عن الجزيرة
أهملناها..
دمرناها..
ضيعناها قاصدين..
عن الموية الوفيرة..
عن الترعة الكبيرة..
عن اب ستة واب عشرين..
تقانتنا..وجداولنا
سراياتنا ومكاتبنا
محطاتنا وقناطرنا
مصانعنا ومحالجنا
طأطأنا الرؤوس..
ما ردينا ..
ندمانين..
وسافين التراب..
جرينا ورا السراب..
دمارك يا جزيرة ..
وراهوا ناس نافذين..
الجميع عارفين..
إلا ما قادرين..
نقول..
يمرقونا كضابين..
الحواشات..عطشوها..
السكك باعوها..
المحالج وقفوها..
المصانع عطلوها..
العمالة وسرحوها..
ناس المِلِك..
واطات الجدود حصروها
بى أبخس تمن..
بعد الضغط باعوها..
لى منو ؟ ماعارفين..
زى التقاوى..الفاسدة..
منو العارف.. يورينا..
كلهم ناكرين..
جات اللجان..أفة فى السودان..
وراها لجان..
سريعة التكوين..
قالو من التخزين..
اتقفل الملف..
ضاع المزارع..
ونحن معاهوا ضايعين..
صحيفة الجريدة
ع.ش
مقالات ذات صلة
-
-
-
-
-
-
-
-
