السيره التانيه المفتش : طشا وكل ما يطش تجيبو الكشه عرفه: كبرت بقت بايركسي الخاته عينه عليهو طشا مع الشباب الطشا والكراكة: فوق الترعه جنزيرا مقطوع بقولوا مسكونه، من زمن جيتو مجدوعه مركونه وطيارةالرش: زي ما قالت حبوبتي رحمها الله من ما جانا الراجل دا ما شفنها فوق حلتنا وحاجه نفيسه: ربي في عونه من العنقريب للمصلايه شاحده الله اجيب اولاده ..اولاده السته وتلم الشمل اجيب الفي ليبيا والفي سوريا والفي لبنان والود الصغير الما معروف ليهو مكان اجيب علي و محمد من الامارات والسعوديه القالو جاين في الصيفيه، جايبين الاولاد للجامعات شهادة عربية الشهادة عربية و الجلابية خناقه مكويه والطاقية ما طاقية والتوب طرحه هندية اللهجة خليجية شامية اللهجة مصرية وامكن بكرة تكون حبشية لا خريطة…ولا هوية إنقاذية ميه المية..إنقاذية ميه الميه جا وقت الحصاد: فقدنا السنمبر فقدنا عشوشه حتي الطير يا شتات ! شتت ..فات كيف ! ما يشتت لو محصول العيش البعناليهو العجله عشان نحرت الارض ودينا عشان نسقيهو بالبابور ما الترعه معاكم صيامه طويل جينا نحصد؛ لقينا العيش ما فيهو غنقر طلع عدار طلع مغشوش تيراب فاسد وزير فاسد لافي حساب ولافي عقاب شريعتكم شريعة الغاب شريعتكم بنيه سفاح ابوها الشيخ وكل الناس عارفنو الشيخ خُطابا كتار ..وعشيقا نايبكم بت الليل ورتنا الويل المستعمر شبع وخلانا عقاب وانتو شبعتو وشتتو الباقي للاغراب شي للاحباش وشي ببلاش وشي مضوكم دقسوكم وشي شالو حمرة عين عديل “يا ناسي اقدار الرجال ماتخشي غضب الله وتخاف”
حاتم ارباب – النيلين
[/JUSTIFY]-
-
-
-
-
-
-
-
