انشأ النشطاء صفحة على “الفيسبوك” واطلقوا عليها “لو فلسطين مش محتلة” وانضم اليها عدد كبير من الفلسطينيين وكل تمنى امنيته الخاصة فيما لو كانت فلسطين ليست محتلة .
دنيا الوطن رصدت عدد من التغريدات والمنشورات لعدد من رواد الصفحة ونقلت لكم امانيهم .
وكتب احد النشطاء : “لو فلسطين مش محتلة كان كتير اصدقاء من برا فلسطين بشاركونا بكزدورة وصورة .. وكان عملنا كزدورات بلبنان وسوريا والاردن وكل البلاد.. كان ما في اشي اسمو بطاقة ممغنطة وتصاريح يخربو علينا مبادرتنا “.
وقال يزن ابويه: “لو فلسطين مش محتله كان زرنا القدس و كل المدن المحتله” !.
بينما تمنت علا النخلة: “لو فلسطين مش محتله كان حالنا من حال الدول العربيه الي “بترفع الراس” وكان وصل لعنا “الربيع العربي” وتبهدلنا” !!
ومن جهته غرد مهند منوار: “لو فلسطين مش محتلة كانو اخوتنا السوريين نزحو لعنا”..
وعبرت ام منار عن الجو والكرم فقالت: “لو فلسطين مش محتله لو اسه قاعدة بالمجدل في كروم العنب وبقولكم اتفضلوا ميلوا عنا نطعميكم عنب”.
ورغبة منها في حماية البلد والتفرغ للمشاركة في الحفاظ عليها كتبت ريما مراد: “لو فلسطين مش محتلة كان منقدر نتجند مشان نحميها”.
وعن ذكريات الطفولة والحلم الجميل غردت ميرا مرمر: “لو فلسطين مش محتلة كان امي ما بتحكيلي عن طفولتها يلي ضاعت و هي بتزور سيدي من سجن لسجن و كان انا كمان شفتو ..كان كتاااار ما تيتموا بدري .. كان اميات كتار ما كان روتينهم يضلو طول الليل بيبكوو على ولادهمم يلي مقضيين عمرهم بالسحون او يلي بعز شبابهم استشهدوا” ..
يشار الى ان تحرير فلسطين واستقلاليتها حلم يراود كل فلسطيني يحلم بأن يعيش في كنف دولة مستقلة ولها عاصمة وسيادة ومعابر وحدود كأي دولة من الدول التي تتمتع باستقلالها .
دنيا الوطن
م.ت[/JUSTIFY]
-
-
-
-
-
-
-
-
