قصة حفارة عبد الحليم المتعافي والشفافية الزيها مافي

يواصل المتعافي الحكاية والابتسامة العريضة الناصعة لا تفارق وجهه أبداً وكان يوجه حديثه لأحد الصحافيين الذين كانوا أمامه ويقول: كان رئيس الجمهورية في زيارة للولاية، وكان يجلس في هذا الكرسي الذي تجلس عليه أنت فقلتُ له يا السيد الرئيس أنا داير أقول حاجة، عشان ما بعدين يقول ليك المتعافي عمل وعمل وفساد وما فساد، أنا والله طبعًا مشيت الصين واشتريت لحكومة الولاية (30) حفارة والشغلانية عجبتني وقمتا اشتريت لنفسي حفارة برضو، وهسي الحفارة دي أنا مشغلها في الفاو وشغّالة في أمان الله، والحمد لله جايبة لي دخل كويّس بطَلِّع منها خمسة ملايين جنيه في الشهر تلاتة منها بدفعها لأقساط الحفارة واتنين مليون بقوم بديها (الحاجّة) تصرّف بيها البيت، المتعافي قال: البشير لمّا قلتا ليه الكلام دا قعد يضحك وقال لي في شكل مداعبة كدى: ياخي ما تجيب ليْ معاك واحدة …!!أبو الزفت شوفو الشفافية دي كيف ..!!

صحيفة الإنتباهة