[JUSTIFY]نـــحــن حــافـظـيــن لــي ودادك .. مــا بــنـطـيــق نـحـمــل بــعــادك
حنين محمود
يا بابا .. ( عمري بعدّو بالساعات عشان خاطر مواعيدك .. أماني اللقيا في عيوني متين ألقاك وأضم إيدك .. دي حتى عيوني يا غالي ولهانة بتريدك ) .
الحوت
يا حنيني .. ( بدور اجيك أتمسى بعيونك .. وأصابحك يا حبيبي أنا .. أتاري الدنيا دونك شينة .. ومرة وحارة زي النار ) .
محمد بابكر
منو القال ليك بنتحمل فراق عينيك .. وحات الريدة يا اسمر .. فراقك ثانية ما بنقدر .. ولكن غايتو نتصبر .. وكل ما نحن نتذكر تنزل دمعة تتحدر … ربنا يجبك بالسلامة يا حوت .
الحوت
رغم بعدي ومرضي المحير .. البعاد ما ممكن يغير .. لي هواكم المشتول صغير .. من جهلتي وأيام فطامي .. شكري لكل المجموعة وربنا يتقبل منكم ختمة القرآن .
الحلنقي
ربنا يشفيك وتعود سلم إنت مافي منو البسالم .. ويبقى من آلامو سالم .. الزمن يصبح مظالم .. والحِنّين يبقى ظالم .. وتفتح الأحزان عوالم .
جمال فرفور
يا حوت في طبعك ملك .. سامحت كل البدلك .. ما عِرفو آخرك وأولك .. والما بعرفك بجهلك .. يا حوت دايما مبتسم .. مهما تعاني وتنظلم .. الدنيا أبداً ما بتهم .. فرحك عزابك منقسم .
الحوت
أنا ياجمال .. أصلي زول من قمت طيب .. أسألو العرفوني فيكم .. ما جنيت على زول حبيتوا قدمت فني وروحي ليكم .. جنيت على نفسي المسالمة .. ولي ما حنت يديكم .
داليا عبد المنعم
الحوت .. الحوت .. مش ح تفوت .. طمنا عليك وقول مظبوط .. الحوت .. الحوت .. قول لي راجع بي ذات الصوت الأحيا بيوت .. بي ذات الصوت جاييكم تاني وما ح أفوت … مش كده يا الحوت ؟!!
الحوت
صابر ومثابر بالصبر .. عايش وفي جواي أمل .. وباقي معاي طول العمر .. امشي وأواصل للمسير وأمشي مع خطاوي القدر .
عزمي احمد خليل
لو بإيدي يا حوت .. في الألم آخذ نصيبك .. لسه بدري عليك تشكي .. إنت يا دابك نغم .. لو شقاي بيديك سعادة .. ليك بقدم عمري هم .. حبيبي ألمّ في فؤادي .. الله لا وراك ألم .
حنان بلوبلو
عاش من شافك وين أيامك .. يا الدسيت جواي أحلامك .. ريدتك كنت بشوفة بعيدة ويوم طليت تورني سلامك .. الأيدين بي شوقن نادن .. والعينين قالنو كلامك .
محمود في القلب
نحن حافظين لي ودادك ما بنطيق نحمل بعادك .. لما ترجع لينا تاني .. ليك بنهديها التهاني .. من قلوبنا تفيض معاني .
مصعب محمود
لو شفت كيف يا أبوي .. ” كم عزول روج إشاعة ” .. كتلوك وإنت حي .. وإتجاهلو يوم الحسام .. لكن تأكد ليك رب ياخد حقوقك وينصفك … يا أبوي ربنا يرجعك لينا معافى يارب .
الحوت
العشرة كيف رخصت وهانت .. أي زول الفيهو بانت .. ما لقيت حبايب وقفو جنبي غير القليل والروحو عانت .. في مصافي وقف مؤازر .. ظروفي خاينة والدنيا خانت .
محمد الأمين
إنت يا نبع المشاعر ما بصيبك إلا خير .. نحنا مشتاقين وحاتك ونحنا مشتاقين كتير .. والله ما صابرين دقيقة وحتى من مرضك نغير … ياخي بعد الشر عليك .
هيام تاج السر
كل القلوب الحبتك يا حوت .. راجياك ترجع زي زمان .. وإن شاء الله يوم ما نفقدك .
فائزة أم الحوت
يا هيام بتي … إن شاء الله ما آخر وداع .. عشم اللقاء بيهو ما إنقطع لو مستطاع .. أصلو الحياة بين الأمل والشوق صراع .. لكن زورق حبي ليك يا غالي ما داير شراع .
الحوت
يا أمي .. والله برتاح ليك يا غيمة ظليلة .. وغيمة حب في الزمن القاسي .. زمن الضحكة بقت مفقودة .. وكل الكون للفرحة ينادي .. برتاح ليك أنا برتاح ليك .
السر قدور
كفارة لي عينيك عشان تعاباك خلايق الله .. يا العسل النقي المسنون وكت بي نداك ينبلا .. وعينا صادت عينيك حاسداً شافا ما صلى .. سلامتك والألم بيزول … يلا يا بتنا شموس غني ليهو .
شموس
مين لي سماك يطول .. ما بطولك اللمسان .. معناك شرحو يطول .. والله يا إنسان .. أنا عقلي بيك مخبول .. والناس عقول ولسان … يا قائد أسطول الفن السوداني .. ترجع لينا بالسلامة يارب .
