصرح وتخوف وتحذر المهندسين ولم لايكون ذلك من صميم المسؤلية ويتم التكليف قبل وقوع الكارثة ..
السيد المعتمد لم تجب على سؤال واحد ولذا انت راسب ويجب ان ترفد

لو كان هناك من يحاسب سيدي المعتمد فهو جنابك وجتاب الوالي اولا. قبل ان تحاسبوا صغار موظفيكم عليكم بمحاسبة انفسكم؛ هذا لو كنتم تؤمنون بأن الله سبحانه وتعالى سائكم على المسؤولية التي حملتوها تكليفا لا تشريفا.
والله المستعان

قبل كيده ما قلت مستعدين وجاهزين للخريف يا نمر يا كذاب وملا وقعت الطامة عايز تجلط في المهندسين اختشي وشوفلك شغله تانية غير معتمد التي تتقاصر قامتك امامها يا فاشل انت وواليك .

هو الداير يحاسب دا بيجي يصرح يقول انا عايز أحاسب .. ما تمشي تحاسبهم بعيد بعيد .. يا جماعة عشان ما تفقعوا مرارتكم ساكت .. أصلا موسم الخريف دا في ناس نافذين بتستفيد منو .. في إعانات بتجي وفي مخازن بتتملي وفي عربات شفط بتتأجر .. وفي لجان بتتكون عشان تشتري مواد غذائية بأسعار السوق الأسود .. وفي مرايل (جمع مريلة) بيشتروها بملايين .. يا شعب السودان الفضل .. أفهموا .. يعني يعالجوا ليكم مشاكل التصريف والناس المستفيدين ديل يبقي خشمهم ملح ملح .. أنا بقول الكلام دا وأنا واثق منوا لأنو ما غريب علي الانقاذيين المتاجرة في مصائب الناس .. يكفيهم أنهم يتاجرون في صحة المواطن المسكين في الأدوية الضاربة والعلاج المنتهي الصلاحية والمستشفيات الاستثمارية ذات النفوذ .. يا سودانيين البلد دي خلاص أقنوعوا منها طول ما التجار ديل قاعدين فيها .. ربنا يعوض عليكم وعلينا في سودان جديد نظيف ومعافي (يا ريت دا ما يكون حلم ساكت)