أها بعد ( الرميه ) دي عايز أدخل ليكم في موضوعنا ، قصة عُملة ( مزيفة ) من ورق دي بقت ( دقة قديمة ) كل مرة الشغلة ما تجيب حقها ، سمعتوا بآخر تطور ( تزييف ) العملة من الذين تم القبض عليهم قبل يومين ؟
ما حاتصدقوا لدرجة الشرطة جابت ناس مطبعة العملة قالوا ليهم ( عشان تآمنوا ) !!
المزورين جمعوا كمية من العملات القديمة من الفئات ( الصغيرة ) وغسلوها في مواد ( كيمائية ) أزالوا ( الصبغة ) مع الابقاء على العلامة المائية والشريط الفضي ، ثم طبعوا عليها فئات ( كبيرة ) من فئة الخمسين جنية ، ( بقت زي الجلابية بيضاء ومكويه ) حيروا ليك ناس مطبعة العملة ذاتهم ، عرفتوا ( الجريمة ) بتطور كيف ؟ تجيها بالشباك تطلع ليك من ( العين السحرية )
نكتة سطر جديد
اخبار ( جهاز الموجات الصوتية ) الذي تمت ( سرقته ) من مستشفى الغابة شنو ؟
تدوين : محمد الطاهر العيسابي
كاتب صحفي ومدّون
[email]motahir222@hotmail.com[/email]
مقالات ذات صلة
-
-
-
-
-
-
-
-
