دى مرافعة قدمها الاستاذ معتصم الأمير – مستشارنا القانوني-صحيفة السوداني – اليوم في المحكمة في قضية طرفها التلفزيون، و أجل بيها الجلسة .
فعلاً كان رصين ومرهق، شكراً سيد الخطيب و أنت تمنحنا بعض الراحة : )
ولسع في ناس بتقول الخطاب ما فيهو فوائد .. هسة دى ما فائدة ؟
أمير كده من أمراء زمان طرح صندوق في عطاء بعد أقنع الناس انو الصندوق فيهو كنز .. العطاء وقع لتاجر بسعر خرافي..التاجر فتح الصندوق لقى جواه صندق اصغر منو، قام فتحو تانى لقى صندوق، وهكذا لحدما لقى في النهاية علبة كبريتة..فتح العلبة لقى فيها ورقة مكتوبة مكتوب فيها ( لو عايز دقنك تكبر سرحها من تحت )
نحن برضو من أمبارح بالليل قاعدين نسرح من تحت.
الطاهر ساتي
مقالات ذات صلة
-
-
-
-
-
-
-
-
