سلطان الفيس للعماري الجيد.

عاد ده ماإدمان ياجماعه ..!!؟؟
هو الادمان ده الا يدسو ليهو البدره ولا يعبو ليهو اللايكات دي في اكياس تمباك ولا شنو..؟؟
الواحد بعد كده الا ينصح جناهو(يابني ابتعد عن اصدقاء (الفيس)…واذا صاحبت فصاحب من لايكومنت ولايلايك واذا دردشت فدردش مع من لايطمع في لوايكك وكومنتاتك ..

وكما قال نعمان لابنه ذات مرة من المرارير:
تريث في الصحبه حتي يرسل لك طلبا
ولا تتشالق وتطلب من الفتيات اعجابا
غدا تجد خلف صوره الفتاة فتا
فتصبح العوبه الفيس ويغلق في وجهك البابا
فلا تطول كومنتا ولا حتي من عنب الفيس اعجابا

اها ياجماعه الكلام الفوق ده كوم وانكم تلايكو لينا كوم ..
برضو الصديق وقت الضيق ياجماعه ولا شنو…لايكو وكومنتي وماتشتغلوا بالحكي الفوق ده..والمايلايك انشاء الله جهازوا يعلق يومين لحدي مايبقي زي حدائق بابل المعلقه…….