اقتصاد وأعمال
الهيئة: خروج وحدتي سد مروي وراء قطوعات الكهرباء
عزت الهيئة القومية للكهرباء لجوءها لبرمجة قطوعات الامداد بالشبكة القومية لخروج وحدتي التوليد بمحطة كهرباء سد مروي من الشبكة القومية منذ الخامسة من مساء الاحد الماضي علما بأن الوحدتين كانتا تمدان الشبكة القومية ب(250) ميقاواط، واكدت الهيئة ان جميع وحداتها تعمل بطاقتها القصوي.
واكدت الهيئة في توضيح صحفي تلقت «الصحافة» نسخة منه انها لجأت الي فصل قطاعات بورتسودان ، دنقلا ، كريمة والدبة من الشبكة القومية وتغذيتها من محطات التوليد المحلية وذلك لتوفير اكبر قدر للمشتركين بالشبكة القومية، مؤكدة انها ستقوم بتوزيع المتاح من الطاقة بصورة عادلة .
تشير «الصحافة» الي ان توربينتي التوليد بمحطة سد مروي لا زالتا في مرحلة الاداء التجريبي.
بله علي عمر :الصحافة
هو بتين السد دخل الخدمة لمن يحصل فيهو عطل
😮 طبعا ده مادة خصبة للشامتين.
وإنشا الله ما تكون التوربينات (بضاعة صينية – حيث معروف عن البضاعة الصينية جودة الشكل والمظهر وعدم الكفاءة التشغيلية)(؟) (؟)
بلاى شوف العذر الأقبح من الذنب دة يعنى معقولة يعنى دة صورة مقلوبة وما شىء جديد قبل كدة لما البترول طلع سعرة إضاعف مرات عديدة
مازال المرؤ يكذب ويتحري الكذب حتي يكتب عند الله كذابا) الي متي هذا الاستهبال والكذب .
هى متين دخلت عشان تطلع !!!!!!!!!!!!!, سبحان الله
اللهم لا شماتة لكن حقيقى الواطن السودانى يستاهل كل دا نسبة لجهل الحقوق التى لا تريد الحكومة المواطن ان يعرفها من الاساس.
نحن فى القرن الكم ياحكومة ولى اسى كهربتنا بتقطع ومويتنا بتسرسر ما حرام عليكم ياخ الكبار والصغار يعانو من هجير الصيف تحت سمعكم وبصركم؟
حسبى الله ونعم الوكيل
وعلي عثمان فتح في امدرمان بقالة ولا حانة .
ياناس احترموا عقولنا ، وكفاية كذب علي الدقون .
اين شعارات وكذب الحكومه على المواطن الغلبان…..بالامس القريب كنا نسمع السد…السد… حيكون الرد…لك الله يا انسان السودان…
الحكومة بتعشم الشعب المغلوب على امرو بالسد دا من قبل السد ما يبدى على اساس لمن يخلص تاني ممكن نصدر كهرباء للدول المجاورة بعد الاكتفاء الذاتي طبعا والشعب حيرطب وسعر الكهرباء حيكون رمزي جداا والشعب صبر وصبر وصبر وبعداك جا الفرج………… وركب ماسورة 12 بوصة لمن عرف حاجة … ولسا صابر
السد الرد
ايها الاخوة المحترمين
مهما كانت الاختلافات ومهما كانت الرؤى !!!!!
كونوا سودانيين
قبل كل شيء
نحن في القرن الواحد والعشرون ولا القرن الحادي عشر يا حكومة السودان كل يوم بنرجع 100 سنة الى الوراء والسوان كل صور مقلوبة طلع البترول زادوا السعر وطلعت الكهرباء من سد مروي وزادت القطوعات الى متى يا ْْْْْْْْْْْْْْْْْْْْْْْْ………………..
الشعب السوداني عموماً شعب كسول لا يحب العمل واذا عمل فهو عشوائي لابعد درجة، هذا ينعكس على كل قطاعات الخدمات في البلاد. يااخوانا انتو شايفين انو الكهرباء هي المشكلة الوحيدة اللي بنعاني منها؟ في ميلون ألف مشكلة تانية في السودان العالم كلو اتجاوزها ليهو 100 سنة.
اولا غيرو اسمها
من الهيئة القومية للكهرباء
لي
الهيئة القومية لبرمجة قطوعات الكهرباء
😉
احسن والله
الرد الرد شموع وند
اتمني ان تنضم وزارة اكهرباء والسدود وتسمي
وزارة السدود والكهرباء اسم واحد:lool: :lool: :lool: