سياسية
والي الخرطوم يعلن مبادرة لاطلاق سراح المحبوسين بسبب المال
وقال الوالي لدى مخاطبته بدار التائبات بامدرمان اليوم ختام مشروع النزيل المنتج ، ان اطلاق سراح المحبوسين سيبدأ بالتدرج من اصحاب المبالغ الاقل ثم المبالغ الكبيرة .
وقال الوالي ان مشروع التأهيل سيشمل كل النزلاء والنزيلات حتي يخرج النزيل ويمارس المهنة التي تدرب عليها بصورة مباشرة وأعلن عن شراء الولاية لكل منتجات النزيلات التي انتجنها داخل السجن وتوظيفها للمعالجات الاجتماعية .
د أمل البيلي وزيرة التنمية الاجتماعية قالت ان برنامج تأهيل النزيلات تم بشراكة بين الاتحاد الوطني للشباب بالولاية وديوان الزكاة معلنة ان اي نزيلة خضعت لهذا البرنامج واكملت مدة الحبس ستجد التمويل جاهزا للمشروع الذي تدربت عليه .
الى ذلك اعلن اتحاد الشباب ان البرنامج سينتقل لكل الولايات .
سونا
أ.ع
وطبعا ناس مكتب الوالي اخر من يتم إطلاق سراحهم حسب المبلغ المسروق
بالمناسبة غسان عملتو معاهو شنو … صحي هربتوهو خارج السودان ؟؟؟؟
والله أنا خائف يفك ناس مكتبه في الاول حتي تموت القضية …. يا للبجاحه
ما تنسى غسان يا جناب الوالي.. الود مسكين ومبلغو ده ابدو بيهو اول بعدين شوفو التانين
هو انت يا سعادة الوالي لا تحرس المال ولا تخلينا نعاقب السرق .ز ولا تحل مشاكل الناس من النصب والاحتيال بالشيكات الطائرة وجاي تفك الاصدروها
دعوة للسرقة والخروج من السجن حسب المبلغ يعنى لوعاوز تسرق مليار كل شهر 100 مليون يمكن تطلع بعد شهر والشهر القادم 500 مليون تطلع بعد 15 يوم يكون فى السنة عندك مليار واسجنة 6 شهور لوقعدة 20سنة خدمة ماتلقى المبلغ دا جربوا
دا البند الجديد والاخير من بنود التحلل خلاص يعني من التحلل الاصغر الى التحلل الاكبر ذكاء خارق في تجاوز القانون لاخراج موظفيه الحرامية .
ولسان حال الوالي لهؤلاء الحرامية (ما طلعتكم منها زي الشعرة من العجين)
مهازل غريبه يا السودان اضحكتوا علينا شعوب الدنيا في اختراعاتكم الغريبه .
الناس دي مش محبوسه بحكم قضائي و لا طلاقيتي.
مبادرة شنو و زفت شنو.
كلام الزول دا أكبر دليل على نهاية القضاء فى السودان.
الفاتحــــــــــــه