الصادق قال لنافع : والله الرسول بي إتجاه وإنتو شايتين بي إتجاه

2013/01/23

تقول الطرفة إنو ذات مرة جرى حوار لذيذ بين الإمام الحبيب الصادق المهدي والدكتور نافع علي نافع والحوار ما وصل لأي نتيجة وفي النهاية جماعتك سخنو الدافوري لدرجة وصلت لحس الكوع وطوالي قام نافع قال لي الصادق المهدي تحالفكم بتاع المعارضة دا تحالف علماني ضد شريعة النبي، لاكين نحنا ماسكين درب الرسول دا عدييييييل وأصلو ما بنفكو لا جاي ولا جاي… الصادق بسخريتو المعهودة ضحك وقال ليهو: والله الرسول بي اتجاه وإنتو شايتين بي اتجاه، ياخي الرسول لمن جا لقى الناس كفار عدييييييل وخلال تلاتة وعشرين سنة بنى منهم «أُمة» قائدة ورائدة لاكين إنتو جيتو وبعد تلاتة وعشرين سنة شغَّالين بس تدمِّرو في «الأُمة»!!!

صحيفة الانتباهة