تلقى جدك عبد العظيم قا ا ا اعد فى كرسيهو داك .. اقبض ض ض … تعاا ا ا ل يا ولد .. منتظرك من قبيل أنا .. شايف الطوب الفى الكورنة ديك .. شيلو و و و هسي …كلو وديهو الكورنة التانية ديك ! .. تقول ليو يا جدى بجى بعدين اظبطو .. عندى موضوع مصيرى … راسو والف سيف يا الطوب يا الطوب ! فتبدأ انت فى نقل الطوب و دمعة تكاد تطفر من عويناتك ! و البطل الخسيس بهناك طررررح عا ا ا ادى كمزمزة الزبادى .. و ما انتظرك لحظة مع انك منتظرو من بداية الفلم … لما تجى راجع تلقا البطل ماسك يد البطلة و وراهم طيارة حرقانة و دخاخين يرموكية تعانق السماء و موسيقى النهاية تتسلل بين الانقاض ! يقطع تأملك و تألمك جدك و هو يكورك : تعال يا ولد رجع الطوب دا مكانو ! دحين المكان الاولانى اخير !
الكاتب : محمد بلال
مقالات ذات صلة
-
-
-
-
-
-
-
-
